മലയാളം മിനിസ്‌ക്രീൻ സിരീയൽ പ്രേക്ഷകർക്ക് ഏറെ പ്രിയങ്കരിയായ അഭിനേത്രിയാണ് നടി സ്വാതി നിത്യാനന്ദ്. ചെമ്പട്ട് എന്ന സീരിയലിലൂടെ തുടങ്ങിയ അഭിനയ ജീവിതം ഇപ്പോഴും വിജയകരമായി മുന്നേറുകയാണ്.
ഭ്രമണം എന്ന മഴവിൽ മനോരമയിൽ സംപ്രേഷണം ചെയ്തു വരുന്ന സീരിയലിൽ അഭിനയിച്ചതോടെയാണ് താരത്തിന്റെ കരിയർ തന്നെ മാറിമറിഞ്ഞത്. തുടക്കത്തിൽ നെഗറ്റീവായിരുന്നുവെങ്കിലും പിന്നീട് ഹരിതയുടെ സ്വഭാവം മാറുകയായിരുന്നു. ഇതോടെ കുടുംബ പ്രേക്ഷകർ താരത്തെ ഇരുകൈയ്യും നീട്ടി സ്വീകരിക്കുകയായിരുന്നു.
എല്ലാതരത്തിലുള്ള കഥാപാത്രങ്ങളെ ഏറ്റെടുക്കാനും താൻ തയ്യാറാണെന്നും സ്വാതി പറഞ്ഞിരുന്നു. സീരിയൽ അവസാനിച്ച് നാളുകൾ പിന്നിടുന്നതിനിടയിലായിരുന്നു ഇവരുടെ വിവാഹം നടന്നത്. വിവാഹത്തെക്കുറിച്ചും പ്രണയത്തെക്കുറിച്ചും വിമർശനങ്ങളെക്കുറിച്ചുമൊക്കെ തുറന്നുപറഞ്ഞ് സ്വാതി എത്തിയിരുന്നു.
ഭ്രമണം എന്ന സീരിയലിൽ അഭിനയിച്ച് വരുന്നതിനിടയിലായിരുന്നു പ്രതീഷും സ്വാതിയും പ്രണയത്തിലായത്. സെറ്റിൽ അധികമാരോടും സംസാരിക്കാത്ത പ്രതീഷും സ്വാതിയും വിവാഹിതരാവുകയായിരുന്നു പിന്നീട്.
അതേ സമയം തന്റെ ഇഷ്ടത്തെക്കുറിച്ച് വീട്ടിൽ പറഞ്ഞിരുന്നുവെങ്കിലും അനുകൂല പ്രതികരണമായിരുന്നില്ലെന്നും അതിനാലാണ് രഹസ്യമായി വിവാഹം നടത്തിയതെന്നും താരം നേരത്തെ പറഞ്ഞിരുന്നു. രഹസ്യ വിവാഹത്തിന്റെ ചിത്രങ്ങൾ സോഷ്യൽ മീഡിയയിലൂടെ വൈറലായി മാറിയിരുന്നു.
എന്നാൽ വിവാഹത്തിന് പിന്നാലെയായി താരത്തിനെതിരെ കടുത്ത വിമർശനങ്ങൾ ഉന്നയിച്ച് എത്തിയവർക്ക് കൃത്യമായ മററുപടിയായിരുന്നു താരം നൽകിയത്. വിവാഹ സമയത്തുണ്ടായിരുന്ന പ്രശ്‌നങ്ങളെല്ലാം മാറിയെന്നും സന്തോഷത്തോടെയാണ് ഇപ്പോൾ കഴിയുന്നതെന്നും താരം പറഞ്ഞിരുന്നു. വിവാഹ ശേഷവും അഭിനയവും പഠനവും തുടരുമെന്നും സ്വാതി പറഞ്ഞിരുന്നു.
സോഷ്യൽ മീഡിയയിൽ സജീവമായ സ്വാതിയുടെ വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഇപ്പോഴിതാ തന്റെ പുതിയ വിശേഷം പങ്കുവെച്ച് എത്തിയിരിക്കുകയാണ് താരം. മറ്റൊന്നുമല്ല താൻ അഭിനയിക്കുന്ന പുതിയ പരമ്പരയെ കുറിച്ചാണ് സ്വാതി വെളിപ്പെടുത്തിയിരിക്കുന്നത്.
പുതിയ സീരിയൽ നാമം ജപിക്കുന്ന വീടുമായാണ് താൻ ഇനി എത്തുന്നതെന്നും എല്ലാവരും പിന്തുണയ്ക്കണമെന്നും പറഞ്ഞെത്തിയിരിക്കുകയാണ് സ്വാതി ഇപ്പോൾ. ഇതാണ് പുതിയ പരമ്പര, ഒരുപാട് സന്തോഷത്തോടെ ടൈറ്റിൽ വീഡിയോ പങ്കുവെക്കുന്നു. എല്ലാവരുടേയും പിന്തുണയും പ്രാർത്ഥനയും ആവശ്യമാണെന്നുമായിരുന്നു സ്വാതി കുറിച്ചത്. നിരവധി പേരാണ് സ്വാതിക്ക് ആശംസ അറിയിച്ചെത്തിയിട്ടുള്ളത്.
അതേ സമയം ക്ഷേത്രസന്ദർശനം പ്രതീഷിനൊപ്പം ക്ഷേത്ര സന്ദർശനം നടത്തിയതിന്റെ ചിത്രങ്ങളുമായും സ്വാതി എത്തിയിരുന്നു. പോസിറ്റീവ് എനർജി കിട്ടിയെന്ന് പറഞ്ഞായിരുന്നു താരം ചിത്രം പോസ്റ്റ് ചെയ്തത്. പറ്റുന്ന ദിവസങ്ങളിലെല്ലാം അമ്പലത്തിലേക്ക് പോവാറുണ്ട്. കെട്ടിയോൻ എന്ന ക്യാപ്ഷനൊപ്പമായും താരം ചിത്രം പോസ്റ്റ് ചെയ്തിരുന്നു.
ഫോട്ടോയിൽ പ്രതീഷ് ചിരിക്കാത്തതിനെക്കുറിച്ച് ചോദിച്ചായിരുന്നു ചിലരെത്തിയത്. ക്യാമറയ്ക്ക് മുന്നിൽ അഭിനയിക്കുന്നതിനാൽ തനിക്ക് പോസ് ചെയ്യാനറിയാമെന്നും അദ്ദേഹത്തിന് അതത്ര വശമില്ലെന്നുമായിരുന്നു സ്വാതി പറഞ്ഞത്.
ചാനൽ പരിപാടിയിലും അഭിനയം മാത്രമല്ല നൃത്തത്തിലും താൽപര്യമുണ്ട് തനിക്കെന്ന് സ്വാതി പറഞ്ഞിരുന്നു. ചാനൽ പരിപാടികളിലും സ്വാതി അതിഥിയായെത്താറുണ്ട്. കോമഡി സ്റ്റാർസ്, സ്റ്റാർ മാജിക്ക് തുടങ്ങിയ പരിപാടികളിലേക്ക് അതിഥിയായി സ്വാതി എത്തിയിരുന്നു.
