സിനിമയിലും സീരിയലിലും ഒരേ പോലെ തിളങ്ങി മലയാളികളുടെ പ്രിയപ്പെട്ട താരമായി മാറിയ നടിയാണ്
പ്രവീണ. ദൂരദർശനിലെ മ്യൂസിക് പ്രോഗ്രാമിൽ അവതാരകയായിട്ടാണ് താരം തന്റെ കരിയർ ആരംഭിച്ചിരിക്കുന്നത്. പിന്നീട് നിരവധി സിനിമകളിലും സീരിയലുകളിലും നടി അഭിനയിച്ചു.
നായികയായും സഹനടിയായും ഒക്കെ അഭിനയ രംഗത്ത് തുളങ്ങി നിന്ന നടിക്ക് ആരാധകരും ഏറെയാണ്. മെഗാസ്റ്റാർ മമ്മൂട്ടി നായകനായ കളിയൂഞ്ഞാൽ എന്ന ചിത്രത്തിലൂടെയാണ് പ്രവീണ അഭിനയ രംഗത്ത് എത്തുന്നത്. പിന്നീട് വാസന്തിയും ലക്ഷ്മിയും ഞാനും എന്ന വിനയൻ ചിത്രത്തിൽ അഭിനയിച്ചതോടെ താരം ഏറെ പോപ്പുലറായി മാറി.
ബിഗ്സ്‌ക്രീനിൽ തിളങ്ങിയ സമയത്ത് തന്നെ മിനിസ്‌ക്രീനിലും പ്രവീണ തിളങ്ങിയിരുന്നു. മേഘം, മൗനം, സ്വപ്നം തുടങ്ങി പ്രവീണ അഭിനയിച്ച സീരിയലുകൾ എല്ലാം വൻ ഹിറ്റുകളായിരുന്നു. അഭിമുഖങ്ങളിൽ പങ്കെടുത്താൽ യാതൊരു മടിയുമില്ലാതെ രണ്ടു വരി പാടുന്ന താരം കൂടിയാണ് പ്രവീണ.
ഇപ്പോഴിതാ പ്രവീണയുടെ പുതിയ മൂളിപ്പാട്ടാണ് ആരാധകർ ഏറ്റെടുത്തിരിക്കുന്നത്. തന്റെ പശുകൂട്ടിയുടെ കാതിലാണ് പ്രവീണ മുളിപ്പാട്ട് പാടിയിരിക്കുന്നത്. ചെറുപ്പത്തിലേ തന്നെ പാട്ട് പഠിച്ചിട്ടുള്ള പ്രവീണ താരരാജാവ് മോഹൻലാലിന്റെ സൂപ്പർ ഹിറ്റ് ചിത്രമായ ധനത്തിൽ കെ എസ് ചിത്ര പാടി മനോഹരമാക്കിയ ഗാനമാണ് ആലപിച്ചിരിക്കുന്നത്.
അതി ഗംഭീരമായാണ് പ്രവീണ ഈ പാട്ട് പാടിയിരിക്കുന്നത് എന്നാണ് ആരാധകർ പറയുന്നത്. ഒരു വളർത്തുമൃഗം ഉണ്ടാകുന്നതുവരെ ആരും സ്വയം കണ്ടെത്തുന്നില്ല. അതുപോലെ ഒരു മൃഗത്തോട് ദയ കാണിക്കുമ്പോൾ മനുഷ്യന് ഒന്നും നഷ്ടപ്പെടുന്നുമില്ല എന്ന കുറിപ്പോടുകൂടെയാണ് തന്റെ പശുക്കുട്ടിയോട് കിന്നരിക്കുന്ന വീഡിയോ നടി ഇൻസ്റ്റഗ്രാമിൽ പങ്കുവച്ചത്.
പാട്ടിനുശേഷം ചക്കരേയെന്നു വിളിച്ചാണ് പശുക്കുട്ടിയോടുള്ള സ്നേഹം പ്രവീണ പങ്കുവച്ചിരിക്കുന്നത്. പ്രവീണയുടെ പാട്ടിനും, മൃഗസ്നേഹത്തിനുമെല്ലാം നിരവധി പേർ ആശംസകളുമായി എത്തിയത്.
