മലയാളം മിനി സ്‌ക്രീനിൽ നിരവധി ആരാധകരുള്ള ഗെയിംഷോയാണ് മഴവിൽ മനോരമയിലെ ഉടൻ പണം പരിപാടി. അതേ പോലെ തന്നെ ഈ പരിപാടിക്ക് മാത്രമല്ല അത് അവതരിപ്പിക്കുന്ന ഡെയിൻ ഡേവിസിനും, മീനാക്ഷി രവീന്ദ്രനും ഏറെ ആരാധകരാണ് ഉള്ളത്.
അവതാരകരായ മാത്തുക്കുട്ടിയും കലേഷും ചേർന്ന് തുടക്കത്തിൽ അവതരിപ്പിച്ച് ഹിറ്റാക്കിയ പരിപാടിയുടെ മൂന്നാം പതിപ്പ് ഡെയ്ൻ മീനാക്ഷി ജോഡികളാണ് വിജയകരമായി മുന്നോട്ട് കൊണ്ടു പോകുന്നത്. മൂന്നാം പതിപ്പിൽ വളരെ വ്യത്യസ്തമായ അവതരണ ശൈലിയോടെയാണ് പരിപാടി പ്രേക്ഷകരിലേക്കെത്തിയത്.
മുൻപ് ഔട്ട് ഡോർ പരിപാടിയായിരുന്ന ഉടൻ പണം ആദ്യ സീസണിൽ തന്നെ വലിയ ഹിറ്റായി മാറിയിരുന്നു. ഇരുവരും പ്രേക്ഷകർക്ക് ഒത്തിരി പ്രിയപ്പെട്ട കഥാപാത്രങ്ങളായി പ്രത്യക്ഷപ്പെടുന്നത് കാണാൻ തന്നെ നല്ല ചേലാണ്. മഴവിൽ മനോരമയിൽ രാത്രി 9 മണിയ്ക്കാണ് പരിപാടി സംപ്രേക്ഷണം ചെയ്യുന്നത്.
മത്സരാർത്ഥികളോടൊപ്പം കളിച്ച് ജയിക്കുന്ന മത്സരാർത്ഥികൾക്കും സമ്മാനം അണിയറ പ്രവർത്തകർ ഒരുക്കിയിട്ടുണ്ട്. അതേ സമയം മീനാക്ഷിയും ഡെയ്നും തമ്മിൽ പ്രണയത്തിലാണോ എന്ന തരത്തിലുള്ള ചോദ്യങ്ങൾ പലവട്ടം ഇരുവരും കേട്ടിട്ടുണ്ട്.
ഇപ്പോൾ ആരാധകരുടെ ചോദ്യത്തിന് മറുപടിയുമായി രംഗത്തെത്തിയിരിക്കുകയാണ് താരങ്ങൾ. ഡെയ്ൻ ഡേവിസുമായി പ്രണയത്തിലല്ലെന്നും അടുത്ത സുഹൃത്തുക്കൾ മാത്രമാണെന്നും തുറന്നു പറഞ്ഞിരിക്കുകയാണ് മീനാക്ഷി രവീന്ദ്രൻ. ഉടൻ പണത്തിന്റെ 200ാം എപ്പിസോഡിലാണ് പ്രണയത്തിലെന്ന പ്രചാരണങ്ങൾ ഇരുവരും തള്ളിയത്.
പരിപാടിക്കിടയിൽ എടിഎം ഇവരോട് ഏതാനും രസകരമായ ചോദ്യങ്ങൾ ചോദിച്ചിരുന്നു. ഇരുവരും രഹസ്യമായി പ്രണയത്തിലാണോ എന്ന ചോദ്യവും ഇതോടൊപ്പം ഉണ്ടായിരുന്നു. ഇത്തരത്തിൽ വാർത്ത പ്രചരിക്കുന്ന കാര്യവും ചൂണ്ടികാട്ടി. തുടർന്നാണ് മീനാക്ഷി മറുപടിയുമായി രംഗത്തെത്തിയത്.
തന്റെ ആത്മാർഥ സുഹൃത്തുക്കളിൽ ഒരാളാണ് ഡെയ്ൻ. ഞങ്ങൾ തമ്മിൽ മറ്റൊന്നുമില്ല. പ്രേക്ഷകർ ഹൃദയം കൊണ്ടു സ്വീകരിച്ച കഥാപാത്രങ്ങളാണ് ഉടൻ പണം 3.0 യുടെ വേദിയിൽ ചെയ്തിട്ടുള്ളത്. ആ കഥാപാത്ര ജോഡികളോടുള്ള ഇഷ്ടമായിരിക്കും പ്രേക്ഷകർക്ക് അങ്ങനെ തോന്നാൻ കാരണമായിട്ടുണ്ടാകുകയെന്നും മീനാക്ഷി പറഞ്ഞു. എന്റെ നല്ല സുഹൃത്താണ് മീനാക്ഷി എന്നായിരുന്നു ഡെയ്‌നിന്റെ മറുപടി. നായിക നായകൻ എന്ന പരിപാടിയിലൂടെയാണ് മീനാക്ഷി രവീന്ദ്രൻ ശ്രദ്ധിക്കപ്പെട്ടത്.
പുതിയ സിനിമയിലേക്ക് നായികയേയും നായകനേയും കണ്ടെത്തുന്നതിന് വേണ്ടിയായിരുന്നു ലാൽ ജോസ് റിയാലിറ്റി ഷോ നടത്തിയത്. പത്തൊൻപതാം വയസ്സിൽ സ്‌പൈസ് ജെറ്റിൽ കാബിൻ ക്രൂ ആയി കിട്ടിയ ജോലി, 22ാം വയസ്സിൽ രാജിവച്ച് തന്റെ പാഷന് പിറകെ യാത്ര തിരിച്ച താരം കൂടിയാണ് മീനാക്ഷി.
കോമഡി സർക്കസ് എന്ന റിയാലിറ്റി ഷോയിലൂടെ മലയാളികളുടെ പ്രിയങ്കരനായ താരമാണ് ഡെയിൻ ഡേവിസ്.
പരിപാടിയിൽ ഒന്നാം സ്ഥാനത്ത് എത്തിയത് നടന്റെ കരിയറിൽ വലിയ വഴിത്തിരിവായി മാറിയിരുന്നു. കോമഡി സർക്കസിലെ മിക്ക സ്‌കിറ്റുകളും ഡെയിന്റെതായി വലിയ തരംഗമായി മാറിയിരുന്നു. ടെലിവിഷൻ പരിപാടികൾക്ക് പിന്നാലെ സിനിമകളിലും സജീവമാണ് താരം. സഹനടനായും കോമഡി വേഷങ്ങളിലുമാണ് നടൻ സിനിമയിൽ പ്രത്യക്ഷപ്പെട്ടത്.
