മലയാളത്തിന്റെ മെഗാസ്റ്റാർ മമ്മൂട്ടിയുടെ രണ്ട് തകർപ്പൻ ഹിറ്റുകളായിരുന്നു ദി ഗ്രേറ്റ്ഫാദർ, അബ്രഹാമിന്റെ സന്തതികൾ എന്നിവ. ഈ സ്‌റ്റൈലിഷ് ത്രില്ലറുകൾ മമ്മൂട്ടിക്ക് സമ്മാനിച്ചത് ഹനീഫ് അദേനി ആയിരുന്നു.
എന്നാൽ ഇപ്പോൾ ഹനീഫ് അദേനി എവിടെയാണ്, മിഖായേൽ എന്ന ചിത്രത്തിന് ശേഷം അദേനിയെക്കുറിച്ച് കൂടുതൽ വിവരങ്ങളൊന്നുമില്ല. ദേവ് ഫക്കീർ എന്ന സിനിമയ്ക്ക് അദ്ദേഹം തിരക്കഥയെഴുതുന്നതായി കേട്ടിരുന്നു. എന്നാൽ ആ പ്രൊജക്ടിനെക്കുറിച്ചും ഇപ്പോൾ റിപ്പോർട്ടുകളൊന്നും പുറത്തുവരുന്നില്ല.
മമ്മൂട്ടിയെ നായകനാക്കി ദി ഗ്രേറ്റ്ഫാദർ എന്ന ബംബർ ഹിറ്റ് സിനിമ സംവിധാനം ചെയ്തുകൊണ്ടാണ് ഹനീഫ് അദേനി മലയാള സിനിമയിലേക്ക് വന്നത്. മമ്മൂട്ടിയുടെ വ്യത്യസ്തമായ ഒരു സിനിമയായി ആ ചിത്രം വിലയിരുത്തപ്പെട്ടിരുന്നു.
ഗ്രേറ്റ്ഫാദറിലേതുപോലെ മമ്മൂട്ടിയെ സ്‌റ്റൈലിഷായി അധികം സിനിമകളിൽ നമുക്ക് കാണാനും കഴിയില്ല.
ഹനീഫ് അദേനി തിരക്കഥയെഴുതിയയാതിരുന്നു അബ്രഹാമിന്റെ സന്തതികൾ എന്ന മമ്മൂട്ടിച്ചിത്രം. മികച്ച വിജയം ആയിരുന്നു അബ്രഹാമിന്റെ സന്തതികൾ തിയ്യറ്ററിൽ നേടിയെടുത്തത്.
അതിന് ശേഷം നിവിൻ പോളിയെ നായകനാക്കി മിഖായേൽ എന്ന ത്രില്ലർ സംവിധാനം ചെയ്തു. മിഖായേൽ ഒരു ശരാശരി വിജയം മാത്രമായി ഒതുങ്ങിയിരുന്നു. പെപ്പെ ആന്റണി വർഗീസിനെ നായകനാക്കി ദേവ് ഫക്കീർ എന്നൊരു ചിത്രത്തിന് ഹനീഫ് അദേനി തിരക്കഥയെഴുതുന്നതായി ചില് റിപ്പോർട്ടുകൾ പുറത്തി വന്നിരുന്നു. പക്ഷേ പിന്നീട് അതേപ്പറ്റി മറ്റു വിവരങ്ങൽ ഒന്നും പുറത്തുവന്നില്ല.
അതേസമയം അമീർ എന്ന ഒരു സിനിമ മമ്മൂട്ടിക്കായി ഒരുക്കാൻ ഹനീഫ് അദേനി ഒരുങ്ങുന്നതായി റിപ്പോർട്ടുകൾ വന്നിരുന്നു. ദുബായ് കേന്ദ്രീകരിച്ചുള്ള ഒരു അധോലോക ത്രില്ലർ ആണ് ഈ സിനിമ എന്നായിരുന്നു വിവരം.
എന്നാൽ പിന്നീട് ഈ പ്രൊജക്ടിനെപ്പറ്റി അധികം വിവരങ്ങൾ പുറത്തുവന്നില്ല. എന്നാൽ മമ്മൂട്ടി ആരാധകർ ഇപ്പോഴൊരു കാത്തിരിപ്പിലാണ്. മമ്മൂട്ടിയെ നായകനാക്കി പുതിയ ഒരു സ്റ്റെലിഷ് ചിത്രവുമായി അദേനി എത്തുമെന്ന കാത്തിരുപ്പിൽ.
