സത്യൻ അന്തിക്കാട് ശ്രീനിവാസൻ ടീം മലയാളത്തിൽ നിരവധി ശ്രദ്ധേയ സിനിമകൾ സമ്മാനിച്ച കൂട്ടുകെട്ടാണ്. താരരാജാവ് മോഹൻലാൽ നായക വേഷത്തിൽ എത്തിയ ഇവരുടെ വിജയചിത്രങ്ങൾ തിയ്യേറ്ററുകളിൽ വലിയ വിജയം നേടിയിരുന്നു. ലാലേട്ടനൊപ്പം ശ്രീനിവാസനും മിക്ക ചിത്രങ്ങളിലും പ്രധാന വേഷങ്ങളിൽ എത്തി.
നാടോടിക്കാറ്റ്, പട്ടണപ്രവേശം, വരവേൽപ്പ്, ഗാന്ധിനഗർ സെക്കൻഡ് സ്ട്രീറ്റ്, സന്മനസുളളവർക്ക് സമാധാനം പോലുളള ചിത്രങ്ങളെല്ലാം ഈ കൂട്ടുകെട്ടിൽ തരംഗമായ സിനിമകളാണ്. റിലീസ് ചെയ്ത് വർഷങ്ങൾ കഴിഞ്ഞെങ്കിലും പ്രേക്ഷക മനസുകളിൽ നിന്നും മായാതെ നിൽക്കുന്ന സിനിമകളാണ് ഇവയെല്ലാം.
അതേ സമയം സത്യൻ അന്തിക്കാട് മോഹൻലാൽ ശ്രീനിവാസൻ കൂട്ടുകെട്ടിൽ പുതിയൊരു ചിത്രം കാണാനായി കാത്തിരിക്കുന്നവർ ഇപ്പോഴും ഏറെയാണ്. അതേസമയം സത്യൻ അന്തിക്കാടിന്റെ മകൻ അഖിൽ സത്യന്റെതായി വന്നൊരു ചിത്രം സോഷ്യൽ മിഡിയയിൽ ചർച്ചയായിരുന്നു.
മോഹൻലാലിനും സഹോദരൻ അനൂപ് സത്യനുമൊപ്പമുളള ഒരു ലൊക്കേഷൻ ചിത്രമാണ് അഖിൽ പോസ്റ്റ് ചെയ്തിരിക്കുന്നത്. ഇതിന് താഴെ അഖിൽ സത്യൻ കുറിച്ച വാക്കുകളും ശ്രദ്ധേയമായി. സത്യൻ അന്തിക്കാട് മോഹൻലാൽ ശ്രീനിവാസൻ ചിത്രത്തിനായി കാത്തിരിക്കുന്നുവെന്നാണ് അഖിൽ സത്യൻ പറയുന്നത്.
അസിസ്റ്റന്റ് ഡയറക്ടർ ഡേയ്സ് എന്ന ഹാഷ്ടാഗിലാണ് അഖിൽ ചിത്രം പോസ്റ്റ് ചെയ്തത്. തനിക്ക് എറ്റവും ഇഷ്ടമുളള ചിത്രം എന്ന് പറഞ്ഞാണ് മോഹൻലാലിനൊപ്പമുളള ഫോട്ടോ സത്യൻ അന്തിക്കാടിന്റെ മകൻ പങ്കുവെച്ചത്. ഇപ്പോൾ പോലും അച്ഛൻ എപ്പോഴാണോ അത് പറയുന്നത് അപ്പോൾ എന്നിലെ അസിസ്റ്റന്റ് ഡയറക്ടർ വരും.
ഇപ്പോഴത്തെ സിനിമ കഴിഞ്ഞ് ലാലിനൊപ്പമുളള ശ്രീനിയുടെ കഥ ആലോചിക്കും. അതേസമയം മോഹൻലാലിനെ നായകനാക്കി സത്യൻ അന്തിക്കാട് ഒരുക്കിയ എന്നും എപ്പോഴും എന്ന സിനിമയുടെ സെറ്റിൽ നിന്നുളള ചിത്രമാണിതെന്നാണ് സൂചന.
വരവേൽപ്പാണ് മോഹൻലാൽ, ശ്രീനിവാസൻ,സത്യൻ അന്തിക്കാട് കൂട്ടുകെട്ടിൽ ഒടുവിൽ പുറത്തിറങ്ങിയ സിനിമ. സത്യൻ അന്തിക്കാട് ചിത്രത്തിന് ശേഷം ശ്രീനിവാസന്റെ തിരക്കഥയിൽ ടികെ രാജീവ് കുമാർ സംവിധാനം ചെയ്ത ചിത്രത്തിൽ മോഹൻലാൽ അഭിനയിച്ചിരുന്നു. ഒരുനാൾ വരും എന്ന ചിത്രമാണ് ഇവരുടെതായി പുറത്തിറങ്ങിയത്.
