ബാലതാരമായി സിനിമയിൽ എത്തി പിന്നീട് തെന്നിന്ത്യയിലെ സൂപ്പർ നായികയായി മാറിയ നടിയാണ് നസ്‌റിയ നസീം. ചെറുപ്പകാസത്ത് യുഎഇയിൽ ആയിരുന്ന താരം ഒരു ടിവി പ്രോഗ്രാം അവതരിപ്പിച്ച് കൊണ്ടാണ് എത്തുന്നത്. പിന്നീട് മലയാളത്തിന്റെ മെഗാസ്റ്റാർ മമ്മൂട്ടിയെ നാടകനാക്കി ബ്ലസ്സി ഒരുക്കിയ പളുങ്ക് എന്ന സിനിമയിൽ മമ്മൂട്ടിയുടെ മകളായി ശ്രദ്ദേയമായ വേഷം ചെയ്തു.
ഒരു നാൾവരും എന്ന മോഹൻലാൽ ചിത്രത്തിൽ ശ്രീനിവാസൻ മകളായും അഭിനയിച്ച താരം പിന്നീട് നായികാനിരയിലേക്ക് എത്തുകയായിരുന്നു. തുടർന്ന് മലാളത്തിലും തമിഴിലുമായി ഒരു പിടി മികച്ച സിനിമകളിൽ അഭിനയിച്ച താരം ആരാധകരുടെ പ്രിയങ്കരിയായിരുന്നു.
സിനിമയിൽ തിളങ്ങി നിൽക്കുമ്പോൾ തന്നെ മലയാളത്തിന്റെ യുവ നടൻ ഫഹദ് ഫാസിലിനെ പ്രണയിച്ച് വിവാഹം കഴിക്കുകയായിരുന്നു താരം. വിവാഹ ശേഷം സിനിമയിൽ നിന്നും ചെറിയ ഒരിടവേള എടുത്തെങ്കിലും ഇപ്പോഴുമ സിനിമ രംഗത്ത് വളരെ സജീവമാണ് നസ്രിയ നസീം.
ലോക്ക്ഡൗൺ ആയതോടെ ഭർത്താവ് ഫഹദ് ഫാസിലിനൊപ്പം കൊച്ചിയിലെ ഫ്‌ളാറ്റിലാണ് ഇപ്പോൾ നസ്രിയയുളളത്. ലോക്ക്ഡൗൺ കാലത്തെ ബോറടി മാറ്റാൻ തന്റെ സെൽഫി ചിത്രങ്ങൾ പകർത്തുന്ന തിരക്കിലാണ് ഇപ്പോൾ നസ്രിയയും. താരത്തിന്റെ പുതിയ ലോക്ക്ഡൗൺ സെൽഫിയാണ് ഇപ്പോൾ ആരാധകർ ഏറ്റെടുത്തിരിക്കുന്നത്.
കയ്യിൽ ഫോണും പിടിച്ച് കിടിലൻ ലുക്കിലാണ് നസ്രിയ പുതിയ ചിത്രങ്ങളിലുളളത്. നസ്രിയയുടെ ഫൊട്ടോയ്ക്ക് അനുപമ പരമേശ്വരൻ, റിമി ടോമി എന്നിവർ കമന്റ് ചെയ്തിട്ടുണ്ട്. പ്രെറ്റി എന്നായിരുന്നു അനുപമയുടെ കമന്റ്. നസ്രിയയെ കാണാൻ മനോഹരിയായിട്ടുണ്ടെന്ന് നിരവധി ആരാധകരും കമന്റ് ചെയ്തിട്ടുണ്ട്. സമൂഹ മാധ്യമങ്ങളിൽ വളരെ സജീവമായ നസ്രിയ കഴിഞ്ഞ ദിവസങ്ങളിലും ഇതുപോലുള്ള രസകരമായാ ചിത്രങ്ങൾ പോസ്റ്റ് ചെയ്തിരുന്നു.
വിഖ്യാത ഹോളിവുഡ് നടി മർലിൻ മൺറോയെ ഒരു ക്യാൻവാസിൽ പകർത്തിയ ചിത്രവും താരം ഇൻസ്റ്റഗ്രാമിൽ പങ്കുവച്ചിരുന്നു. മർലിൻ മൺറോയും ഞാനും എന്ന് ഇംഗ്ലീഷിൽ അടിക്കുറിപ്പ് നൽകി ചിത്രം പങ്കുവച്ചതിനോടൊപ്പം അത് നിർമ്മിക്കുന്ന സമയത്തെ ചിത്രവും നസ്രിയ ആരാധകരുമായി പങ്കുവെച്ചിരുന്നു.
അതേ സമയം കുസൃതി നിറഞ്ഞ നസ്രിയയുടെ സ്വഭാവം ഇപ്പോഴും കൊച്ചു കുഞ്ഞുങ്ങളെ പോലെ തന്നെയാണെന്ന് ഫഹദ് ഫാസിൽ തുറന്ന് പറഞ്ഞിരുന്നു. നസ്രിയ ഇപ്പോൾ നിർമ്മാതാവ് കൂടിയാണ്. ഫഹദ് നായകനായ വരുത്തൻ എന്ന ഹിറ്റ് ചിത്രം അമൽ നീരദിനോടൊപ്പം ചേർന്ന് നസ്രിയാണ് നിർമ്മിച്ചിരുന്നത്.
അതേസമയം വിവാഹ ശേഷം ഫഹദും നസ്രിയയും ഒരുമിച്ചെത്തിയ ട്രാൻസ് എന്ന ചിത്രം മികച്ച വിജയമായിരുന്നു. ഇപ്പോൾ തന്റെ പുതിയ തെലുങ്ക് ചിത്രത്തിന്റെ തിരക്കിലാണ് നസ്രിയ.
