പ്രശസ്ത ഗായികയുടെ നഗ്‌ന ചിത്രങ്ങൾ പുറത്തായി; പിന്തുണ അറിയിച്ച് സ്വന്തം നഗ്‌നചിത്രങ്ങൾ പോസ്റ്റ് ചെയ്ത് നടിമാർ

പാക് ഗായിക റാബി പിർസദയുടെ നഗ്‌ന ചിത്രങ്ങളും വിഡിയോകളും പുറത്തായത് വലിയ വാർത്തയായിരുന്നു. തുടർന്ന് വിനോദ മേഖല ഉപേക്ഷിക്കുകയാണെന്ന് റാബി വ്യക്തമാക്കിയിരുന്നു. ഇപ്പോൾ താരത്തിന് പിന്തുണയുമായി കൂടുതൽ സിനിമ താരങ്ങൾ തങ്ങളുടെ നഗ്‌ന ചിത്രങ്ങൾ പുറത്തുവിട്ടിരിക്കുകയാണ്. പാക്- അഫ്ഗാൻ നടി മലിഷ ഹീനഖാനും ഇഷിക മോറയുമാണ് നഗ്‌ന ചിത്രങ്ങൾ ട്വിറ്ററിലൂടെ പങ്കുവെച്ചത്.

റാബി പിർസദയ്ക്ക് പിന്തുണ എന്ന കുറിപ്പോടെയാണ് ചിത്രങ്ങൾ ഷെയർ ചെയ്തിരിക്കുന്നത്. റാബിയ്ക്ക് പിന്തുണ നൽകാൻ വേണ്ടി മാത്രം തുടങ്ങിയ ട്വിറ്റർ അക്കൗണ്ടിലൂടെയാണ് മലിഷ നഗ്നചിത്രങ്ങൾ പങ്കുവെച്ചത്. ഇരുവരുടേയും ചിത്രങ്ങൾ സോഷ്യൽ മീഡിയയിൽ വൈറലാവുകയാണ്.

പാക്കിസ്ഥാൻ ആർമിയുടെ വക്താവായ മേജർ ജനറൽ അസിഫ് ഗഫൂറുമായി റാബി തർക്കിച്ചതിന് പിന്നാലെയാണ് അവരുടെ നഗ്‌നചിത്രങ്ങൾ പുറത്തുവന്നത്. ഇത് വലിയ രീതിയിൽ വൈറലായതോടെ അത് കാണുന്നവർ മറ്റുള്ളവർക്ക് ഫോർവേഡ് ചെയ്ത് കൊടുക്കരുതെന്ന അപേക്ഷയുമായി റാബി രംഗത്തെത്തിയിരുന്നു. ഇതിന് പിന്നാലെയാണ് താൻ ഇൻഡസ്ട്രി വിടുകയാണെന്ന് റാബി ട്വീറ്റ് ചെയ്തത്.