മലയാളി പ്രേക്ഷകരുടെ പ്രിയപ്പെട്ട റേഡിയോ ജോക്കിയായും അവതാരകയായും അഭിനേത്രിയായും എഴുത്തുകാരിയും ഒക്കെയാണ് അശ്വതി ശ്രീകാന്ത്. അവതാരകയായി മിനിസ്‌ക്രീനിൽ എത്തിയ അശ്വതി ഫ്ളവേഴ്സ് ചാനലിലെ കോമഡി സൂപ്പർനൈറ്റ് എന്ന പരിപാടിയിലൂടെയാണ് ശ്രദ്ധിക്കപ്പെടുന്നത്.
പിന്നീട് അഭിനയത്തിലും തിളങ്ങിയ അശ്വതി അവതാരകയായി കൈയ്യടി നേടിയതിന് പിന്നാലെയാണ് ചക്കപ്പഴം പരമ്പരയിലെ ആശയായി അശ്വതി അഭിനയത്തിലേക്ക് എത്തുന്നത്. പരമ്പരയിൽ ആശ എന്ന കഥാപാത്രത്തെയാണ് നടി അവതരിപ്പിക്കുന്നത്.
ഒരിടവേളയ്ക്ക് ശേഷമാണ് ചക്കപ്പഴം പരമ്പര വീണ്ടും ചാനലിൽ സംപ്രേക്ഷണം ആരംഭിച്ചത്. അശ്വതി ശ്രീകാന്തിന് പുറമെ ശ്രീകുമാർ, റാഫി, സബീറ്റ ജോർജ്ജ്, ശ്രുതി രജനീകാന്ത് ഉൾപ്പെടെയുളള താരങ്ങളാണ് ചക്കപ്പഴത്തിൽ മറ്റ് പ്രധാന വേഷങ്ങളിലെത്തുന്നത്.
സോഷ്യൽ മീഡിയയിലും നിറ സാന്നിധ്യമാണ് അശ്വതി. പുതിയ ചിത്രങ്ങളും വിശേഷങ്ങളും ഒക്കെ പങ്കുവെച്ച് നടി സോഷ്യൽ മീഡിയകളിൽ പ്രത്യക്ഷപ്പെടാറുണ്ട്. സാമൂഹിക വിഷയങ്ങളിലുള്ള അശ്വതിയുടെ പോസ്റ്റുകൾ പലപ്പോഴും ചർച്ചയാകാറുണ്ട്.
അതേ സമയം രണ്ടാമതും അമ്മയാവുന്നതിനുള്ള ഒരുക്കത്തിലാണ് താരം. ഇപ്പോഴിതാ അശ്വതിയുടെ ബേബി ഷവർ ചക്കപ്പഴം ടീം ആഘോഷമാക്കിയെന്ന തരത്തിലുളള റിപ്പോർട്ടുകളാണ് ഇപ്പോൾ പുറത്തുവരുന്നത്. പരമ്പരയിൽ അഭിനയിക്കുന്ന സബീറ്റയാണ് ബേബി ഷവറിന്റെ ചിത്രങ്ങൾ പോസ്റ്റ് ചെയ്തിരിക്കുന്നത്.
Also Read:
ഈ വർഷം തന്നെ മൃദുല വിജയ് ഗർഭിണി ആകുമെന്ന് പ്രവചനം, തലയിൽ കൈവച്ച് യുവ കൃഷ്ണ, ഏറ്റെ ടുത്ത് ആരാധകർ
ഞങ്ങളുടെ കുടുംബത്തിലെ സ്ത്രീകൾ ഞങ്ങളുടെ അഭിമാനവും സന്തോഷവുമാണ്. ഞങ്ങളുടെ മൂല്യത്തിന് ഒരു വില നൽകാൻ ആർക്കും ആവശ്യപ്പെടാനാവില്ല എന്ന് കുറിച്ചാണ് സബീറ്റ ചിത്രങ്ങൾ പോസ്റ്റ് ചെയ്തത്. ഇതിനോടകം തന്നെ ഈ ചിത്രങ്ങൾ ആരാധകർ ഏറ്റെടുത്തിരിക്കുകയാണ്.
