തമിഴകത്തിന്റെ ദളപതി വിജയ് നായകനായി എത്തുന്ന ഏറ്റവും പുതിയ ചിത്രമാണ് മാസ്റ്റേഴ്‌സ്. ചിത്രത്തിന്റെ പുറത്തിറങ്ങിയ ഗാനങ്ങളെല്ലാം സൂപ്പർഹിറ്റുകളായി മാറിയിരുന്നു.
കാർത്തി നായകനായ കൈദി എന്ന ബ്ലോക്ബസ്റ്ററിന് ശേഷം ലോകേഷ് കനകരാജ് സംവിധാനം ചെയ്ത മാസ്റ്ററിനായി കാത്തിരിക്കുകയാണ് ആരാധകർ ഒന്നടങ്കം. നേരത്തെ ഏപ്രിലിൽ റിലീസ് തീരുമാനിച്ചിരുന്നു എങ്കിലും കോവിഡ് ലോക്കൗഡൗൺമൂലം സിനിമ പുറത്തിറക്കാനായില്ല.
അതേ സമയം ഇപ്പോഴിതാ വിജയ് എന്ന വ്യക്തിയെക്കുറിച്ച് മനസ്സ് തുറക്കുകയാണ് ലോകേഷ് കനകരാജ്.
വരെ സൗമ്യനായ വ്യക്തി ആണ് വിജയ് എന്നാണ് ലോകേഷ് കനകരാജ് പറയുന്നത്. വിനയമാണ് അദ്ദേഹത്തെ ഇത്രയും വലിയ താരമാക്കുന്നത് എന്നും ലോകേഷ് വ്യക്തമാക്കിുന്നു.
അദ്ദേഹത്തിനോട് മാസ്റ്റർ സിനിമയുടെ കഥ പറയാൻ സാധിച്ചത് തന്നെ വലിയ ഭാഗ്യമായി കരുതുന്നു.
ഷൂട്ടിംഗിന്റെ ആദ്യ ദിവസം മുതൽ അവസാന ദിവസം വരെ ഞങ്ങൾ വളരെ നല്ല സുഹൃത്തുക്കളെ പോലെ ആയിരുന്നു. ഒരു അപരിചിതത്വവും അദ്ദേഹത്തിൽ നിന്ന് അനുഭവപ്പെട്ടില്ല എന്നും ലോകേഷ് കനകരാജ് വെളിപ്പെടുത്തുന്നു.
മലയാളി താരം മാളവിക മോഹനനാണ് മാസ്റ്റിലെ നായിക വേഷം കൈകാര്യം ചെയ്തിരിക്കുന്നത്. മക്കൾ സെൽവൻ വിജയ് സേതുപതിയാണ് വില്ലാനായി പ്രത്യക്ഷപ്പെടുന്നത് എന്ന പ്രത്യേകതയും ഈ സിനിമയ്ക്കുണ്ട്.
ആൻഡ്രിയ ജെറമിയ, അർജുൻ ദാസ്, ശാന്തനു തുടങ്ങിയവരും ചിത്രത്തിൽ ഭാഗമാവുന്നുണ്ട്. അനിരുദ്ധ് രവി ചന്ദിർ ആണ് മാസ്റ്ററിന് സംഗീതം പകർന്നിരിക്കുന്നത്.
