വർഷങ്ങളായി സിനിമാ സീരിയൽ രംഗത്ത് നിറഞ്ഞു നിൽക്കുന്ന മലയാളികൾക്ക് ഒന്നടങ്കം സുപരിചിതയായ താരമാണ് ഊർമ്മിള ഉണ്ണി. മികച്ച ഒരു നർത്തകി കൂടിയായ നടി നൃത്ത വേദികളിലും തിളങ്ങിയിരുന്നു. നിരവധി സിനിമകളിൽ ശ്രദ്ധേയമായ വേഷങ്ങൾ താരം അവതരിപ്പിച്ചിട്ടുണ്ട്.
സഹനടിയായും അമ്മ നടിയായും ഒക്കെ തിളങ്ങുന്ന താരത്തിന് കൈനിറയെ സിനികളും ലഭിച്ചിരുന്നു. സർഗം എന്ന ഹരിഹരൻ എംടി ചിത്രം കണ്ടവരാരും ഊർമ്മിള ഉണ്ണിയെ മറക്കാൻ ഇടയില്ല. മനോജ് കെ ജയൻ അവതരിപ്പിച്ച കോലോത്തെ തമ്പരാട്ടിയായി മികച്ച പ്രകടനമാണ് ഊർമ്മിള ഉണ്ണി സർഗത്തിൽ കാഴ്ച വെച്ചത്.
പ്രായത്തിന്റെ ഇരട്ടിയിലധികം പക്വത ആവശ്യമായിരുന്ന വേഷത്തോട് തികച്ചും നീതി പുലർത്തി കൊണ്ടു തന്നെയായിരുന്നു ഊർമ്മിള ഉണ്ണിയുടെ പ്രകടനം. തുടർന്നും നിരവധി ചിത്രങ്ങളിൽ ശ്രദ്ധേയമായ കഥാപാത്രങ്ങളെ ഊർമ്മിള ഉണ്ണി അവതരിപ്പിച്ചു.
സോഷ്യൽ മീഡിയയിലും സജീവമായ ഊർമ്മിളാ ഉണ്ണി തന്റെ പുതിയ വിശേഷങ്ങൾ പങ്കുവെച്ച് ഇടയ്ക്കിടെ എത്താറുണ്ട്. ഇപ്പോഴിതാ തന്റെ പുതിയ ഒരു പഴയചിത്രം ഫേസ്ബുക്കിൽ പങ്കുവച്ചിരിക്കുകയാണ് നടി. ഈ ഫോട്ടോ കണ്ടിട്ടാ പണ്ട് മാധവികുട്ടി അഭിനയിക്കാൻ വിളിച്ചത്, നടന്നില്ല എന്ന ക്യാപ്ഷനോടെ ആയിരുന്നു ഉർമ്മിള ഉണ്ണി അതി സുന്ദരിയായി ഉള്ള ചിത്രം പങ്കുവെച്ചത്.
വളരെ പെട്ടെന്ന് തന്നെ താരത്തിന്റെ ആ ചിത്രം വൈറലായി മാറി. നിരവധി ആരാധകരാണ് താരത്തിന്റെ ഫോട്ടോകൾക്ക് ലൈക്കുകളും കമന്റുകളുമായി എത്തുന്നത്.
