ഒമർ ലുലു സംവിധാനം ചെയ്ത അഡാർ ലവ് എന്ന ചിത്രത്തിലെ മാണിക്യ മലരായ പൂവി എന്ന ഹിറ്റ് ഗാന രംഗത്തിലൂടെ തന്നെ ലോകം മുഴുവനും ഉള്ള സിനിമാ പ്രേക്ഷകരുടെ ഹൃദയം കീഴടക്കിയ താരമാണ് നടി പ്രിയാ വാര്യർ. കേരളത്തിന് പുറത്തും ആരാധകരെ സമ്പാദിച്ച താരമാണ് പ്രിയ. ഈ ഗാന രംഗത്തിലെ ഒരു കണ്ണിറുക്കലാണ് താരത്തെ പ്രശസ്തിയിലേയ്ക്ക് നയിച്ചത്.
പാട്ട് രംഗം അതിവേഗമാണ് വൈറലായത്. തൊട്ടുപിന്നാലെ താരത്തിന്റെ ഇൻസ്റ്റഗ്രാം പേജിൽ ലക്ഷക്കണക്കിന് പേരാണ് ഫോളോ ചെയ്തത്. പ്രശസ്തി നേടിയതിന് പിന്നാലെ ഒരുപാട് വിമർശനങ്ങളും താരത്തിന് നേരിടേണ്ടതായി വന്നു.
സോഷ്യൽമീഡിയ ട്രോളുകൾക്കും നടി ഇരയായി. ഒമർ ലുലുവിന്റെ ഒരു അഡാറ് ലൗ എന്ന ചിത്രത്തിലെ ആദ്യ ഗാനം ഹിറ്റായപ്പോൾ താരം പ്രധാനമായും എത്തിയ ഗാനത്തിന് നേരെ വൻ ഡീഗ്രേഡിംഗ് ആണ് നടന്നത്.
ഡിസ്‌ലൈക്ക് അടിച്ചാണ് ആരാധകർ പ്രിയ വാര്യയർക്ക് നേരെ തിരിഞ്ഞത്. ഈ ചിത്രത്തിന് പിന്നാലെ താരം മലയാള സിനിമാ ലോകം വിട്ട് ബോളിവുഡിലേയ്ക്ക് ചേക്കേറുകയായിരുന്നു. എങ്കിലും താരത്തിന് ഇഷ്ടംപോലെ മലയാളികളായ ആരാധകരും കൂടെയുണ്ട്. ഇപ്പോൾ താരം പാടിയ പാട്ടാണ് സോഷ്യൽമീഡിയയിൽ വൈറലാകുന്നത്. ടൊവിനോ തോമസിന്റെ ഏറ്റവും പുതിയ ഹിറ്റ് ചിത്രമായ തല്ലുമാലയിലെ ഓളെ മെലഡി എന്ന ഗാനം പാടിയാണ് പ്രിയ ആരാധകരെ ഞെട്ടിച്ചത്.
പഴയ മുസ്ലിം പാട്ടുകളുടെ ഈണവും താളവും വാക്കുകളും കലർത്തിയുള്ള ഗാനം പ്രേക്ഷകർ ഇരുകൈയും നീട്ടി സ്വീകരിച്ചിരുന്നു. ഇൻസ്റ്റഗ്രാം റീൽസിലും യൂട്യൂബ് ഷോട്‌സിലും എല്ലാം ഗാനം നിറഞ്ഞതോടെയാണ് നടിയും പാടാനുള്ള ഒരു ശ്രമം നടത്തിയത്. എന്നാൽ ഈ ശ്രമം വിജയത്തിലെത്തിയെന്നാണ് ആരാധകരും പറയുന്നത്. അതിമനോഹരമായാണ് താരം പാടുന്നതെന്ന് ആരാധകർ പറഞ്ഞു.
ഇതുവരെ ലക്ഷക്കണക്കിന് ആളുകളാണ് പ്രിയ വാര്യയുടെ ഗാന വീഡിയോ കണ്ടത്. സിനിമാ മേഖലയിൽ നിന്നുള്ളവരടക്കം പ്രിയ വാര്യരെ അഭിനന്ദിക്കുന്നുണ്ട്. പൊളിച്ചു എന്നാണ് നടി രജിഷ വിജയൻ കുറിച്ചത്. പ്രിയ ഇങ്ങനെ പാടുമോ എന്ന് ചോദിക്കുന്നവരും ഇക്കൂട്ടത്തിലുണ്ട്. പ്രിയയുടെ പാട്ട് കേട്ട് അത്ഭുതപ്പെട്ടുപോയെന്നും ചിലർ കമന്റ് കുറിച്ചു. ഏതായാലും നടിയുടെ പാട്ട് വൈറലായി കഴിഞ്ഞു.
