മഴവിൽ മനോരമയിലെ വെറുതെ അല്ല ഭാര്യ എന്ന റിയാലിറ്റി ഷോയിലൂടെയെത്തി പിന്നീട് മനിസ്‌ക്രീനിലും ബിഗ്സ്‌ക്രീനിലുമായി തിളങ്ങിയ താരമാണ് മഞ്ജു പത്രോസ്. ഇപ്പോൾ മലയാളികളുടെ പ്രിയപ്പെട്ട നടിയാണ് മഞ്ജു പത്രോസ്.
ഏഷ്യാനെറ്റിലെ ബിഗ് ബോസ് മലയാളം സീസൺ രണ്ടിൽ എത്തിയതോടെ താരം ചില വിവാദങ്ങളിലും പെട്ടിരുന്നു. താരത്തിനെതിരെ സൈബർ വിമർശനവും രൂക്ഷമായിരുന്നു. തന്റെ എറ്റവും പുതിയ വിശേഷങ്ങളും ചിത്രങ്ങളും വീഡിയോസുമെല്ലാം പങ്കുവെച്ച് മഞ്ജു സോഷ്യൽ മീഡിയയിൽ എത്താറുണ്ട്.
സോഷ്യൽ മീഡിയകളിൽ ഇപ്പോഴും പോസ്റ്റുമായി എത്തുമ്പോൾ നെഗറ്റീവ് കമന്റുകൾ പതിവാണ്.
ഭർത്താവുമായി മഞ്ജു വേർപിരിയുന്നു എന്നും വാർത്തകൾ പ്രചരിച്ചിരുന്നു. ബിഗ്ബോസിൽ മഞ്ജു പുറത്താകുന്നതിന് മുമ്പേ ഈ പ്രചരണങ്ങൾ നടന്നിരുന്നു.
ഇപ്പോഴിതാ മഞ്ജു അഭിനയിക്കുന്ന അളിയൻസ് എന്ന പരിപാടി കുറച്ച് ദിവസത്തേക്ക് ഉണ്ടാവില്ലെന്ന് പറഞ്ഞ് രംഗത്തെത്തിയിരിക്കുകയാണ് മഞ്ജു. സംവിധായകൻ അടക്കം ചില ടെക്നീഷ്യൻസിന് കോവിഡ് പോസിറ്റീവ് ആയത് കൊണ്ടാണ് ചിത്രീകരണം നിർത്തി വെക്കുന്നതെന്ന് ലൈവ് വീഡിയോയിലൂടെ മഞ്ജു വ്യക്തമാക്കിയിരിക്കുകയാണ്.
എല്ലാവർക്കും നമസ്‌കാരം. ഞാൻ മഞ്ജു ആണ്. അളിയൻസിലെ തങ്കം, അളിയൻസിലെ നൈറ്റി ഒക്കെ ഇട്ട് ഇരിക്കുകയാണ്. ഷൂട്ടിങ് ലൊക്കേഷൻ അല്ല ഞാൻ വീട്ടിലാണ്. വീട്ടിലും തങ്കമായി ഇരിക്കാം എന്ന് വിചാരിച്ചിട്ടാണ് ഈ വേഷത്തിൽ ഇരിക്കുന്നത്.കുറച്ച് ദിവസങ്ങൾ ആയിട്ട് നമ്മൾക്ക് അളിയൻസിന്റെ ഷൂട്ടിങ് വയ്ക്കാൻ സാധിച്ചിട്ടില്ല.
അങ്ങനെ ഞങ്ങൾ ചെറിയൊരു ഇടവേള എടുക്കുകയാണ്. മിക്കവാറും ഒരു രണ്ടാഴ്ച കാലത്തേക്ക് നമ്മൾക്ക് കാണാൻ കഴിയില്ല. ഈ ആഴ്ച ഷൂട്ടിങ് വയ്ക്കേണ്ടത് ആയിരുന്നു പക്ഷെ സാധിക്കില്ല. കാരണം, ടെക്‌നീഷന്മാർ, പ്രത്യേകിച്ച് ഡയറക്ടർ സാർ കൺട്രോളർ ഉൾപ്പെടെ നിരവധിപേർക്ക് കോവിഡ് പോസിറ്റീവ് ആയി.
അപ്പോൾ അതുമായി ബന്ധപെട്ടു പ്രാർത്ഥനയിലും മറ്റുമാണ് ഞങ്ങൾ. ബാക്കി എല്ലാവരും ക്വാറന്റൈനിൽ പോവാൻ തീരുമാനിച്ചിരിക്കുകയാണ്. ഞങ്ങൾ ഒക്കെ ഇപ്പോൾ മടങ്ങി പോന്നു. പോസിറ്റീവ് ആയവർക്ക് വേറൊരു പ്രശ്നവുമില്ല അവർക്ക് എല്ലാവരുടെയും പ്രാർത്ഥന വേണം. അവരൊക്കെ സന്തോഷമായി ഇരിക്കുകയാണ് എങ്കിലും വേഗം നെഗറ്റീവ് ആകാനുള്ള പ്രാർത്ഥന ഉണ്ടാകണം.
ഷൂട്ടിങ് വേഗം ആരംഭിക്കുവാനും പ്രാർത്ഥനയിൽ ഉൾപ്പെടുത്തണം എത്രയും പെട്ടെന്ന് ഞങ്ങൾ തിരിച്ചുവരും. ഞങ്ങളെ സംബന്ധിച്ച് നിങ്ങളെ കാണാൻ പറ്റില്ലെന്നുള്ള വിഷമമുണ്ട്. നിങ്ങൾക്കും അങ്ങനെയാണെന്ന് കരുതുന്നു. എത്രയും പെട്ടെന്ന് ഞങ്ങളെല്ലാവരും തിരിച്ച് വരും. അതുവരെ പഴയ എപ്പിസോഡ് ടെലികാസ്റ്റിങ് ഉണ്ടാകും. ഞങ്ങളെ കണ്ടില്ലെന്നു വച്ചിട്ട് മറന്നു പോകരുത്. ഞങ്ങൾ ഉടൻ തന്നെ തിരിച്ചെത്തുമെന്ന് മഞ്ജു ലൈവ് വീഡിയോയിൽ കൂടി പറയുന്നു.
