അഭിനേതാവ്, ഗായകൻ, സംവിധായകൻ എന്നീ രംഗങ്ങളിൽ തിളങ്ങി നിൽക്കുന്ന താരമാണ് മലയാളികൾക്ക് ഏറെ സുപരിചിതനായ വിനീത് ശ്രീനിവാസൻ. വിനീതിന്റെതായി പുറത്തിറങ്ങിയ ചിത്രങ്ങൾ എല്ലാം തന്നെ തിയേറ്ററുകളിൽ വൻ വിജയം നേടിയിരുന്നു.
അതേസമയം വിനീത് ശ്രീനിവാസൻ സംവിധാനം നിർവഹിക്കുന്ന അടുത്ത സിനിമയിൽ പ്രണവ് മോഹൻലാൽ ആണ് നായകവേഷം കൈകാര്യം ചെയ്യുന്നത്. കല്യാണി പ്രിയദർശൻ ആണ് ചിത്രത്തിൽ നായിക ആയി എത്തുന്നത്.
ചിത്രത്തിന് പേര് നൽകിയിരിക്കുന്നത് ഹൃദയം എന്നാണ്. ചിത്രത്തിലെ മറ്റൊരു പ്രധാനപ്പെട്ട കഥാപാത്രമായി എത്തിയിരിക്കുന്നത് ദർശന രാജേന്ദ്രൻ ആണ്. നടൻ മോഹൻലാലിനെ മുൻപ് പരിചയപ്പെട്ട സംഭവം ഓർത്തെടുക്കുകയാണ് ഇപ്പോൾ വിനീത് ശ്രീനിവാസൻ.
പ്രിയദർശൻ സംവിധാനം ചെയ്ത കാലാപാനി എന്ന ചിത്രത്തിലെ ലൊക്കേഷനിൽ വച്ച് ലാൽ അങ്കിളിന്റെ പിറന്നാൾ ആഘോഷം നടക്കുകയായിരുന്നു. ഞാനും അവിടെയുണ്ടായിരുന്നു .എനിക്ക് അവിടെവച്ച് ലാലേട്ടനെ കണ്ട് ഒന്ന് സംസാരിക്കണം എന്ന് തോന്നി.
എന്നാൽ എന്റെ ആഗ്രഹം ഞാൻ ആരോടും പറഞ്ഞില്ല അച്ഛനോട് പോലും പറഞ്ഞില്ല. ആ ആഗ്രഹം ഉള്ളിൽ തന്നെ കിടന്നു. എന്നാൽ ഭക്ഷണം കഴിച്ചു കഴിഞ്ഞു കൈ കഴുകി കൊണ്ടിരുന്ന ലാലങ്കിൾ നീയെന്താടാ എന്നെ കണ്ടിട്ട് ഒരു ഹലോ പോലും പറയാതെ ഇരിക്കുന്നത് എന്ന് ചോദിച്ചു.
സത്യത്തിൽ അതൊരു വലിയൊരു ഞെട്ടൽ ഉണ്ടാക്കി, വിനീത് ശ്രീനിവാസൻ പറയുന്നു. മോഹൻലാൽ നായക വേഷത്തിൽ എത്തിയ ചിത്രം കിളിച്ചുണ്ടൻ മാമ്പഴത്തിലെ ഒന്നാം കിളി എന്ന ഗാനം ആലപിച്ചു കൊണ്ടാണ് ആണ് വിനീത് ശ്രീനിവാസൻ സിനിമാ ലോകത്തേക്ക് തുടക്കം കുറിക്കുന്നത്.
