മലയാളത്തിന്റെ ജനപ്രിയ നായകൻ ദിലീപ് നായകനായ മീശമാധവൻ എല്ല ലാൽ ജോസ് സിനിമയിലെ ചിങ്ങമാസം വന്നു ചേർന്നാൽ എന്ന ഗാനം പാടി മലയാളികളുടെ പ്രിയങ്കരിയായി മാറിയ ഗായികയാണ് റിമി ടോമി. അതിന് മുമ്പേ ഈ പാലാക്കാരി മിനിസ്‌ക്രീനിലുടെ പ്രേക്ഷകർക്ക് സുപരിചിതയായി മാറിയിരുന്നു.
അവതാരകയായും ഗായികയായും നായികയായും ഒക്കെ ഇപ്പോൾ മിനി സ്‌ക്രീനിലും ബിഗ് സ്‌ക്രീനിലും നിറഞ്ഞു നിൽക്കുകയാണ് താരം. രസകരമായ സംസാരം കൊണ്ടും നിഷ്‌കളങ്കമായ പെരുമാറ്റം കൊണ്ടും മലയാളി പ്രേക്ഷകരെ താരം കൈയ്യിലെടുത്തിരുന്നു. അതു കൊണ്ടു തന്നെ റിമിയുടെ വിശേഷങ്ങൾ അറിയാൻ മലയാളി പ്രേക്ഷകർക്ക് എന്നും വലിയ താല്പര്യമാണ്.
Also Read
15 സർപ്രൈസുകൾ നൽകി കുക്കുവിനെ ഞെട്ടിച്ച് ഭാര്യ ദീപ, വിവാഹ വാർഷികം പൊളിയാക്കി താരദമ്പതികൾ
സോഷ്യൽ മീഡിയയിൽ സജീവ സാന്നിധ്യമായ റിമി ടോമി തന്റെ എല്ലാ വിശേഷങ്ങളും ആരാധകരുമായി പങ്കു വെക്കാറുണ്ട്. ഈയിടെ ഒരു യൂട്യൂബ് ചാനലും താരം തുടങ്ങിയിരുന്നു. റിമി അടുത്തിടെ യൂട്യൂബിൽ ഒരു ചാനൽ ആരംഭിച്ചിരുന്നു. ലക്ഷകണക്കിന് പേരാണ് ചാനൽ തുടങ്ങി ദിവസങ്ങൾക്കകം ചാനൽ സബ്‌സ്‌ക്രൈബ് ചെയ്തത്. തന്റെ യാത്രകളുടെ വിഡിയോകളും പാചക പരീക്ഷണങ്ങളും പാട്ടുകളും ഒക്കെ റിമി ടോമി തന്റെ യൂട്യൂബ് ചാനലിലൂടെ ആരാധകരുമായി ഷെയർ ചെയ്യാറുണ്ട്.
തന്റെ കരിയർ പോലെ തന്നെ കുടുംബ ബന്ധങ്ങൾക്കും ഏറെ പ്രാധാന്യം നൽകാറുണ്ട് റിമി ടോമി. എത്രയൊക്കെ തിരക്കുകൾ ഉണ്ടെങ്കിലും റിമി കുടുംബത്തിന് വേണ്ടി സമയം കണ്ടെത്തി അവരോടൊപ്പം ആഘോഷിക്കാറുണ്ട്.
കുടുംബത്തിലെ വിശേഷങ്ങൾ ഒക്കെയും റിമി തന്റെ ആരാധകരുമായി പങ്കു വെക്കാറുമുണ്ട്. റിമിയുടെ സഹോദരൻ റിങ്കുവിന്റെയും സഹോദരി റീനുവിന്റേയും മക്കൾ റിമിക്കു വളരെ പ്രിയപ്പെട്ടവർ ആണ്. അവർക്കൊപ്പം അടിച്ചു പൊളിക്കുന്ന ചിത്രങ്ങൾ റിമി എപ്പോഴും പങ്കു വെക്കാറുണ്ട്.
കുട്ടി പട്ടാളങ്ങൾ എന്നാണ് റിമി അവരെ ഇഷ്ടത്തോടെ വിളിക്കുന്നത്. അതേസമയം റിമി ടോമിയുടെ ദാമ്പത്യ ജീവിതം ഒരു പരാജയം ആയിരുന്നു. 2008 ൽ ആയിരുന്നു റിമി ടോമിയും റോയ്സും തമ്മിലുള്ള വിവാഹം നടന്നത്. മലയാളികൾ ആഘോഷമാക്കിയ ഒരു താരവിവാഹം ആയിരുന്നു റിമി ടോമിയുടേത്.
വിവാഹ ശേഷവും റിമി ടോമി അഭിനയ രംഗത്ത് സജീവമായിരുന്നു. ഇതിൽ റോയ്സ് തനിക്ക് പൂർണ്ണ പിന്തുണ നൽകുന്ന വ്യക്തിയാണെന്നും റിമി ടോമി ഒരിക്കൽ പറഞ്ഞിട്ടുണ്ടായിരുന്നു. എന്നാൽ നീണ്ട പതിനൊന്ന് വർഷങ്ങൾക്ക് ശേഷം 2019ൽ റിമിയും റോയ്സും പരസ്പര സമ്മതത്തോടെ വേർപിരിയുക ആയിരുന്നു.
അടുത്തിടെ തന്റെ വിവാഹ ബന്ധം വേർപിരിഞ്ഞതിനെ കുറിച്ച് ഒരു മാധ്യമത്തോട് റിമി ടോമി തുറന്ന് പറഞ്ഞിരിന്നു. റിമിയുമായി ബന്ധം വേർപെടുത്തിയ റോയ്സ് പിന്നീട് മറ്റൊരു വിവാഹം കഴിച്ചിരുന്നു. അതിനെ കുറിച്ച് റിമിയുടെ വാക്കുകൾ ഇങ്ങനെ:
ഞങ്ങൾ പരസ്പര സമ്മത പ്രകാരം ആണ് വിവാഹ ബന്ധം വേർപെടുത്തിയത്. അദ്ദേഹം മറ്റൊരു വിവാഹം ചെയ്തതിൽ ഞാൻ ഏറെ സന്തോഷവതി ആണ്. അദ്ദേഹം അങ്ങനെ ചെയ്തില്ലായിരുന്നു എങ്കിൽ അതിൽ ഏറെ ദുഖിക്കുന്നത് താൻ ആയിരുന്നേനെ എന്നായിരുന്നു റിമി പറഞ്ഞത്.
Also Read
കിടിലൻ ഹോട്ട് ലുക്കിൽ നടി അഞ്ജു കുര്യൻ, വൈറലായി മരുഭൂമിയിലെ ഫോട്ടോഷൂട്ട് ചിത്രങ്ങൾ
അതേ സമയം താൻ രണ്ടാം വിവാഹം കഴിക്കുന്നതിനെകുറിച്ചും റിമി ടോമി മനസ്സ് തുറന്നു. താൻ ഇപ്പോൾ ഒരു വിവാഹത്തെ കുറിച്ച് ചിന്തിക്കുന്നില്ല എന്നും തനിക്കു അതിനോട് താല്പര്യം ഇല്ല എന്നും ആയിരുന്നു റിമി പറഞ്ഞത്.
