മോഡലും നടിയുമായ നിമിഷ ബിജോ ആറൻമുളയിൽ പള്ളിയോടത്തിൽ ആചാരം ലംഘിച്ച് കയറി ഫോട്ടോ ഷൂട്ട് നടത്തിയത് വലിയ വിവാദമായി മാറിയിരുന്നു. ഇതിന്റെ പേരിൽ നിമിഷ ബിജോയെ പോലീസ് അറസ്റ്റ് ചെയ്ത് ജാമ്യത്തിൽ വിട്ടയച്ചിരുന്നു.
നിമിഷയുടെ സഹായി പുലിയൂർ സ്വദേശി ഉണ്ണിയേയും ജാമ്യത്തിൽ വിട്ടിരുന്നുു. ജാമ്യത്തിൽ പുറത്തെത്തിയ ശേഷം നിമിഷ പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. തെറ്റ് സമ്മതിച്ചിട്ടും തനിക്ക് നേരെയുള്ള ഭീഷണിക്ക് കുറവില്ല.
ചേച്ചിയെ ജയിലിലടച്ചോ എന്ന് ചോദിക്കുന്നവർക്കുള്ള മറുപടിയാണ് ഇത്. ഒരു ഷെഡിൽ തകർന്ന് കിടക്കുന്ന ഒരു വള്ളം കണ്ടപ്പോൾ കയറി ഫോട്ടോ എടുത്തതാണെന്നും അത് പള്ളിയോടം ആണെന്ന് അറിയില്ലെന്നും നിമിഷ പറയുന്നു.
എനിക്ക് തെറ്റ് മനസിലായി, ഞാൻ ദൈവത്തോട് മാപ്പും പറഞ്ഞു. ഫോട്ടോ ഡിലീറ്റും ചെയ്തു. എന്നിട്ടും വ, ധ ഭീ ഷണിക്ക് മാത്രം കുറവില്ല. പുഴയുടെ സൈഡിൽ വള്ളം കിടക്കുന്ന കണ്ടപ്പോൾ ഫോട്ടോയെടുത്തു. പലക ഇളകി കിടക്കുകയായിരുന്നു. പള്ളിയോടം ആണെന്ന് അറിയില്ലായിരുന്നു.
ഫോട്ടോയെടുത്ത് ഇൻസ്റ്റഗ്രാമിൽ ഇട്ടു, പിറ്റേന്ന് മുതൽ തെറിവിളി ആയിരുന്നു. ഓതറയിലെ നാട്ടുകാർ ആരും ഇതുവരെ ഇതുസംബന്ധിച്ച് എന്നെ വിളിച്ചിട്ടില്ല. വിളിക്കുന്നത് തിരുവല്ല, ആറന്മുള, പത്തനംതിട്ട എന്നിവടങ്ങളിൽ നിന്നുള്ളവരാണ് വിളിച്ച് തെറി വിളിക്കുന്നതെന്നും നിമിഷ പറയുന്നു.
പള്ളിയോടം ആണെന്ന് അറിയില്ലായിരുന്നു എവിടെയും ഒരു ബോർഡ് പോലും ഉണ്ടായിരുന്നില്ല. തെറ്റ് മനസിലായി ദൈവത്തോട് മാപ്പ് പറഞ്ഞു. എന്നെ ജയിലിൽ പിടിച്ചിട്ടു എന്നാണു പലരും പറയുന്നത് എന്നെ ജയിലിൽ ഒന്നും ഇട്ടിട്ടില്ല. അറസ്റ്റ് ചെയ്തു, അപ്പോൾ തന്നെ ജാമ്യം കിട്ടി വീട്ടിലേക്ക് പോന്നു.
സൈബർ സെല്ലിൽ പരാതി നൽകി മുന്നോട്ട് പോകും എന്നെ തെറി വിളി നടത്തിയവർക്കെതിരെ കേസ് കൊടുക്കും. ഇനി എവിടെയെങ്കിലും പോയി ഫോട്ടോയെടുക്കുന്നതിനു മുന്നേ ആരോടെങ്കിലും ചോദിക്കും എന്നും നിമിഷ പറയുന്നു.
