നിരവധി സൂപ്പർഹിറ്റ് ഗാനങ്ങളിലൂടെ മലയാളികളുടെ പ്രിയപ്പെട്ട ഗായികമാരിൽ ഒരാളായി മാറിയ താരമാണ് സയനോര ഫിലിപ്പ്. ആരാധകരുടെ മനസിൽ വേറിട്ട ശബ്ദം കൊണ്ട് ഇഷ്ടം കോരിയിട്ട സൂപ്പർ ഗായിക കൂടിയാണ് സയനോര.
ചെറിയ പ്രായത്തിൽ തന്നെ നിറത്തിന്റെ പേരിൽ താൻ നേരിടേണ്ടി വന്ന ദുരനുഭവങ്ങളെ കുറിച്ച് പല വെളിപ്പെടുത്തലുകളും നേരത്തെ സയനോര നടത്തിയിരുന്നു. അതെല്ലാം വലിയ രീതിയിൽ ചർച്ചയാവുകയും ചെയ്തിരുന്നു.
ജനപ്രിയ നായകൻ ദീലീപിനെ നായകനാക്കി രഞ്ജിത് സംവിധാനം ചെയ്ത മിഴി രണ്ടിലും എന്ന ചിത്രത്തിലെ മറന്നിട്ടും എന്തിനോ എന്ന ഗാനം സയനോരക്ക് വലിയ പ്രശസ്തി നേടി കൊടുത്തിരുന്നു. ഗായിക മാത്രം അല്ല സംഗീത സംവിധായക കൂടി ആണ് സയനോര.
അതേ സമയം കഴിഞ്ഞ ദിവസം സുഹൃത്തുക്കൾക്ക് ഒപ്പം ഡാൻസ് ചെയ്യുന്ന വീഡിയോ പങ്കുവെച്ച സയനോരയ്ക്ക് എതിരെ വൻ സൈബർ അറ്റാക്കായിരുന്നു ഉണ്ടായത്. അ ശ്ലീ ല കമന്റുകളും നിറഞ്ഞിരുന്നു. ഇപ്പോൾ സയനോര യ്ക്ക് പിന്തുണയുമായി രംഗത്ത് എത്തിയിരിക്കുകയാണ് ഗായിക സിത്താര കൃഷ്ണകുമാർ.
അതേ ഗാനത്തിന് സുഹൃത്തുക്കൾക്ക് ഒപ്പം നൃത്തം ചെയ്താണ് സയനോരയ്ക്ക് സിതാര പിന്തുണ അറിയിച്ചത്. ഞങ്ങൾ പെൺകുട്ടികൾ ഒത്തുചേരുന്നത് ഒരു സുഖമുള്ള കാര്യമാണ്. ഞങ്ങൾ ഒരുമിച്ച് ഉറക്കെ ചിരിക്കുകയും കരയുകയും ചെയ്തേക്കാം.
പരസ്പരം അങ്ങോട്ടുമിങ്ങോട്ടും പിന്തുണയ്ക്കേണ്ടത് പ്രധാനവും ആവശ്യവുമാണ്. ഈ നൃത്തം ഞങ്ങളുടെ സുഹൃത്ത് സയനോരക്കും കൂട്ടർക്കും സമർപ്പിക്കുന്നു ഇൻസ്റ്റഗ്രാമിൽ പോസ്റ്റ് ചെയ്ത വീഡിയോക്ക് താഴെ സിത്താര കുറിച്ചു. കൂടാതെ ഇതുപോലെ സയനോരക്ക് പിന്തുണയുമായി പെൺകുട്ടികളോട്, നൃത്തം ചെയ്ത വീഡിയോ പോസ്റ്റ് ചെയ്യാനും സിത്താര പറയുന്നുണ്ട്.
വീഡിയോക്ക് കമന്റുമായി നടിമാരായ ഭാവനയും രമ്യ നമ്പീശനും എത്തിയിട്ടുണ്ട്. കഴിഞ്ഞ ദിവസമാണ് സയനോര തന്റെ കൂട്ടുകാരും നടിമാരുമായ ഭാവന, രമ്യ നമ്പീശൻ, ശിൽപ ബാല, മൃദുല മുരളി എന്നിവർക്ക് ഒപ്പം നൃത്തം ചെയ്യുന്ന വീഡിയോ ഇൻസ്റ്റഗ്രാമിൽ പോസ്റ്റ് ചെയ്തത്.
എന്നാൽ ഡാൻസിൽ സയനോര ധരിച്ച വസ്ത്രത്തിന്റെ പേരിൽ ഗായിക സൈബർ അറ്റാക്ക് നേരിടുക ആയിരുന്നു. എന്നാൽ മറുപടിയുമായി സയനോര മറ്റൊരു ചിത്രം കൂടി പങ്കുവെച്ചിരുന്നു.
