ഒരുകാലത്ത് മലയാള സിനിമയുടെ ആക്ഷൻ റാണി എന്നറിയപ്പെട്ടിരുന്ന നടിയാണ് വാണി വിശ്വനാഥ്. നടൻ ബാബുരാജുമായിട്ടുള്ള വിവാഹത്തോടെ അഭിനയത്തിൽ നിന്നും വാണി മാറി. ഇടയ്ക്ക് തിരിച്ച് വന്നെങ്കിലും അഭിനയത്തിൽ സജീവമായിരുന്നില്ല.
വർഷങ്ങൾക്ക് മുൻപേ മലയാള സിനിമയിൽ സജീവമായിരുന്ന വാണി വിശ്വനാഥ് 2014 ലാണ് അവസാനം മലയാള ത്തിൽ അഭിനയിക്കുന്നത്. മാന്നാർ മത്തായി സ്പീങ്ങിന്റെ രണ്ടാം ഭാഗത്തിൽ അതിഥി വേഷത്തിലാണ് നടി എത്തിയത്. ശേഷം രാഷ്ട്രീയത്തിൽ സജീവമായതോട് കൂടി സിനിമയിൽ നിന്നും പൂർണമായി മാറി നിന്നു.
എപ്പോഴാണ് വാണി വിശ്വനാഥ് തിരിച്ച് വരിക എന്ന ചോദ്യങ്ങൾക്ക് ഒടുവിൽ അവസാനമായിരിക്കുകയാണ്. മലയാ ളത്തിൽ താൻ വീണ്ടും നായികയായി അഭിനയിക്കുകയാണെന്ന സന്തോഷം പങ്കുവെച്ച് നടി രംഗത്ത് വന്നു. തിരിച്ച് വരവിൽ ഭർത്താവ് ബാബുരാജിന്റെ തന്നെ നായികയായിട്ടാണ് താരം എത്തുന്നത്.ദി ക്രി മി ന ൽ ലോയർ എന്ന് പേരിട്ടിരിക്കുന്ന ത്രില്ലർ ചിത്രത്തിലാണ് വാണി വിശ്വനാഥും ഭർത്താവും ഒരുമിച്ച് അഭിനയിക്കുന്നത്.
സിനിമയിലെ കഥാപാത്രങ്ങൾ എന്താണെന്നോ അതിന്റെ ഇതിവൃത്തം എന്താണെന്നോ ഇനിയും താരങ്ങൾ വ്യക്തമാക്കിയിട്ടില്ല. അതേ സമയം ഇതുവരെ പ്രേക്ഷകർ തന്നെ പിന്തുണയും സ്നേഹവും ഇനിയും ഉണ്ടാവണ മെന്നും സിനിമയുടെ മറ്റ് വിശേഷങ്ങളും വാണി വിശ്വനാഥ് തുറന്ന് പറഞ്ഞിരിക്കുകയാണ്.
ടൈറ്റിൽ ലോഞ്ച് ചടങ്ങിൽ സംസാരിക്കുക ആയിരുന്നു നടി. വീണ്ടും മലയാള പ്രേക്ഷകരെ കാണാൻ പോവുന്നു എന്നതിൽ വലിയ സന്തോഷമുണ്ട്. അത് നല്ലൊരു കഥാപാത്രത്തോട് കൂടിയാവുനനതിൽ അതിലുപരി സന്തോഷമുണ്ട്.
ഇത്രയും കാലം നല്ലൊരു കഥാപാത്രത്തിന് വേണ്ടി വാണി ചേച്ചി കാത്തിരിക്കുകയായിരുന്നോ എന്ന് ചോദിച്ചാൽ തീർച്ചയായിട്ടും അല്ല. എന്റേതായ ചില കാര്യങ്ങൾക്ക് വേണ്ടി സിനിമ മാറ്റി വെച്ചതായിരുന്നു. അതിൽ നിന്ന് തിരിച്ച് വന്നപ്പോൾ നല്ലൊരു കഥാപാത്രം കിട്ടി എന്ന് മാത്രം. ഞാൻ ത്രില്ലർ സിനിമകളുടെ വലിയ ആരാധികയാണ്. ഇവരെന്നെ വിളിച്ച് കഥയുടെ ത്രഡ് പറഞ്ഞപ്പോൾ തന്നെ വളരെ ഇഷ്ടപ്പെട്ടു. അതുകൊണ്ട് ഈ സിനിമ ചെയ്യാമെന്ന് വിചാരിച്ചു.
