മലയാളികൾ ഏറെ ആവേശത്തോടെ കാത്തിരിക്കുന്ന ചിത്രമാണ് മെഗാസ്റ്റാർ മമ്മൂട്ടി നായകനായി എത്തുന്ന സിബി ഐ സീരിസിന്റെ അഞ്ചാം ഭാഗം. അടുത്തിടെ ആയിരുന്നു ഈ സിനിമയുടെ ചിത്രീകരണം ആരംഭിച്ചത്. എസ് എൻ സ്വാമി കെ മധു ടീം തന്നെയാണ് ഇത്തവണയും സിബി ഐ സീരീസ് ഒരുക്കുന്നത്.
ഇപ്പോഴിതാ സിബിഐ 5 ന്റെ സെറ്റിൽ മമ്മൂട്ടി ക്രിസ്മസ് ആഘോഷിച്ചതാണ് ആരാധകർക്കിടയിൽ വൈറലാകുന്നത്. സെറ്റിൽ മമ്മൂട്ടിയും സഹതാരങ്ങളും കേക്ക് മുറിച്ച് ആഘോഷിക്കുന്നതിന്റ ദൃശ്യങ്ങൾ ഇതിനോടകം തന്നെ വൈറലായിരിക്കുകയാണ്.
കേക്ക് മുറിക്കുന്നതിന് പുറമെ മമ്മൂട്ടി താരങ്ങൾക്ക് ബിരിയാണി വിളമ്പി കൊടുക്കുന്നതും ചിത്രങ്ങളിൽ കാണാം. സംവിധായകൻ കെ മധു, തിരക്കഥാകൃത്ത് എസ് എൻ സ്വാമി, നിർമ്മാതാവ് എസ് ജോർജ്, മുകേഷ്, രമേഷ് പിഷാരടി, അൻസിബ എന്നിവരെയെയും ചിത്രങ്ങളിൽ കാണാം.
അതേസമയം, നവംബർ 29ന് ആണ് സിബിഐ 5ന്റെ ചിത്രീകരണം ആരംഭിച്ചത്. സ്വർഗചിത്ര അപ്പച്ചനാണ് ചിത്രം നിർമ്മിക്കുന്നത്. സിബിഐയുടെ ഐക്കോണിക് തീം മ്യൂസിക് ഒരുക്കുന്നത് ജേക്‌സ് ബിജോയ് ആണ്. സിബിഐ സിരീസിലെ മറ്റ് നാല് സിനിമകൾക്കും പശ്ചാത്തല സംഗീതം ഒരുക്കിയത് സംഗീത സംവിധായകൻ ശ്യാം ആയിരുന്നു.
1988 ൽ പുറത്തിറങ്ങിയ ഒരു സിബിഐ ഡയറിക്കുറിപ്പ് എന്ന ചിത്രത്തിലൂടെയാണ് സിബിഐ സീരീസ് ആരംഭിച്ചത്. തുടർന്ന് ജാഗ്രത, സേതുരാമയ്യർ സിബിഐ, നേരറിയാൻ സിബിഐ തുടങ്ങിയ സിനിമകളും ഈ സീരീസിലേതായി പുറത്തിറങ്ങി. സേതുരാമയ്യർ എന്ന സിബിഐ ഉദ്യോഗസ്ഥനും അദ്ദേഹം അന്വേഷിക്കുന്ന കേസുകളും സിനിമകളുടെ പ്രമേയം.
രഞ്ജി പണിക്കർ, അനൂപ് മേനോൻ, സായ്കുമാർ, സൗബിൻ ഷാഹിർ, ദിലീഷ് പോത്തൻ, പ്രശാന്ത് അലക്‌സാണ്ടർ, ജയകൃഷ്ണൻ, സുദേവ് നായർ, അസീസ് നെടുമങ്ങാട്, സന്തോഷ് കീഴാറ്റൂർ, ഇടവേള ബാബു, കോട്ടയം രമേശ്, സുരേഷ് കുമാർ, ആശാ ശരത്ത്, അന്നാ രേഷ്മ രാജൻ, അൻസിബ ഹസൻ, മാളവിക മേനോൻ, മാളവിക നായർ, സ്വാസിക എന്നിവരാണ് മറ്റു പ്രധാന അഭിനേതാക്കൾ.
Also Read
മോൾക്കൊപ്പം ലക്ഷ്മി നക്ഷ്ത്ര, സനമോളുടെ ക്രിസ്മസ് കളറാക്കി കണ്ണ് നിറച്ച് താരം, വീഡിയോ വൈറൽ
