ഒമർ ലുലു സംവിധാനം ചെയ്ത സൂപ്പർഹിറ്റായ ഒരു അഡാർ ലവ് എന്ന ചിത്രത്തിലൂടെ പ്രശസ്തി നേടിയ താരമാണ് പ്രിയ പ്രകാശ് വാര്യർ. ആദ്യ ചിത്രത്തിന് ശേഷം മലയാളം വിട്ടതാരം അന്യ ഭാഷ ചിത്രങ്ങളിലാണ് താരം കൂടുതലായും അഭിനയിക്കുന്നത്. ഇപ്പോൾ തന്റെ സുഹൃത്തുക്കൾക്കൊപ്പം റഷ്യയിൽ അവധി ആഘോഷത്തിലാണ് പ്രിയ വാര്യർ.
ഇതിന്റെ ചിത്രങ്ങൾ എല്ലാം സോഷ്യൽ മീഡിയയിലൂടെ താരം പങ്കുവെയ്ക്കാറുമുണ്ട്. അത്തരത്തിൽ പങ്കുവെച്ച ഒരു വീഡിയോയാണ് അടുത്തിടയിലായി സമൂഹമാധ്യമങ്ങളിലൂടെ തെറ്റായ രീതിയിൽ പ്രചരിക്കുന്നത്. പ്രിയ വാര്യർ പ്രണയം വെളിപ്പെടുത്തുന്നു എന്ന തലക്കെട്ടോടെയാണ് താരത്തിന്റെ പേരിൽ വാർത്ത പ്രചരിക്കുന്നത്.
സംഭവം ശ്രദ്ധയിൽപ്പെട്ടതോടെ പ്രിയ തന്നെ ഇപ്പോൾ വിശദീകരണവുമായി രംഗത്തെത്തിയിരിക്കുകയാണ്. തന്റെ അറിവോടെ എഴുതി ചേർത്ത അടിക്കുറിപ്പല്ല ആ വീഡിയോയിൽ ഉള്ളതെന്നും കൂട്ടുകാരുമൊത്തുള്ള തീർത്തും സ്വകാര്യമായ നിമിഷങ്ങളാണ് തെറ്റായ രീതിയിൽ പ്രചരിക്കുന്നതെന്നും പ്രിയ പറയുന്നു.
ഈ വർഷം ഏപ്രിൽ മാസത്തിൽ അപ്ലോഡ് ചെയ്ത പ്രിയയുടെ കൂട്ടുകാരുടെ വ്‌ലോഗ് ആണ് തെറ്റായ രീതിയിൽ പ്രചരിക്കുന്നത്. വാട്‌സാപ്പ്, യൂട്യൂബ്, റീൽസ് തുടങ്ങിയ പ്ലാറ്റ്ഫോമുകളിൽ ഈ വീഡിയോയിൽ നിന്നുളള ചില ക്ലിപ്പുകൾ അടർത്തിയും പ്രചരിക്കുന്നുണ്ട്.
കൂട്ടുകാരുമൊത്ത് എന്ത് ചെയ്യുന്നു, തന്റെ ജീവിതം എങ്ങനെ ജീവിക്കുന്നു തുടങ്ങിയവയെല്ലാം വ്യക്തിപരമായ തീരുമാനങ്ങളാണ്. അതിന്മേലുള്ള അഭിപ്രായങ്ങൾ നിങ്ങൾ നിങ്ങളിൽ തന്നെ ഒതുക്കുക എന്നായിരുന്നു താരം പ്രതികരിച്ചത്.
പ്രിയ പ്രകാശിന്റെ വാക്കുകൾ ഇങ്ങനെ:
വ്‌ളോഗിൽ നിന്നുള്ള ചില ക്ലിപ്പുകൾ മാത്രം മുറിച്ചുമാറ്റി സമൂഹമാധ്യമങ്ങളിൽ പല രീതിയിൽ പ്രചരിക്കുന്നത് കാണുവാനിടയായി. ഞങ്ങളുടെ ആരുടെയും അനുവാദമില്ലാതെയാണ് ഇവർ ഇത് ചെയ്തിരിക്കുന്നത്. എന്നെക്കുറിച്ചുളള നിങ്ങളുടെ കരുതൽ കാണുമ്പോൾ സന്തോഷം.
Also Read
പുതിയ റെക്കോർഡ് സ്വന്തമാക്കി സൂര്യയും മണിക്കുട്ടനും, എന്തിലാണെന്ന് അറിഞ്ഞാൽ നിങ്ങളും കൈയ്യടിക്കും
എന്നാൽ ഇതിന്മേലുളള ചർച്ച തീർത്തും അനാവശ്യമാണ്.വവളരെ മോശമായ തരത്തിലുള്ള അടിക്കുറിപ്പുകളും തലക്കെട്ടുകളും ചേർത്താണ് വിഡിയോ ക്ലിപ്പുകൾ പ്രചരിക്കുന്നത്. ഇനിയെങ്കിലും ഇതിന്റെ സത്യാവസ്ഥ മനസിലാക്കി വാർത്തകൾ നൽകൂ എന്ന് പ്രിയ വാര്യർ വ്യക്തമാക്കി.
