മലയാളി പ്രേക്ഷകരുടെ പ്രീയപ്പെട്ട സീരിയലുകളിൽ ഒന്നാണ് ഏഷ്യാനെറ്റിലെ സൂപ്പർ ഹിറ്റ് പരമ്പര പാടാത്ത പൈങ്കിളി. ബംഗാളി സൂപ്പർ ഹിറ്റ് പരമ്പരയായ കേ അപോൻ കേ പൊറിന്റെ എന്ന സീരിയലിന്റെ റീമേക്കായാണ് പാടാത്ത പൈങ്കിളി മലയാളി പ്രേക്ഷകർക്ക് മുന്നിലെത്തിയത്.
ചുരുങ്ങിയ സമയം കൊണ്ട് തന്നെ നിരവധി ആരാധകര സ്വന്തമാക്കാൻ ഈ പരമ്പരയ്ക്ക് കഴിഞ്ഞു. കൺമണി എന്ന പെൺകുട്ടിയുടെ ജീവിതത്തെ ചുറ്റിപ്പറ്റിയാണ് കഥ മുന്നോട്ട് പോകുന്നത്. വലിയ ഒരു കുടുംബത്തിൽ വേലക്കാരിയായി വരുന്ന നായികയുടെ കല്യാണം മുടങ്ങുന്നതും, തുടർന്ന് അതെ കുടുംബത്തിലെ മകൻ അച്ഛന്റെ ആവശ്യ പ്രകാരം നായികയെ വിവാഹം ചെയ്യുന്നതും തുടർന്നുണ്ടാകുന്ന സംഭവ വികാസങ്ങളും ആണ് പരമ്പരയുടെ ഇതിവൃത്തം.
മനീഷ മഹേഷ്, അങ്കിത വിനോദ്, സൗമ്യ ശ്രീകുമാർ, സച്ചിൻ സജീ തുടങ്ങിയവരാണ് പരമ്പരയിലെ മുഖ്യകഥാപാത്രങ്ങളെ അവതരിപ്പിക്കുന്നത്. പരമ്പരയിലെ കഥാപാത്രമായ കണ്മണിയെ അവതരിപ്പിക്കുന്നത് മനീഷ മഹേഷാണ്.കണ്മണിയുടെയും ദേവയുടേയും പ്രണയ നിമിഷങ്ങൾ മലയാളി പ്രേക്ഷകർ ഏറ്റെടുത്തതാണ്.
ഏറെ നാളുകളുടെ കാത്തിരിപ്പിന് ഒടുവിൽ ദേവ തിരിച്ചു വന്നതിനു ശേഷമുള്ള കണ്മണിയുടെയും ദേവയുടേയും പ്രണയം പ്രേക്ഷകർ ആകാംഷയോടെയാണ് സ്വീകരിച്ചത്. പരമ്പരയുടെ ചിത്രീകരണം നടക്കുന്നത് തിരുവനന്തപുരത്ത് വെച്ചിട്ടാണ്.
കഴിഞ്ഞ കുറേ ദിവസങ്ങളായി കേരളത്തിൽ വൻ നാശനഷ്ടം വിതച്ച് മഴ തകർത്ത് പെയ്യുകയാണ്. കേരളത്തിലെ മിക്ക ജില്ലകളിലും പല ഭാഗങ്ങളിലായി വെള്ളപ്പൊക്കവും ഉരുൾപൊട്ടലും ഉണ്ടായിട്ടുണ്ട്.
