കഴിഞ്ഞവർത്തെ (2019) തിരുവോണം ദിവസത്തിൽ കേരളത്തിലെ ബിഗ് സ്‌ക്രീനുകളിലും മിനി സ്‌ക്രീനിലും നിറഞ്ഞു നിന്നത് മലയാളത്തിന്റെ താരചക്രവർത്തി മോഹൻലാൽ ആയിരുന്നു. അദ്ദേഹം നായകനായി എത്തിയ ഇട്ടിമാണി മേഡ് ഇൻ ചൈന എന്ന സിനിമ രസകരമായ കുടുംബ ചിത്രം എന്ന അഭിപ്രായം നേടി മുന്നേറിയ സമയം.
ആ ദിവസങ്ങളിൽ മലയാളത്തിലെ വിവിധ ചാനൽ പ്രോഗ്രാമുകളിൽ അതിഥി ആയി എത്തി മിനി സ്‌ക്രീനിലും മോഹൻലാൽ തരംഗം സൃഷ്ടിച്ചിരുന്നു. അതിൽ തന്നെ മലയാള ടെലിവിഷൻ ചരിത്രത്തിൽ ആദ്യമായി എട്ടു മണിക്കൂറോളം നീണ്ട ഒരു പരിപാടി മോഹൻലാലിനെ അതിഥി ആക്കി ഒരുക്കിയ ഫ്‌ളവേഴ്‌സ് ടിവി ശ്രദ്ധ നേടുകയുണ്ടായി.
ആ പരിപാടിയിലെ മത്സരരാർഥികളിൽ ഒരാളായ കുട്ടികളിൽ ഒരാൾ ചോദിച്ച ചോദ്യവും അതിനു മോഹൻലാൽ കൊടുത്ത ഉത്തരവും ആണ് അന്ന് സോഷ്യൽ മീഡിയയുടെ ശ്രദ്ധ നേടിയെടുത്തിരുന്നു.
ദുൽഖർ സൽമാനെ ആണോ പ്രണവ് മോഹൻലാലിനെ ആണോ കൂടുതൽ ഇഷ്ടം എന്നാണ് ഒരു കുട്ടി മോഹൻലാലിനോട് ചോദിച്ചത്.
അതിനു മോഹൻലാൽ പറഞ്ഞ മറുപടി ഇങ്ങനെ, അതിപ്പോ അച്ഛനെ ആണോ അമ്മയെ ആണോ ഇഷ്ടം എന്ന് ചോദിക്കും പോലെ ആണ്. കുഞ്ഞിലേ മുതൽ രണ്ടിനേം കാണുന്നതല്ലേ. രണ്ടു പേരെയും എനിക്ക് ഒരുപോലെ ഇഷ്ടം ആണ്. എന്നാലും ഏറ്റവും എനിക്കിഷ്ടം ഫഹദ് ഫാസിലിനെ ആണ്.
ഏതായാലും ലാലേട്ടന്റെ രസകരമായ മറുപടി ആരാധകരും സിനിമാ പ്രേമികളും സഹർഷമാണ് സ്വീകരിച്ചത്. കുട്ടികളോടൊപ്പം ആടി പാടിയ മോഹൻലാൽ ബിഗ് സ്‌ക്രീനിലെ പോലെ തന്നെ മിനി സ്‌ക്രീനിലൂടെയും കുടുംബ പ്രേക്ഷകരുടെ സ്നേഹവും കയ്യടിയും നേടിയെടുത്താണ് അന്ന് ചാനലുകൾ വിട്ടത്.
