മലയാളികളുടെ പ്രിയപ്പെട്ട താരമാണ് ബാബുരാജ്. ആക്ഷന്‍ ഹീറോയിന്‍ വാണി വിശ്വനാഥിനെ വിവാഹം കഴിച്ച വില്ലന്‍ ബാബുരാജ് എന്ന് അദ്ദേഹത്തെ പലരും വിശേഷിപ്പിക്കാറുമുണ്ട്. നെഗറ്റീവ് കഥാപാത്രങ്ങളിലൂടെ പ്രശസ്തനായതുകൊണ്ടാണ് താരത്തിനെ അത്തര്തില്‍ വിശേഷിപ്പിക്കുന്നത്.
ഇപ്പോള്‍ സിനിമയില്‍ വില്ലനായി മാത്രമല്ല, അഭിനയ പ്രാധാന്യമുള്ള വേഷങ്ങളും ബാബുരാജ് അവതരിപ്പിക്കുന്നുണ്ട്. താരത്തിന്റെ ഏറ്റവും പുതിയചിത്രമാണ് ‘നല്ല നിലാവുള്ള രാത്രി’. സാന്ദ്ര തോമസ് നിര്‍മാണത്തിലേക്ക് തിരികെ വരുന്ന ചിത്രം കൂടിയാണിത്.
കഴിഞ്ഞ ദിവസം താരവുമായി ബന്ധപ്പെട്ട് ഒരു വാര്‍ത്ത പ്രചരിച്ചിരുന്നു. ഗുരുതരാവസ്ഥയില്‍ ബാബുരാജ് ആശുപത്രിയിലാണെന്നും എല്ലാവരും പ്രാര്‍ത്ഥനയോടെ കാത്തിരിക്കണമെന്നുമായിരുന്നു ഒരു ഓണ്‍ലൈന്‍ മാധ്യമത്തില്‍ വന്ന വാര്‍ത്ത.
ഇതില്‍ പ്രതികരിച്ച് രംഗത്തെത്തിയിരിക്കുകയാണ് താരം ഇപ്പോള്‍. ജിമ്മിലെ ട്രെഡ് മില്ലില്‍ ഓടുന്ന വീഡിയോ ഇന്‍സ്റ്റഗ്രാമില്‍ പങ്കുവെച്ചുകൊണ്ടായിരുന്നു താരത്തിന്റെ പ്രതികരണം.
താന്‍ കാര്‍ഡിയോ വര്‍ക്ഔട്ട് ചെയ്യുകയാണെന്നും അല്ലാതെ ആശുപത്രിയിലെ കാര്‍ഡിയോ വാര്‍ഡില്‍ അല്ലെന്നുമാണ് വീഡിയോ പങ്കുവെച്ചുകൊണ്ട് ബാബു രാജ് കുറിച്ചത്. തലയ്ക്ക് മീതെ ശൂന്യാകാശം താഴെ മരുഭൂമി എന്ന പാട്ടോടുകൂടിയാണ് വീഡിയോ ചെയ്തിരിക്കുന്നത്. വീഡിയോ ഇപ്പോള്‍ വൈറലായിരിക്കുകയാണ്.