Also Read
എങ്ങനെ എങ്കിലും സമാധാനമായി ജീവിച്ചാൽ മതി: രണ്ടാം വിവാഹത്തെ കുറിച്ച മേഘ്ന വിൻസെന്റ്
പല സ്ഥലങ്ങളിലും ഇപ്പോഴും രക്ഷാപ്രവർത്തനം നടന്നു കൊണ്ടിരിക്കുകയാണ്. തിരുവനന്തപുരത്തെ പാടാത്ത പൈങ്കിളി ചിത്രീകരണം നടക്കുന്ന സ്ഥലത്തും വെള്ളപ്പൊക്കം ഉണ്ടായെന്ന വാർത്തയാണ് ഇപ്പോൾ പുറത്ത് വന്നിരിക്കുന്നത്. ഇവിടെ നിന്നും ടിപ്പറിൽ കയറ്റി താരങ്ങളെ രക്ഷപെടുത്തുന്ന വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്.
പരമ്പരയിലെ താരങ്ങൾ തന്നെയാണ് തങ്ങളുടെ സോഷ്യൽ മീഡിയയിലൂടെ ഈ വീഡിയോ പങ്കുവെച്ചത്. പരമ്പര ചിത്രീകരണം നടക്കുന്ന വീട്ടിൽ എല്ലാവരും ഉണ്ടായിരിക്കെ തന്നെ വെള്ളം കയറുകയും താരങ്ങൾ അപകട ഭീതിയിൽ ആവുകയും ചെയ്യുന്ന അവസ്ഥയാണ് ഉണ്ടായത്.
തുടർന്ന് സംഭവ സ്ഥലത്തു നിന്ന് താരങ്ങളെ മാറ്റാൻ വേണ്ടി ലോറി വരികയും താരങ്ങളെയും അണിയറ പ്രവർത്തകരെയും ഒരുമിച്ചു ലോറിയിൽ കൊണ്ട് പോവുകയുമാണ് ഉണ്ടായത്. പോവുന്നതിനിടയിലുള്ള രസകരമായ സംഭവങ്ങളും താരങ്ങൾ സോഷ്യൽ മീഡിയയിൽ പങ്കുവെച്ചിട്ടുണ്ട്. താരങ്ങൾ പോകുന്ന ലോറിയുടെ പുറകിലായി അണിയറ പ്രവർത്തകർ മുക്കാൽ ഭാഗവും മുങ്ങിയ സ്‌കൂട്ടറുമായി വരുന്നതാണ് വിഡിയോയിൽ ഉള്ളത്.
പുറകിൽ താരങ്ങളുടെ ചിരിയും കേൾക്കാം. എന്തായാലും പരമ്പരയുടെ ചിത്രീകരണം അൽപ ദിവസത്തേക്കു മുടങ്ങും എന്നാണ് അണിയറ പ്രവർത്തകർ പറയുന്നത്. ചിത്രീകരണം നടക്കുന്ന വീട് എത്രയും പെട്ടന്ന് പഴയെ പടി ആകുമെന്നും ചിത്രീകരണം പുനരാരംഭിക്കാൻ സാധിക്കുമെന്നുമുള്ള പ്രതീക്ഷയിലാണ് എല്ലാവരും.
Also Read
എന്തുകൊണ്ടാണ് റാംജിറാവൂ സ്പ്ക്കീംഗിൽ നിന്നും ജയറാം പിന്മാറിയത്, കാരണം വെളിപ്പെടുത്തി സിദ്ധീഖ്
ഈ പരമ്പരക്ക് സോഷ്യൽ മീഡിയയിൽ വളരെ അധികം ആരാധകരാണ് ഉള്ളത്. അത്‌കൊണ്ട് തന്നെ താരങ്ങളുടെ വിശേഷങ്ങൾ സോഷ്യൽ മീഡിയയിൽ വളരെ പെട്ടെന്നു തന്നെ വൈറലാവാറുണ്ട്. വെള്ളപ്പൊക്ക ഭീതി മാറി പരമ്പരയുടെ ചിത്രീകരണം എത്രയും പെട്ടെന്നു പുനരാരംഭിക്കുമെന്ന് ഉള്ള പ്രതീക്ഷയിലാണ് പരമ്പരയുടെ അണിയറപ്രവർത്തകരും ആരാധകരും.
