മലയാളത്തിന്റെ താരരാജാവ് മോഹൻലാൽ തമിഴകത്തിന്റെ നടിപ്പിൻ നായകൻ സൂര്യയുമായി ഒന്നിക്കുന്ന കാപ്പാനിലെ ഗാനത്തിന്റ ടീസർ പുറത്തിറങ്ങി. ‘സിരിക്കി’ എന്ന ഗാനത്തിന്റെ പ്രമോയാണ് അണിയറപ്രവർത്തകർ പുറത്തുവിട്ടിരിക്കുന്നത്.
ഫാസ്റ്റ് നമ്പർ ഡാൻസ് സോങ്ങാണ് സിരിക്കി. എസ് ജ്ഞാനകരവേൽ എഴുതിയ വരികൾക്ക് സംഗീതം നൽകിയിരിക്കുന്നത് ഹാരിസ് ജയരാജാണ്. സെന്തിൽ ഗണേഷും രമണി അമ്മാളും ചേർന്നാണു ഗാനം ആലപിച്ചിരിക്കുന്നത്.
ജില്ലയ്ക്കു ശേഷം മോഹൻലാൽ കോളിവുഡിൽ എത്തുന്ന ചിത്രം എന്ന പ്രത്യേകതയും കാപ്പാനുണ്ട്. ഇന്ത്യൻ പ്രധാനമന്ത്രിയായാണ് മോഹൻലാൽ വേഷമിടുന്നത്. എൻഎസ്ജി കമാൻഡോ കഥാപാത്രമാണ് സൂര്യ അവതരിപ്പിക്കുന്നത്. മുമ്ബ് പുറത്തുവിട്ട ചിത്രത്തിന്റെ ടീസറും ഏറെ ശ്രദ്ധ നേടിയിരുന്നു.
കെവി ആനന്ദിൻറെ സംവിധാനത്തിലെത്തുന്ന ആക്ഷൻ ത്രില്ലർ ചിത്രം പ്രമുഖ നിർമാണ കമ്ബനിയായ ലൈക്ക പ്രൊഡക്ഷൻസാണ് നിർമ്മിക്കുന്നത്. മോഹൻലാലിനും സൂര്യയ്ക്കുമൊപ്പം ആര്യയാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.
സയേഷ സൈഗാളാണ് നായിക. ബോമാൻ ഇറാനി, സമുദ്രക്കനി, പ്രേം, ശങ്കർ കൃഷ്ണമൂർത്തി എന്നിവരാണ് മറ്റ് താരങ്ങൾ.
