മലയാളികളുടെ പ്രിയപ്പെട്ട നടിയും മോഡലും ബിഗ്‌ബോസ് മുൻ മൽസരാത്ഥിയുമാണ് നടി ആര്യ.
ഏഷ്യാനെറ്റിലെ സൂപ്പർഹിറ്റ് കോമഡി പരമ്പരയായിരുന്ന ബഡായി ബംഗ്ലാവ് എന്ന ഷോയിലൂടെയാണ് ആര്യ ഏറെ പ്രേക്ഷകപ്രീതി നേടിയെടുത്തത്.
ബിഗ്‌ബോസ് മലയാളം രണ്ടാം പതിപ്പിൽ എത്തിയതോടെ താരത്തിന്റെ ജനപ്രിതി വർധിക്കുകയായിരുന്നു.
സോഷ്യൽ മീഡിയയിൽ ഏറെ സജീവമായ ആര്യ തന്റെ കുടുംബത്തെ പറ്റിയും വ്യക്തിപരമായ ജീവിതത്തിലെ സന്തോഷങ്ങളും സങ്കടങ്ങളും എല്ലാം ആരാധകർക്കായി പങ്കുവയ്ക്കാറുണ്ട്.
അതേ സമയം സാധാരണ ഒരു നടി അല്ലെങ്കിൽ ഒരു സ്ത്രീക്ക് ചെയ്യാൻ കഴിയുന്നതിനും അപ്പുറം ഉള്ള കാര്യങ്ങൾ ആണ് എന്നും ആര്യ തന്റെ ജീവിതത്തിൽ ചെയ്തുകൊണ്ടിരിക്കുന്നത്. അതിപ്പോൾ അഭിപ്രായത്തിന്റെ കാര്യത്തിലായാലും അഭിനയത്തിന്റെ കാര്യത്തിലായാലും.
തന്നെ വിമർശിക്കുന്നവർക്ക് നല്ല മറുപടി കൊടുത്ത് ഓരോ ദിവസവും മുന്നേറുന്ന താരം തന്റെ ജീവിതത്തിൽ മറ്റുള്ളവരുടെ വാക്കുകൾക്കു മുന്നിൽ ഒരിക്കലും തളർന്നു പോകാൻ ആഗ്രഹിക്കാറില്ല. മോഡേൺ വേഷത്തിൽ വസ്ത്രം ധരിച്ചെത്തുന്ന താരത്തിനെതിരെ നിരവധി വിമർശനങ്ങൾ സോഷ്യൽ മീഡിയയിൽ ഉയർന്നപ്പോഴും അതിനെയൊന്നും വകവയ്ക്കാതെയാണ് ആര്യ മുന്നോട്ടുള്ള ഓരോ ചുവടുകളും വെക്കുന്നതും.
കോമഡി വേഷങ്ങൾ കൂടുതലും അവതരിപ്പിച്ചിരുന്ന ഒരു താരം എന്ന നിലയ്ക്ക് മറ്റെല്ലാവരെയും പോലെ ആര്യയും ആഗ്രഹിച്ചിരുന്നത് തന്റെ അഭിനയം ഒരു നായിക എന്ന നിലയിലേക്ക് ഉയർത്തണമെന്നാണ്.
ഇപ്പോൾ താരം തന്റെ ജീവിതത്തിലെ സന്തോഷകരമായ ഒരു വാർത്ത പുറം ലോകത്തെ അറിയിച്ചിരിക്കുകയാണ്.
താൻ ഒരു സിനിമയിൽ നായികയായി എത്തുന്ന വിവരമാണ് ആര്യ വെളിപ്പെടുത്തിയിരിക്കുന്നത്. ജീവിതത്തിലെ ഏറ്റവും അധികം ആഗ്രഹിച്ചിരുന്ന ഒരു കാര്യമാണ് ഇപ്പോൾ നിറവേറുന്നത് എനിക്ക് ഉണ്ടായിരുന്ന വലിയൊരു ആഗ്രഹം ഇവിടെ സത്യമാകാൻ പോകുന്നു എന്നും ബിഗ്‌സ്‌ക്രീനിൽ അഭിനയിക്കണമെന്ന ആഗ്രഹം ദൈവം സാധിച്ചത് പോലെ തന്നെ നായിക എന്ന ആഗ്രഹവും ഇപ്പോൾ ദൈവം സാധിപ്പിച്ചു തന്നിരിക്കുകയാണ് എന്നാണ് താരം വ്യക്തമാക്കിയിരിക്കുന്നത്.
അതേ സമയം ഏഷ്യാനെറ്റിൽ സംപ്രേഷണം ചെയ്ത ബഡായ് ബംഗ്ലാവ് എന്ന ഹാസ്യ പരമ്പരയിൽ രമേശ് പിഷാരടിയുടെ ഭാര്യയായി തകർത്ത് അഭിനയിച്ച ആര്യ ബഡായ് ആര്യ എന്നാണ് അറിയപ്പെടുന്നത്. ബഡായ് ബംഗ്ലാവ് ഹിറ്റായതോട് കൂടി ആര്യയെ തേടി കൂടുതൽ അവസരങ്ങൾ സിനിമയിൽ നിന്നും മറ്റും വരാൻ തുടങ്ങിയിരുന്നു.
ബഡായ് ബംഗ്ലാവിൽ എത്തുന്നതിന് മുമ്പ് ആര്യ ചില സീരിയലുകളിൽ അഭിനയിച്ചിരുന്നു. തമിഴ് സീരിയലിലൂടെ ആയിരുന്നു ആര്യയുടെ അഭിനയ ജീവിതത്തിലെ തുടക്കം പിന്നീട് മലയാളത്തിലേക്ക് ചേക്കേറിയ ആര്യ സ്ത്രീധനം എന്ന സീരിയലിലെ അഭിനയത്തിലൂടെ മലയാളം മിനിസ്‌ക്രീൻ കുടുംബ പ്രേക്ഷകർക്ക് പരിചിതയായി മാറുകയായിരുന്നു. കുഞ്ഞിരാമായണം, പ്രേതം, ഹണി ബീ 2, പുണ്യാളൻ പ്രൈവറ്റ് ലിമിറ്റഡ്, ഗാനഗന്ധർവൻ, ഉറിയടി തുടങ്ങിയ സിനിമകളിൽ ആര്യ അഭിനയിച്ചിട്ടുണ്ട്.
ബിഗ് ബോസ് സീസൺ 2വിൽ മത്സരാർത്ഥിയായ ആര്യ ഷോ കോവിഡ് മൂലം നിർത്തുന്നതിന് മുമ്പ് വരെ പുറത്താവാതെ നിന്നിരുന്നു. ഷോ കഴിഞ്ഞപ്പോൾ ഒരുപാട് സൈബർ വിമർശനങ്ങൾ നേരിടേണ്ടി വന്നിരുന്ന ആര്യ അതിനെയെല്ലാം പുഞ്ചിരിയോടെ നേരിട്ട് വീണ്ടും ടെലിവിഷൻ രംഗത്ത് സജീവമായി. സോഷ്യൽ മീഡിയയിൽ സജീവയായ ആര്യ അടുത്തിടെ പോസ്റ്റ് ചെയ്ത ഫോട്ടോഷൂട്ടിലെ ചിത്രങ്ങൾ സമൂഹമാധ്യമങ്ങളിൽ വൈറലായിരുന്നു.
