മലയാളികൾക്ക് ഏറെ പ്രീയപ്പെട്ട സൂപ്പർ നടിമാരാണ് ലേഡി സൂപ്പർസ്റ്റാർ എന്നറിയപ്പെടുന്ന മഞ്ജു വാര്യരും ആക്ഷൻ ഹീറോയിൻ എന്നറിയപ്പെട്ടിരുന്ന വാണി വിശ്വനാഥും. മഞ്ജു വാര്യർ ഇന്നും സിനിമയിൽ തിളങ്ങി നിൽക്കുക ആണെങ്കിൽ നടൻ ബാബുരാജിനെ വിവാഹം കഴിച്ച് വാണി വിശ്വനാഥ് അഭിനയം നിർത്തി വീട്ടമ്മയായി കഴിയുകയാണ്.
അതേ സമയം മഞ്ജു വാര്യർ ആദ്യമായി ഭാര്യ വേഷത്തിലെത്തിയ സിനിമയായിരുന്നു സിബി മലയിൽ സമിധാനം ചെയ്ത കളിവീട്. 1996 ൽ പുറത്തിറങ്ങിയ ചിത്രത്തിന്റെ രചന നിർവഹിച്ചത് ശശിധരൻ ആറാട്ട് വഴിയായിരുന്നു. മഞ്ജു വാര്യരും വാണി വിശ്വനാഥും ഈ സിനിമയിൽ അഭിനയിച്ചിരുന്നു.
മൃദുല എന്ന വീട്ടമ്മയുടെ റോളിൽ മഞ്ജു വാര്യർ നിറഞ്ഞു നിന്ന ചിത്രമായിരുന്നു കളിവീട്. ആ അഭിനയ പ്രതിഭയുടെ ആക്ടിംഗ് സ്‌കിൽ പുറത്തു കൊണ്ട് വന്ന ചിത്രം കൂടിയായിരുന്നു കളിവീട്. മലയാളത്തിന്റെ കുടുംബ നായകൻ ജയറാം പ്രധാന വേഷത്തിൽ എത്തിയ ചിത്രം ആ വർഷത്തെ ക്രിസ്മസ് റിലീസായാണ് തിയേറ്ററുകളിൽ എത്തിയത്.
അത് വരെ കണ്ട മഞ്ജുവാര്യർ കഥാപാത്രങ്ങളിൽ നിന്ന് വിഭിന്നമായിരുന്നു കളിവീടിലെ മൃദുല. ആ സിനിമയിൽ അഭിനയിക്കുമ്പോൾ പതിനെട്ട് വയസ്സ് മാത്രമായിരുന്നു മഞ്ജുവിന്റെ പ്രായം. എന്നാൽ സിനിമയിലെ നായിക വേഷം താൻ ചോദിച്ചു വാങ്ങിയതാണ് എന്നായിരുന്നു മഞ്ജുവാര്യർ ഒരു ടോക് ഷോയിൽ സംസാരിക്കവേ വ്യക്തമാക്കിയത്.
ചിത്രത്തിൽ യാമിനി മേനോൻ എന്ന വാണി വിശ്വനാഥ് ചെയ്ത കഥാപാത്രമായിരുന്നു ആദ്യം മഞ്ജു ചെയ്യാനിരുന്നത്. എന്നാൽ മൃദുല എന്ന കഥാപാത്രത്തിന്റെ സ്വഭാവ രീതികൾ കേട്ട് ഇഷ്ടമായ മഞ്ജു വാര്യർ കളിവീടിലെ നായിക വേഷം സംവിധായകനോട് ചോദിച്ചു വാങ്ങുകയായിരുന്നു.
സുനിത, ജഗദീഷ്, ഇന്നസെന്റ് കൽപ്പന, കൊച്ചിൻ ഹനീഫ തുടങ്ങിയവരായിരുന്നു ചിത്രത്തിലെ മറ്റു താരങ്ങൾ. ചിത്രം ബോക്‌സോഫീസിൽ വൻ വിജയം ആയിരുന്നു നേടിയെടുത്തത്.