എന്റെ കഥാപാത്രം പോലെ തന്നെ ബാബുവേട്ടന്റെയും വേറിട്ട വേഷമാണ്. മായാമോഹിനി, സാൾട്ട് ആൻഡ് പെപ്പർ, ജോജി, എന്നിങ്ങനെയുള്ള സിനിമകളിലെ വ്യത്യസ്ത കഥാപാത്രം നിങ്ങൾ ആസ്വദിച്ചിരുന്നു. അതുപോലെ ഒന്നായിരിക്കും ഈ ചിത്രത്തിലും.
മാന്നാർ മത്തായിയ്ക്ക് ശേഷം നിങ്ങളെനിക്ക് തന്ന സപ്പോർട്ടും സ്നേഹവും ചെറുതല്ല. അതെന്നും ഉണ്ടായിരിക്കണം. റിയലിസ്റ്റിക് ആയിട്ടുള്ള സിനിമകൾ മാത്രം കാണുന്ന മലയാളം പ്രേക്ഷകർക്കിടയിൽ കുറച്ച് റിയലിസ്റ്റിക് അല്ലാത്ത സിനിമ ചെയ്ത് കൈയ്യടി വാങ്ങിയിട്ടുള്ള ആളാണ് ഞാൻ. അതുപോലെയുള്ള പ്രോത്സാഹനവും പിന്തുണയും ഉണ്ടായിരിക്കണം എന്നും വാണി വിശ്വനാഥ് പറയുന്നു. സംവിധായകനും നിർമാതാവിനുമൊക്കെ നന്ദി പറഞ്ഞ് കൊണ്ടാണ് വാണി വാക്കുകൾ അവസാനിപ്പിച്ചത്.
ഏഴ് വർഷം നീണ്ട ഇടവേളയ്ക്ക് ശേഷം മലയാളത്തിൽ സജീവമാവാൻ എത്തുന്ന വാണിയ്ക്ക് എല്ലാവിധ ആശംസകളും അറിയിച്ച് ആരാധകരും എത്തുകയാണ്. ദി ക്രി മി ന ൽ ലോയർ എന്ന് പേരിട്ടിരിക്കുന്ന ചിത്രം നവാഗതനായ ജിതിൻ ജിത്തുവാണ് സംവിധാനം ചെയ്യുന്നത്. ഉമേഷ് എസ് മോഹനാണ് തിരക്കഥ ഒരുക്കുന്നത്.
Also Read
തനിക്ക് ഒരു കുഞ്ഞിനെ കൂടി ഐശ്വര്യയിൽ നിന്ന് വേണമെന്ന് അഭിഷേക് ബച്ചൻ, കാരണവും വെളിപ്പെടുത്തി താരം
തിരുവനന്തപുരത്ത് വെച്ച് നടത്തിയ ചടങ്ങിൽ വാണിയും ബാബുരാജും ചേർന്നാണ് സിനിമയുടെ ടൈറ്റിൽ പോസ്റ്റർ പുറത്ത് വിട്ടത്. തേർഡ് ഐ മീഡിയ മേക്കേഴ്സിന്റെ ബാനറിൽ നിർമ്മിക്കുന്ന ചിത്രത്തിൽ ജഗദീഷ്, ദിനേഷ് പണിക്കർ, കരമന സുധീർ, ബാലാജി ശർമ്മ, തുടങ്ങി നിരവധി താരങ്ങൾ അണിനിരക്കുന്നുണ്ട്.
പ്രതീക്ഷയോടെ ചിത്രത്തിന് വേണ്ടി കാത്തിരിക്കാമെന്നും ആരാധകർ അഭിപ്രായപ്പെടുന്നു.
