മലയാളികളുടെ പ്രിയപ്പെട്ട സൂപ്പർ താരവും ബിജെപി നേതാവുമായ സുരേഷ് ഗോപിയും സൂപ്പർ ഹിറ്റുകളുടെ അമരക്കാരൻ സംവിധായകൻ ജോഷിയും നീണ്ട ഇടവേളക്ക് ശേഷം ഒന്നിക്കുന്ന ചിത്രമാണ് പാപ്പൻ. ജൂലൈ 29നാണ് ചിത്രം തിയേറ്റുകളിൽ എത്തുന്നത്.
നാളുകൾക്ക് ശേഷം സുരേഷ് ഗോപി പൊലീസ് വേഷത്തിൽ എത്തുന്നതിന്റെ ത്രില്ലിലാണ് പ്രേക്ഷകർ. ഇതിനു മുമ്പേ തന്നെ ഇറങ്ങിയ ചിത്രത്തിന്റെ പോസ്റ്ററും ടീസറും ട്രെയിലറും എല്ലാം ഏറെ ശ്രദ്ധിക്കപ്പെട്ടിരുന്നു. ഇപ്പോഴിതാ പാപ്പന്റെ പ്രൊമോഷൻ ഭാഗമായി സുരേഷ് ഗോപി ലുലുമാളിൽ എത്തിയതിന്റെ വിശേഷങ്ങൾ ആണി വൈറലായി മാറുന്നത്.
ലുലു മാളിൽ ആരാധകരുടെ വൻ നിര തന്നെ കാണാൻ സാധിക്കുന്നതാണ്. മാസ് ലുക്കിലെത്തിയ സുരേഷ് ഗോപിയുടെ വീഡിയോ ഇതിനോടകം തന്നെ സോഷ്യൽ മീഡിയയിൽ വൈറലായിരുന്നു.ലുലു മാളിലെത്തിയ താരം വേദിയിലെത്തി, അദ്ദേഹത്തിന്റെ തന്നെ ഏറ്റവും ഫേമസ് ആയ മോഹൻ തോമസിന്റെ എന്ന ഡയലോഗും പറയുകയുണ്ടായി.
വൻ കയ്യടിയാണ് അവിടെ കൂടിയ ജനങ്ങളുടെ ഭാഗത്ത് നിന്നുമുണ്ടായത്. നൈല ഉഷ, ജോഷി, ഗോകുൽ സുരേഷ് എന്നിവരാണ് ഈ പരിപാടിയിൽ പങ്കെടുത്ത മറ്റു താരങ്ങൾ. മാസ് ഫാമിലി ക്രൈം ഇൻവസ്റ്റിഗേഷൻ ത്രില്ലറായി ഒരുക്കുന്ന ചിത്രത്തിൽ വമ്പൻ താര നിരയാണ് അണിനിരക്കുന്നത്.
നൈല ഉഷ, കനിഹ, നീത പിള്ള എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഗോകുലം ഗോപാലൻ, ഡേവിഡ് കാച്ചപ്പിള്ളി, റാഫി മതിര, എന്നിവർ ചേർന്നാണ് ചിത്രം നിർമിച്ചിരിക്കുന്നത്. ചിത്രത്തിന്റെ തിരക്കഥയൊരുക്കുന്നത് ആർജെ ഷാനാണ്.
