മനിസ്‌ക്രീൻ സീരിയൽ ആരാഖകർക്ക് ഏറെ പ്രിയപ്പെട്ട നടിയാണ് മൃദുല വിജയ്. തന്റെ പതിനഞ്ചാം വയസിൽ സിനിമയിൽ നായികയായി എത്തിയ താരമാണ് മൃദുല. അതിന് ശേഷം മലയാളം സീരിയലിൽ രംഗത്തേക്ക് ചേക്കേറുക ആയിരുന്നു മൃദുല വിജയ്.
സീ കേരളം ചാനലിൽ സംപ്രേഷണം ചെയ്യുന്ന പൂക്കാലം വരവായ് എന്ന സീരിയലിൽ സംയുക്ത എന്ന കഥാപാത്രത്തെയാണ് ഇപ്പോൾ താരം അവതരിപ്പിക്കുന്നത്. ഏഷ്യാനെറ്റിലെ ഹിറ്റ് സീരിയലായിരുന്ന ഭാര്യയിലെ നായകനും നായികയും തന്നെയാണ് പൂക്കാലം വരവായിയിൽ നായികാനായകന്മാരായി എത്തുന്നത്. അരുൺ രാഘവനാണ് നായക കഥാപാത്രത്തെ അവതരിപ്പിക്കുന്നത്.
ഭാര്യ സീരിയലിൽ നിന്നും തീർത്തും വ്യത്യസ്തമായ കഥാപാത്രമാണ് ഇവരുടേത്. ഭാര്യയിൽ തുടക്കത്തിൽ പാവം പെൺകുട്ടിയായിട്ടാണ് മൃദുല എത്തിയത്. പിന്നീട് കഥാഗതിക്ക് അനുസരിച്ച് തന്റേടി ആവുകയായിരുന്നു.
ഭാര്യയിൽ ഇരട്ട റോളിലാണ് നായകനായ അരുൺ എത്തിയത്. പൂക്കാലം വരാവായി സീരിയലിൽ തുടക്കത്തിൽ തന്നെ തന്റേടിയാണ് മൃദുല അവതരിപ്പിക്കുന്ന സംയുക്ത. നായകനായ അരുണും വാശിക്കാരനാണ്. ഭാര്യയിലെ പോലെ തന്നെ മികച്ച കെമിസ്ട്രിയാണ് ഇവർ തമ്മിലെന്നാണ് ആരാധകർ പറയുന്നത്.
ഇരുവരും വേറിട്ട കഥാപാത്രങ്ങളായിട്ടാണ് എത്തുന്നതെങ്കിലും തമ്മിലുളള കെമിസ്ട്രി നന്നായി വർക്കൗട്ടാകുന്നുണ്ടെന്നാണ് ആരാധകർ പറയുന്നത്. സ്ത്രീ വിരോധിയായ അഭിമന്യുവിനെ തന്നോട് അടുപ്പിക്കാൻ നോക്കുന്ന, പാരവെക്കാൻ നോക്കുന്നവർക്ക് മറുപാര വയ്ക്കുന്ന കഥാപാത്രമാണ് സംയുക്ത.
സീരിയലിൽ കെമിസ്ട്രി വർക്കൗട്ട് ചെയ്യാാൻ മൃദുല തന്നെ ഒരുപാട് സഹായിച്ചിട്ടുണ്ടെന്ന് അരുൺ പറഞ്ഞിട്ടുണ്ട്. ഇപ്പോൾ സീരിയലിലെ കൂട്ടുകാരും താരങ്ങളുമൊത്ത് അടിച്ചു പൊളിക്കുകയാണ് മൃദുല. സത്യ എന്ന പെൺകുട്ടി താരം നീനുവിനും പൂക്കാലം വരവായയിലെ തന്റെ നായകൻ അരുണിനും ഒപ്പം കൊച്ചി ലുലുമോളിലെത്തിയ മൃദുലയുടെ വീഡിയോ ആണ് വൈറലാകുന്നത്.
ഇവർക്കൊപ്പം ഷോപ്പിങ്ങൊക്കെയായി തിരക്കിലാണ് മൃദുല. യുവ എവിടെയെന്നും ആരാധകർ ചോദിക്കുന്നുണ്ട്.കുറച്ച് ദിവസങ്ങൾക്ക് മുൻപാണ് യുവയുടെയും മൃദുലുടെയും വിവാഹനിശ്ചയം നടന്നത്. ഇവരുടെ നിശ്ചയ ചിത്രങ്ങളൊക്കെ സോഷ്യൽ മീഡിയ ആഘോഷമാക്കിയിരുന്നു.
