മലയാളി മനസുകളിൽ ഒരുപിടി മികച്ച കഥാപാത്രങ്ങളിലൂടെ ഇടം നേടിയ നടിയാണ് അനാർക്കലി മരയ്ക്കാർ. വിരലിലെണ്ണാവുന്ന ചിത്രങ്ങൾ മാത്രമാണ് അനാർക്കലി ചെയ്തിട്ടുള്ളതെങ്കിലും മലയാള സിനിമയിൽ ചുരുങ്ങിയ സമയം കൊണ്ടു തന്നെ തന്റേതായ സ്ഥാനം കണ്ടെത്തിയിട്ടുണ്ട് അനാർക്കലി.
ശക്തവും കരുത്തുറ്റതുമായ കഥാപാത്രങ്ങൾ തെരഞ്ഞെടുക്കുന്നതിൽ താരം കാട്ടാറുള്ള പ്രത്യേക ശ്രദ്ധ ഏറെ പ്രശംസനീയമാണ്. മറയേതുമില്ലാതെ സംസാരിക്കുന്നതിനാൽ തന്നെ താരത്തിന്റെ അഭിമുഖങ്ങളും മറ്റും സോഷ്യൽ മീഡിയ ഏറ്റെടുക്കാറുണ്ട്.
അതിനാൽ ട്രോളൻമാരുടെ സ്ഥിരം ഇര കൂടിയാണ് അനാർക്കലി. ഇപ്പോഴിതാ അനാർക്കലിയുടെ പുതിയ ചിത്രത്തെയാണ് ആരാധകർ ട്രോളുന്നത്. വെള്ള നിറത്തിലുള്ള ടോപ്പും പാന്റും ധരിച്ച് നില്ക്കുന്ന ചിത്രമാണ് അനാർക്കലി പങ്കുവെച്ചത്.
എന്നാൽ ടോപ്പ് അൽപ്പം വെറൈറ്റിയാണ്. അത് കണ്ടിട്ടാവണം നിരവധി രസകരമായട കമന്റുകളാണ് ചിത്രത്തിന് വരുന്നത്. ‘ഇതെന്താ മാസ്‌ക് എടുത്ത് ഡ്രസ് ആയി തയിച്ചോ’ എന്നാണ് ഒരു ആരാധകന്റെ ചോദ്യം. ഈ കമന്റിന് നിരവധി ലൈക്കുകളും മറുപടികളുമാണ് അനുനിമിഷം വരുന്നത്.
ഇതു കൂടാതെ രസകരമായ മറ്റു നിരവധി കമന്റുകളും ചിത്രത്തിനു താഴെ വരുന്നത്. ആനന്ദം എന്ന സിനിമയിലൂടെയാണ് അനാർക്കലി സിനിമയിലെത്തുന്നത്. പിന്നീട് വിമാനം, മന്ദാരം എന്നീ ചിത്രങ്ങളിലും അനാർക്കലി അഭിനയിച്ചു. കഴിഞ്ഞ വർഷത്തെ സൂപ്പർഹിറ്റ് ചിത്രമായ ഉയരെയിലെ അനാർക്കലിയുടെ വേഷം ഏറെ ശ്രദ്ധിക്കപ്പെട്ടിരുന്നു.
