വളരെ കുറച്ചു ചിത്രങ്ങളിൽ മാത്രമേ അഭിനയിച്ചുള്ളുവെങ്കിലും വളരെ പെട്ടെന്ന് തന്നെ മലയാളി സിനിമാ പ്രേക്ഷകരുടെ മനസ്സിൽ ഇടംനേടിയ താരമാണ് മെറീന മൈക്കിൾ കുരിശിങ്കൽ. കോഴിക്കോട് തിരുവണ്ണൂർ സ്വദേശിയാ മെറീന മൈക്കിൾ ന്യൂ ജെനറേഷൻ സിനിമകളിലെല്ലാം സ്ഥിര സാന്നിദ്ധ്യമായ നടി കൂടിയാണ്.
സോഷ്യൽ മീഡിയകളിലും ഏറെ സജീവമായ നടി ഇപ്പോൾ താൻ തമാശയായിട്ട ഒരു പോസ്റ്റിന് വളരെ ഗൗരവകരമായ പ്രതികരണങ്ങൾ കണ്ട് ഞെട്ടിയ കഥയാണ് പറയുന്നത്. അടുത്തിടെയാണ് മെറീന പങ്കുവെച്ച പോസ്റ്റ് സോഷ്യൽ മീഡിയയിൽ വൈറലായി മാറിയത്. മെറീന മൈക്കിൾ അഭിനയിച്ച് ചിത്രമാണ് പിടികിട്ടാപ്പുള്ളി.
ചിത്രത്തിന്റെ ഫ്സ്റ്റ്ലുക്ക് പോസ്റ്ററിൽ മെറീനയുടെ ചിത്രം ഉണ്ടായിരുന്നില്ല. ഇതോടെ ഫോട്ടോഷോപ്പിലൂടെ പോസ്റ്ററിൽ തന്റെ മുഖം എഡിറ്റ് ചെയ്ത് കയറ്റുകയായിരുന്നു മറീന. ഈ പോസ്റ്റ് സോഷ്യൽ മീഡിയയിൽ വൈറലായി മാറുകയായിരുന്നു. വൈറലായി മാറിയത് പക്ഷെ മറ്റൊരു തരത്തിലായിരുന്നു.
തന്റെ മുഖം മനപ്പൂർവ്വം ഒഴിവാക്കിയതിനെതിരെ മറീന നടത്തിയ പ്രതികരണം എന്ന നിലയിലായിരുന്നു പലരും ഇതിനെ വ്യാഖ്യാനിച്ചത്. ഇതിന്റെ ചുവടുപിടിച്ച് ചില ഓൺലൈൻ മാധ്യമങ്ങളും വാർത്ത നൽകി. പിന്നെ പറയണോ പൂരം. പിന്തുണയും ആശ്വാസ വാക്കുകളുമൊക്കെയായി നിരവധി പേരാണ് എത്തിയത്.
സത്യത്തിൽ അതൊരു സെൽഫ് ട്രോൾ ആയിരുന്നു, ചിത്രത്തിലെ തന്റെ കഥാപാത്രം പോസ്റ്ററിൽ മുഖം വരുന്ന അത്ര പ്രാധാന്യമുള്ളതല്ല. താൻ ചിത്രത്തിൽ അഭിനയിക്കുന്നുണ്ടെന്ന് സുഹൃത്തുക്കളോടും മറ്റും പറഞ്ഞിരുന്നു. അത് ബോധ്യപ്പെടുത്തുക എന്നൊരു ലക്ഷ്യത്തോടെയുമായിരുന്നു താൻ ട്രോൾ പോലെ പോസ്റ്റർ എഡിറ്റ് ചെയ്ത് പോസ്റ്റ് ചെയ്തത്.
എന്നാൽ തനിക്ക് ലഭിച്ച പ്രതികരണങ്ങൾ തന്നെ അത്ഭുതപ്പെടുത്തി. സത്യത്തിൽ തന്നെ പിന്തുണയ്ക്കുന്നവർ ഇത്രയും ഉണ്ടെന്ന് മനസിലായത് അപ്പോഴാണ്. യാതൊരു ഫാൻ ഫോളോയിംഗ്സും ഇല്ലാത്ത തനിക്ക് കിട്ടുന്ന പിന്തുണ ശരിക്കും തന്നെ അത്ഭുതപ്പെടുത്തി.
അതേസമയം ചിത്രത്തിന്റെ അണിയറ പ്രവർത്തകരുമായി നല്ല സൗഹൃദമാണ്. അങ്ങനെ ഒരു പോസ്റ്റ് ഇട്ടപ്പോൾ കൊള്ളാം എന്ന് പറഞ്ഞ് ചിരിച്ചു കൊണ്ട് തള്ളിക്കളയുകയായിരുന്നു അവരെന്നും മെറീന പറയുന്നു.
നവാഗതനായ ജിഷ്ണു ശ്രീകണ്ഠൻ സംവിധാനം ചെയ്യുന്ന ചിത്രമാണ് പിടികിട്ടാപ്പുള്ളി. സണ്ണി വെയ്നും അഹാന കൃഷ്ണയുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രം നിർമ്മിക്കുന്നത് ഗോകുലം മൂവീസിന്റെ ബാനറിൽ ഗോകുലം ഗോപാലനാണ്.
ലാലു അലക്സ്, സൈജു കുറുപ്പ്, അനൂപ് രമേശ്, മേജർ രവി തുടങ്ങിയ പ്രമുഖ താരങ്ങളും ചിത്രത്തിൽ അഭിനയിക്കുന്നുണ്ട്. സുമേഷ് വി. റോബിൻ തിരക്കഥാകൃത്ത്. അജോയ് സാമുവൽ ഛായാഗ്രാഹണം. പി.എസ്. ജയഹരിയാണ് സംഗീതം നിർവ്വഹിക്കുന്നത്.
