മലയാളത്തിന്റെ താരരാജാവ് മോഹൻലാലിനെ നായകനാക്കി നടൻ പൃഥ്വിരാജ് ആദ്യമായി സംവിധാനം ചെയ്ത ലൂസിഫർ റിലീസ് ചെയ്തത് കഴിഞ്ഞ വർഷമായിരുന്നു . മലയാളത്തിലെ എക്കാലത്തെയും വലിയ ഹിറ്റ് ചിത്രമായി 200 കോടിയിലധികം കളക്ഷൻ നേടിയ ചിത്രത്തിന് രണ്ടാം ഭാഗവും ടീം പ്രഖ്യാപിച്ചിരുന്നു.എമ്പുരാൻ എന്നാണ് ലൂസിഫറിന്റെ രണ്ടാം ഭാഗത്തിന്റെ പേരിട്ടിരിക്കുന്നത്.
ഇപ്പോഴിതാ ചിത്രത്തിന്റെ തിരക്കഥാ ജോലികൾ നടന്നുകൊണ്ടിരിക്കെ പൃഥ്വിരാജ് പങ്കുവെച്ച കുറിപ്പ് ശ്രദ്ധ നേടുകയാണ്. തിരക്കഥാകൃത്ത് മുരളി ഗോപിയ്ക്കൊപ്പമുള്ള ചിത്രം പങ്കുവെച്ച് കൊണ്ട് ‘ഇപ്പോൾ എന്നോട് പറഞ്ഞത് എങ്ങനെയായിരിക്കും ഷൂട്ട് ചെയ്യുക എന്ന ആശ്ചര്യപ്പെട്ടിരിക്കുകയാണ് താനെന്നായിരുന്നു’ പൃഥ്വി കുറിച്ചത്.
ആശിർവാദ് സിനിമാസ് നിർമിക്കുന്ന ചിത്രത്തിന്റെ ഷൂട്ടിങ്ങ് ഈ വർഷം ആരംഭിക്കും, 2021ൽ സിനിമ പ്രേക്ഷകരിലെത്തും. ലൂസിഫറിൽ ആരാണ് സ്റ്റീഫൻ നെടുമ്പള്ളിയെന്ന് വെളിപ്പെടുത്തിയതിന് ശേഷമുള്ള ടെയിൽ എൻഡ് സോംഗ് എൻപുരാനേ എന്ന് തുടങ്ങുന്നത് ആയിരുന്നു. ബോളിവുഡാ താരം വിവേക് ഒബ്‌റോയ് ആയിരുന്നു ലൂസിഫറിലെ വില്ലനെ അവതരിപ്പിത്. ചിത്രത്തിലെ നായികയായി മഞജു വാര്യരും എത്തിയിരുന്നു.
അതേ സമയം പൃഥ്വിരാജിന് തന്നെ ഒരു എത്തുംപിടിയും കിട്ടുന്നില്ലെങ്കില്‍ ചിത്രം ഏത് ലൈവലാണെന്നുള്ളത് ഊഹിക്കാവുന്നതാണെന്ന് ആരാധകര്‍ അഭിപ്രായപ്പെടുന്നു. നിലവിലെ സിനിമാത്തിരക്കുകള്‍ കഴിഞ്ഞാകും പൃഥ്വി ‘എമ്പുരാന്റെ’ ജോലികളിലേക്ക് പൂര്‍ണമായും കടക്കുക.
