മലയാള സിനിമയിലെ പകരവെക്കാനില്ലാത്ത സൂപ്പർതാരങ്ങളാണ് മോഹൻലാലും മമ്മൂട്ടിയും. കാലങ്ങളായി ഇവരുടെ തണലിലാലാണ് മലയാള സിനിമാ വ്യവസായം തന്നെ മുന്നോട്ട് പോകുന്നത്. പരസ്പര സ്‌നഹത്തിന്റെയും സൗഹൃദത്തിന്റെയും കാര്യത്തിൽ മറ്റ് എല്ലാ സൂപ്പർതാരങ്ങളും മാതൃകയാണ് മമ്മൂക്കയും ലാലേട്ടനും.
ഇരുവരും പരസ്പരം സ്‌നേഹത്തോടെ വിളിക്കുന്നതും ഇച്ചാക്കയെന്നും ലാലു എന്നുമാണ്. അതേ സമയം ഈ സൂപ്പർതാരങ്ങൾ സോഷ്യൽ മീഡിയയിലൂടെ പങ്കുവെക്കുന്ന തങ്ങളുടെ ചിത്രങ്ങൾ പലപ്പോഴും വൈറൽ ആവാറുണ്ട്. ഇരുവരും നിരവധി ചിത്രങ്ങൾ ഇൻസ്റ്റഗ്രാമിലും ഫേസ്ബുക്കിലുമൊക്കെ സമീപകാലത്ത് പങ്കുവെച്ച് ആരാധകർ ഏറ്റെടുത്തിട്ടുണ്ട്.
ഇപ്പോഴിതാ അതിൻെ തുടർച്ചയെന്നോണം സോഷ്യൽ മീഡിയയിലൂടെ മോഹൻലാൽ പങ്കുവച്ച ഒരു പുതിയ ചിത്രവും വൈറലായി മാറുകയാണ്. ഫുൾ സ്ലീവ് ടീ ഷർട്ടും സൺ ഗ്ലാസും ധരിച്ചാണ് മോഹൻലാൽ ചിത്രത്തിൽ പ്രത്യക്ഷപ്പെടുന്നത്. സമീപകാലത്ത് വളർത്തിയിരുന്ന താടി അദ്ദേഹം ട്രിം ചെയ്തിട്ടുമുണ്ട്.
സംവിധായകനും ഫോട്ടോഗ്രാഫറുമായ അനീഷ് ഉപാസനയാണ് ചിത്രം പകർത്തിയിരിക്കുന്നത്. മോഹൻലാലിന്റെ ഈ സ്‌റ്റൈലിഷ് ചിത്രത്തിന് പ്രശംസകൾ വാരി ചൊരിഞ്ഞാണ് കമന്റ് ബോക്‌സിൽ ആരാധകർ എത്തിയിരിക്കുന്നത്. സാഗർ എലിയാസ് ജാക്കിയുടെ മോഡേൺ ലുക്ക് പോലെ തോന്നുന്നുവെന്നാണ് പല കമന്റുകളും. സാഗർ എലിയാസ് ജാക്കി 2.0 എന്നാണ് ഒരു ആരാധകൻ കമന്റിട്ടിരിക്കുന്നത്.
Also Read
അങ്ങനെ ചെയ്യണമെന്ന് അതിയായ ആഗ്രഹമുണ്ട്; തുറന്നു പറഞ്ഞ് ശ്വേതാ മേനോൻ
ഇതിനോടകം തന്നെ ഈ ചിത്രം സോഷ്യൽ മീഡിയ കീഴടക്കി കഴിഞ്ഞു. അതേസമയം ഗൾഫ് സന്ദർശനത്തിനു ശേഷം തിരിച്ചെത്തിയ മോഹൻലാൽ പൃഥ്വിരാജ് സംവിധാനം ചെയ്യുന്ന ബ്രോ ഡാഡിയിൽ വീണ്ടും ജോയിൻ ചെയ്തതായി റിപ്പോർട്ടുകൾ ഉണ്ട്. യുഎഇ ഗോൾഡൻ വിസ സ്വീകരിക്കാനും ഒരു വിവാഹ ചടങ്ങിൽ പങ്കെടുക്കാനുമായാണ് മോഹൻലാലും മമ്മൂട്ടിയും കഴിഞ്ഞയാഴ്ച ദുബൈയിൽ എത്തിയത്. ഇരുവർക്കും യുഎഇ ഗോൾഡൻ വീസ നൽകി ആദരിച്ചിരുന്നു,
വിവിധ മേഖലകളിൽ മികച്ച സംഭാവന നൽകിയ വ്യക്തികൾക്കാണ് യുഎഇ ഗോൾഡൻ വീസ നൽകുന്നത്. മലയാള സിനിമയിൽ നിന്നുള്ള വ്യക്തികൾക്ക് ഗോൾഡൻ വീസ ലഭിക്കുന്നത് ഇതാദ്യമായാണ്. ലൂസിഫറിനു ശേഷം പൃഥ്വിരാജ് സംവിധാനം ചെയ്യുന്ന ബ്രോ ഡാഡി കൂടാതെ ജീത്തു ജോസഫിന്റെ ’12th മാൻ’, സ്വന്തം സംവിധാന അരങ്ങേറ്റമായ ‘ബറോസ്’ എന്നിവയും ആണ് മോഹൻലാലിന് പൂർത്തിയാക്കാനുള്ള ചിത്രങ്ങൾ.
അതേ സമയം പ്രിയദർശൻ സംവിധാനം ചെയ്ത ബ്രഹ്‌മാണ്ഡ ചിത്രം മരക്കാർ അറബിക്കടിന്റെ സിംഹം, ബി ഉണ്ണികൃഷ്ണന്റെ ആറാട്ട് എന്നിവയാണ് മോഹൻലാലിന്റെതായി റിലീസ് കാത്തിരിക്കുന്ന ചിത്രങ്ങൾ.
