മലയാളികളുടെ സ്വകാര്യ അഹങ്കാരമായ മലയാളത്തിന്റെ താരരാജാവ് നടൻ മോഹൻലാലിന്റെ സിനിമാ വിശേഷങ്ങളും കുടുംബത്തെ കുറിച്ചുള്ള വിശേഷങ്ങളുമൊക്കെ സോഷ്യൽമീഡിയയിൽ. ഭാര്യ സുചിത്രയുടേയും മകൻ പ്രണവിൻറേയും മകൾ വിസ്മയയുടേയുമൊക്കെ പുതിയ വിശേഷങ്ങൾ സോഷ്യൽമീഡിയ ഏറ്റെടുക്കാറുണ്ട്
പ്രണയദിനത്തിൽ വിസ്മയയുടെ പുതിയ പുസ്തകം പ്രകാശനം ചെയ്തിരുന്നു. മോഹൻലാലിന്റെ മകൾ വിസ്മയയുടെ പുതിയ പുസ്തകം ഇറങ്ങിയത് ആരാധകരിൽ സന്തോഷമുണ്ടാക്കിയിരുന്നു. ഗ്രെയിൻസ് ഓഫ് സ്റ്റാർഡസ്റ്റ് എന്ന പേരിലാണ് ലാലേട്ടന്റെ മകൾ മായയുടെ പുസ്തകം വന്നത്.
മകളുടെ പുസ്തകത്തെ കുറിച്ച് അറിയിച്ച് മോഹൻലാലും സോഷ്യൽ മീഡിയയിലൂടെ എത്തിയിരുന്നു. അഭിമാന നിമിഷമെന്നാണ് മകളുടെ പുസ്തക പ്രകാശനത്തെ കുറിച്ച് സൂപ്പർതാരം പറഞ്ഞത്. കൂടാതെ മായയുടെ പുസ്തകം ബെസ്റ്റ് സെല്ലറായതിന്റെ സന്തോഷവും ആരാധകരോട് നടൻ പങ്കുവെച്ചു.
പെൻഗ്വിൻ ബുക്ക്സ് ആയിരുന്നു വിസ്മയയുടെ പുസ്‌കം പ്രസിദ്ധീകരിച്ചത്. പിന്നാലെ പുസ്തകത്തിന്റെ ഇ ബുക്കിൽ തെറ്റുകളുണ്ടെന്ന വാർത്ത പുറത്തുവന്നിരുന്നു. വിസ്മയ തന്നെയാണ് ഇക്കാര്യം അറിയിച്ച് എത്തിയത്. ഉടൻ തെറ്റ് തിരുത്തുമെന്ന് അറിയിച്ചുകൊണ്ടാണ് താരപുത്രി സോഷ്യൽ മീഡിയയിൽ എത്തിയത്.
ഇ ബുക്കിൽ തെറ്റുകൾ വന്നിട്ടുണ്ട്. ലേ ഔട്ട് മാറിപ്പോയി. അത് തിരുത്താൻ ശ്രമിച്ചുകൊണ്ടിരിക്കുകയാണ്. ഇത് വാങ്ങിയവരോട് ഞാൻ ക്ഷമ ചോദിക്കുന്നു. എത്രയും പെട്ടെന്ന് തന്നെ അപ്ഡേറ്റ് ചെയ്ത് ബുക്ക് നിങ്ങൾക്ക് കിട്ടുമെന്നും, വിസ്മയ മോഹൻലാൽ തന്റെ ഇൻസ്റ്റഗ്രാം പോസ്റ്റിലൂടെ അറിയിച്ചു.
അതേസമയം താരപുത്രിമാരിൽ വിസ്മയയുടെ വിശേഷങ്ങൾ അറിയാനും ആരാധകർ കാത്തിരിക്കാറുണ്ട്. അടുത്തിടെ തടി കുറച്ച കാര്യം ഇൻസ്റ്റഗ്രാമിലൂടെ താരപുത്രി അറിയിച്ചിരുന്നു. പ്രണവിന് പിന്നാലെ മോഹൻലാലിന്റെ മകളും സിനിമയിൽ എത്തുമോ എന്ന് ആകാംക്ഷകളോടെയാണ് എല്ലാവരും ഉറ്റുനോക്കുന്നത്.
മോഹൻലാലിന്റ സംവിധാന സംരംഭമായ ബറോസിന്റെ ടീമിൽ മായയും എത്തുമെന്ന് മുൻപ് റിപ്പോർട്ടുകളുണ്ടായിരുന്നു. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഇതുവരെ വന്നിട്ടില്ല. ബാലതാരമായാണ് പ്രണവ് മോഹൻലാലിന്റെ അരങ്ങേറ്റം. പിന്നീട് നായക നടനായും സിനിമയിൽ സജീവമായിരിക്കുകയാണ് പ്രണവ് ഇപ്പോൾ.
വിനീത് ശ്രീനിവാസൻ സംവിധാനം ചെയ്യുന്ന ഹൃദയം എന്ന സിനിമയിലാണ് പ്രണവ് ഇപ്പോൾ അഭിനയിക്കുന്നത്. കല്യാണി പ്രിയദർശനൻ ആണ് ഇ സിനിമയിൽ പ്രണവിന്റെ നായികയാകുന്നത്.
