ഒട്ടുമിക്ക എല്ലാ യുവ സുപ്പർതാരങ്ങൾക്കും ഒപ്പം നായികയായി അഭിനയിച്ച് പ്രേക്ഷകർക്ക് പ്രിയപ്പെട്ടവളായി മാറിയ തെന്നിന്ത്യൻ താര സുന്ദരിയാണ് നടി കാജൽ അഗർവാൾ. പ്രായം 30 കഴിഞ്ഞിട്ടും താരം വിവാഹിതായാവാതെ നിൽക്കുന്നത് വലിയ വാർത്തയായിരുന്നു.
എന്നാൽ ഇപ്പോഴിതാ താരത്തിന്റെ വിവാഹവാർത്തകൾ പുറത്തുവന്നിരിക്കുകയാണ്. വിവാഹം ഈ വർഷം തന്നെ ഉണ്ടാകുമെന്നാണ് റിപ്പോർട്ട്. എന്നാൽ ഇതൊരു പ്രണയ വിവാഹമല്ലെന്നും വീട്ടുകാർ ഉറപ്പിച്ച കല്യാണം ആണെന്നും റിപ്പോർട്ടിൽ പറയുന്നു.
കാജൽ അഗർവാളിന്റെ വിവാഹവാർത്തകൾ മുമ്പും പുറത്തുവന്നിരുന്നു. എന്നാൽ ആ വാർത്തകളെ നിഷേധിച്ച് കാജൽ അഗർവാൾ തന്നെ രംഗത്തെത്തിയിരുന്നു. അതേസമയം ഈ വാർത്തയോട് കാജൽ ഇതുവരെ പ്രതികരിച്ചിട്ടില്ല.
മുംബൈയിലെ പ്രമുഖ ബിസിനസുകാരനാണ് കാജൽ അഗർവാളിന്റെ വരൻ. വിവാഹശേഷം താരം ബിസിനസിലേക്ക് കടക്കും എന്നാണ് അറിയാൻ കഴിയുന്നത്. എന്നാൽ കൊറോണ കാരണം മുടങ്ങിക്കിടക്കുന്ന സിനിമകളിൽ താരം അഭിനയിക്കും.
കോമാളി എന്ന തമിഴ് ചിത്രമാണ് കാജൽ അഗർവാളിന്റേതായി അവസാനമായി പുറത്തിറങ്ങിയ സിനിമ.
മൊസഗല്ലു, ആചാര്യ, മുംബൈ സാഗ, ഹേയ് സിനാമിക, ഇന്ത്യൻ 2 എന്നിങ്ങനെ ഹിന്ദി, തമിഴ്, തെലുങ്ക് ഭാഷകളിലായി തിരക്കിലായിരുന്നു കാജൽ.
കമൽഹാസനൊപ്പമുള്ള ഇന്ത്യൻ 2വിനായി ആരാധകർ കാത്തിരിക്കുകയാണ്.അതേ സമയം ദളപതി വിജയിയെ നായകനാക്കി എആർ മുരുഗദോസ് ഒരുക്കുന്ന പുതിയ ചിത്രത്തിലും കാജൽ നായികായാകുമെന്ന് വാർത്തകൾ വന്നിരുന്നു. സൂപ്പർഹിറ്റായ തുപ്പാക്കിയുടെ രണ്ടാം ഭാഗമാണ് ഈ സിനിമയെന്നും റിപ്പോർട്ടുകൾ ഉണ്ട്.
