മിനിസ്‌ക്രീനിലും ബിഗ് സ്‌ക്രീനിലും ഒരുപോലെ തിളങ്ങി മലയാളികളുടെ പ്രിയപ്പെട്ട നടിയായി മാറിയ താരമാണ് സ്വാസിക വിജയ്. ഒരു തമിഴ് സിനിമയിലൂടെയാണ് അഭിനയം തുടങ്ങിയതെങ്കിലും സീത എന്ന മലയാളം ഹിറ്റ് പരമ്പരയിലൂടെ ആണ് സ്വാസിക ഏറെ ശ്രദ്ധിക്കപ്പെട്ടത്.
ഫ്‌ളവേഴ്‌സ് ടിവിയിൽ സംപ്രേഷണം ചെയ്തിരുന്ന സീത എന്ന സൂപ്പർഹിറ്റ് സീരിയലിലൂടെയാണ് സ്വാസിക പ്രേഷകരുടെ മനസ്സിൽ ഇടം നേടിയത്. സീത എന്ന ടെറ്റിൽ കഥാപാത്രമായി സ്വാസിക മിന്നി തിളങ്ങിയ താരം അഭിനയച്ചതിൽ ഏറ്റവും മികച്ച കഥാപാത്രങ്ങളിൽ ഒന്നാണ് സീത. പരമ്പരയിൽ സീതയായി സ്വാസികയും ഇന്ദ്രനായി ഷാനവാസ് ഷാനുവും മികച്ച പ്രകടനമാണ് നടത്തിയത്.
നടി എന്നതിന് പുറമെ നല്ലൊരു നർത്തകി കൂടിയാണ് സ്വാസിക. അടുത്തിടെ താൻ ജനുവരിയിൽ വിവാഹിതയാകുമെന്ന് സ്വാസിക പറഞ്ഞിരുന്നു. ആരെയാണ് വിവാഹം ചെയ്യാൻ പോകുന്നത് എന്ന് താരം വെളിപ്പെടുത്തിയിരുന്നില്ല. വിവാഹം ഉടൻ ഉണ്ടാകുമോ എന്ന് ചോദിച്ചപ്പോൾ വിവാഹം എപ്പോൾ വേണമെങ്കിലും സംഭവിക്കാം എന്നാണ് ഒരു അഭിമുഖത്തിൽ സ്വാസിക പറഞ്ഞത്. ഇപ്പോൾ മനംപോലെ മംഗല്യം എന്ന സീരിയലിൽ അഭിനയിച്ചുകൊണ്ടിരിക്കുകയാണ് സ്വാസിക.
സീരിയലിലെ നായകൻ നടൻ പ്രേമിനൊപ്പമുള്ള സ്വാസികയുടെ റീൽസെല്ലാം സോഷ്യൽമീഡിയയിൽ വൈറലാകാറുണ്ട്. മറാത്തി സീരിയലിന്റെ റീമേക്കായ മനംപോലെ മംഗല്യത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്. ഇഷ്‌ക്, ഇട്ടിമാണി മെയ്ഡ് ഇൻ ചൈന, പൊറിഞ്ചു മറിയം ജോസ് എന്നിവയാണ് സ്വാസികയുടേതായി അവസാനം റിലീസിനെത്തിയ സിനിമകൾ.
ഇപ്പോഴിതാ പുതിയ വീട് സ്വന്തമാക്കിയതിന്റെ സന്തോഷം ആരാധകരുമായി പങ്കിട്ട് സ്വാസിക വിജയ്, തൃപ്പൂണിത്തുറ ഭാഗത്ത് സ്‌കൈലൈന്റെ ഒരു ഫ്ളാറ്റാണ് താരം വാങ്ങിയത്. യൂട്യൂബ് ചാനലിലൂടെയാണ് വിശേഷം പങ്കിട്ടത്, വാക്കുകൾ, സ്വന്തമായൊരു വീട് മേടിക്കാനായതിന്റെ സന്തോഷത്തിലാണ്.
ഏറെയിഷ്ടമുള്ള സ്ഥലമാണ്, അതാണ് ഇവിടെത്തന്നെ മേടിച്ചത്. ഫ്ളാറ്റ് മേടിച്ച് എഗ്രിമെന്റൊക്കെ കഴിഞ്ഞ് ഞാൻ തിരുവനന്തപുരത്ത് ഷൂട്ടിനായി പോയതാണ്. വീട് മേടിച്ച് പണികളൊക്കെ ചെയ്യുമ്പോൾ സുഖകരമായൊരു ടെൻഷനുണ്ട്. അത് അനുഭവിച്ചോണ്ട് ഇരിക്കുകയാണിപ്പോൾ.
ഇപ്പോൾ ഞങ്ങൾ താമസിക്കുന്ന വീട് എല്ലാവരും കൂടി മേടിച്ചതാണ്. എന്റെ പേരിലുള്ള ആദ്യത്തെ പ്രോപ്പർട്ടിയാണ് ഇത്. ചെറിയതാണ് മേടിച്ചത്. ഇടയ്ക്കേ ഞാൻ ഇവിടെ വന്ന് താമസിക്കുള്ളൂ. കൈയ്യിലുള്ള പൈസയും കുറച്ച് ലോണുമൊക്കെ എടുത്താണ് ഇത് മേടിച്ചത്. ഒരുപാട് നാളായി മനസ്സിലുള്ള സ്വപ്നമായിരുന്നു ഒരു കുഞ്ഞുവീട്.
വീടിന്റെ ഹൗസ് വാമിങ്ങ് കുറച്ച് കഴിഞ്ഞ് നടക്കും. അതിന് മുന്നോടിയായുള്ള ഓരോ കാര്യങ്ങളും നിങ്ങളെ അറിയിക്കും. ജോയ്സി മാത്യു എന്നാണ് ഇപ്പോൾ കൊടുത്തിട്ടുള്ളത്. കുറച്ച് കഴിഞ്ഞാൽ അത് സ്വാസിക വിജയ് എന്നോ പൂജ വിജയ് എന്നോ ആയി മാറും. പെയിന്റടിച്ചോണ്ടിരിക്കുന്ന സമയത്തായിരുന്നു ഞാൻ വീട് കണ്ടത്. ഒരു മാസത്തിലേറെയായി ഞാൻ പോയിട്ട് എന്നും താരം പറയുന്നു.
അതേ സമയം വൈഗ എന്ന തമിഴ് ചലചിത്രത്തിലൂടെ ആണ് സ്വാസിക സിനിമയിലേക്ക് കടക്കുന്നത്. തമിഴിൽ മികച്ച പ്രകടനം കാഴ്ചവെച്ച് നടിയ്ക്ക് പിന്നീട് മലയാള സിനിമയിൽ നിന്നും അവസരം എത്തുക ആയിരുന്നു. ഫിഡിൽ എന്ന മലയാള സിനിമയിലൂടെയാണ് നടി ചെറു വേഷം ചെയ്ത് പ്രേഷകരുടെ മുന്നിൽ എത്തിയത്. അവതാരക, മോഡൽ, അഭിനയത്രി എന്നീ മേഖലയിൽ തിളങ്ങിയ നടി സോഷ്യൽ മീഡിയയിലും ഏറെ സജീവമാണ്.
