മലയാളത്തിന്റെ ജനപ്രിയ നായകൻ ദിലീപിന്റെ മൂത്ത മകളാണ് മീനാക്ഷി ദിലീപ്. മലയാളത്തിലെ താര പുത്രിമാരിൽ ഏറ്റവും കൂടുതൽ ആരാധകരുള്ള ഒരാൾ കൂടിയാണ് മീനാക്ഷി. ദിലീപിനും ഭാര്യ കാവ്യാ മാധവനും ഒപ്പം മീനാക്ഷിയും എപ്പോഴും വാർത്തകളിൽ നിറയാറുണ്ട്.
ദിലീപിന്റെ ആത്മമിത്രമായ നാദിർഷയുടെ മകൾ ആയിഷയുടെ അടുത്തിടെ നടന്ന വിവാഹ ചടങ്ങുകളിൽ മീനാക്ഷി ഏറെ തിളങ്ങിയിരുന്നു. സുഹൃത്തുക്കൾക്കൊപ്പം വിവാഹ വേദിയിൽ മീനാക്ഷിയുടെ ഡാൻസ് വൻ ഹിറ്റാവുകയും ചെയ്തു. നടിയും ഉറ്റകൂട്ടുകാരിയുമായ നമിത പ്രമോദും മീനാക്ഷിക്ക് ഒപ്പം ഉണ്ടായിരുന്നു.
മീനാക്ഷിയുടേതായി സോഷ്യൽ മീഡിയകളിൽ പ്രത്യക്ഷപ്പെടാറുള്ള ചിത്രങ്ങൾ എല്ലാം വൈറലായി മാറാറുണ്ട്. മീനാക്ഷിയുടെ ഈ വർഷത്തെ ഓണാഘോഷത്തിന്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലായി മാറിക്കൊണ്ടിരിക്കുന്നത്. അച്ഛൻ ദിലീപിന് ഒപ്പം മീനാക്ഷി നിൽക്കുന്ന ചിത്രങ്ങളാണ് വൈറലാകുന്നത്.
മീനാക്ഷിയും കുഞ്ഞനുജത്തി മഹാലക്ഷ്മിയും ഒന്നിച്ചുള്ള ഫോട്ടോ വൈറലായി മാറിയതിന് പിന്നാലെ ആണ് ദിലീപും മീനാക്ഷിയും ഒരുമിച്ചുള്ള ചിത്രവും പുറത്തുവന്നിരിക്കുന്നത്. ചിരിച്ച മുഖത്തോടെ ആയിരുന്നു അച്ഛനും മകളും ഫോട്ടോയ്ക്ക് പോസ് ചെയ്തിരിക്കുന്നത്.
ചുവന്ന ഷർട്ടായിരുന്നു ദിലീപിന്റെ വേഷം. അച്ഛനൊപ്പമുള്ള ഫോട്ടോയിൽ മീനാക്ഷിയുടെ മുഖത്തെ സന്തോഷം കാണേണ്ടത് തന്നെയാണെന്നായിരുന്നു ആരാധകർ പറയുന്നത്. അതേ സമയം മീനാക്ഷിയുടെ സിനിമ അരങ്ങേറ്റത്തിനായി കാത്തിരിക്കുകയാണ് ആരാധകർ. എന്നാൽ ഇക്കാര്യത്തിൽ ഒരു സൂചനയോ പ്രതികരണമോ താരപുത്രിയുടെ ഭാഗത്ത് നിന്നോ ദിലീപിന്റെ ഭാഗത്ത് നിന്നോ ഉണ്ടായിട്ടില്ല.
മീനാക്ഷി ഇപ്പോൾ എംബിബിഎസ്സിന് പഠിക്കുകയാണ്. ദിലീപ് കാവ്യാ മാധവൻ ദമ്പതികളുടെ മകളായ മഹാലക്ഷ്മിയുടെ വിവരം അറിയാനും ആരാധകർ കാത്തിരിക്കുകയാണ്. 2016ൽ ആയിരുന്നു ദിലീപും കാവ്യ മാധവനും വിവാഹിതർ ആവുന്നത്. വിവാഹത്തിന് പിന്നാലെ കാവ്യ സിനിമ വിടുകയും ചെയ്തു.
