സൂപ്പര്‍ സ്റ്റാര്‍ രജനികാന്തിനെ നായകനാക്കി എആര്‍ മുരുകദോസ് സംവിധാനം ചെയ്യുന്ന ചിത്രമായ ദര്‍ബാറിന്റെ ട്രെയിലര്‍ പുറത്ത്. രജനി ആരാധകരെ ആവേശത്തിലാക്കുന്ന ഒരു മിനുട്ട് നാല്‍പ്പത്തിയഞ്ച് സെക്കന്റ് ദൈര്‍ഘ്യമുള്ള ട്രെയിലറാണ് അണിയറപ്രവര്‍ത്തകര്‍ പുറത്ത് വിട്ടിരിക്കുന്നത്.
രജനികാന്തും സംവിധായകന്‍ എ .ആര്‍. മുരുഗദോസും ഒന്നിക്കുന്ന ആദ്യചിത്രമാണിത് . നയന്‍താരയാണ് രജനിയുടെ നായിക. രജനിയും നയന്‍താരയും ഒന്നിക്കുന്ന നാലാമത്തെ ചിത്രമാണിത്. ചന്ദ്രമുഖി, ശിവാജി, കുസേലന്‍ എന്നീ ചിത്രങ്ങളിലാണ് ഇവര്‍ ഇതിനു മുന്‍പ് ഒന്നിച്ചത്. മാസും ക്ലാസും ആക്ഷനും ഒന്നിക്കുന്ന ചിത്രത്തിന്റെ മോഷന്‍ പോസ്റ്റര്‍ സോഷ്യല്‍ മീഡിയയില്‍ തരംഗമായിരുന്നു.
സുനില്‍ ഷെട്ടി വില്ലന്‍ കഥാപാത്രത്തിലെത്തുന്നു. 1992ല്‍ പുറത്തിറങ്ങിയ പാണ്ഡ്യന്‍ എന്ന സിനിമയിലാണ് രജനി അവസാനമായി പൊലീസ് വേഷത്തില്‍ എത്തിയത്.
