മിനിസ്‌ക്രീനിലൂടെ എത്തി മലയാളികളുടെ പ്രിയപ്പെട്ട നടിയായാ മാറിയ താരമാണ് നടി മിയാ ജോർജ്. അൽഫോൺസാമ്മ എന്ന പരമ്പരയിലൂടെയാണ് താരം അഭിനയ രംഗത്ത് എത്തുന്നത്. സീരിയലിലൂടെ എത്തി പിന്നീട് സിനിമയിലേക്ക് ചേക്കേറുകയായിരുന്നു താരം.
നിരവധി ചിത്രങ്ങളിൽ മിയ അഭിനയിച്ചു. പിന്നീട് സിനിമയിൽ എത്തിയതോടെ പ്രമുഖ താരങ്ങളുടെയൊക്കെ നായികയായി. നടിയായും, സഹനടിയായുമൊക്കെ തിളങ്ങി നിൽക്കുകയാണ് മിയ ഇപ്പോൾ. സോഷ്യൽ മീഡിയകളിലും സജീവമാണ് താരം.
ലോക്ക് ഡൗൺ സമയത്താണ് ബിസിനസുകാരനായ അശ്വിൻ ഫിലിപ്പും മിയയുമായുള്ള വിവാഹം നടന്നത്. ഇവരുടെ വിവാഹത്തിന്റെ വിശേഷങ്ങളും ചിത്രങ്ങളും വീഡിയോകളുമൊക്കെ സോഷ്യൽ മീഡിയകളിൽ വൈറലായിരുന്നു. മാട്രിമോണി വഴിയുള്ള വിവാഹാലോചനയായിരുന്നു.
വിവാഹ ശേഷവും അഭിനയം തുടരുമെന്നാണ് വിവാഹ ദിനത്തിൽ മാധ്യമപ്രവർത്തകരുടെ ചോദ്യങ്ങൾക്ക് മിയ നൽകിയ മറുപടി. മിയ സോഷ്യൽ മീഡിയകളിൽ ഏറെ സജീവമാണ്. താരം സോഷ്യൽ മീഡിയകളിലൂടെ പങ്കുവെയ്ക്കുന്ന ചിത്രങ്ങളും മറ്റ് വിശേഷങ്ങളും ആരാധകർ ഏറ്റെടുക്കാറുണ്ട്.
അടുത്തിടെ സ്റ്റാർ മാജിക്കിലേക്കും മിയ എത്തിയിരുന്നു. മിയ അതിഥിയായെത്തിയതിന് പിന്നാലെയായാണ് അശ്വിനും സ്റ്റാർ മാജിക് വേദിയിലേക്കെത്തിയത്. അശ്വിനെ അപ്രതീക്ഷിതമായി വേദിയിൽ കണ്ടപ്പോൾ മിയ ഞെട്ടിയിരുന്നു.
ലോക് ഡൗൺ സമയത്തെ വിവാഹമായതിനാൽ ഹണിമൂൺ ട്രിപ്പൊന്നും പോയിട്ടില്ല. വീട് മാറിയെന്നുള്ളതാണ് പ്രധാന മാറ്റം. വിവാഹ ശേഷമുള്ള കാര്യത്തെക്കുറിച്ച് ചോദിച്ചപ്പോഴായിരുന്നു ഈ മറുപടി.
പൊതുവെ അധികം ചിട്ടകളൊന്നും ഫോളോ ചെയ്യുന്നയാളല്ല. ഇപ്പോൾ ചെറുതായി മാറിയിട്ടുണ്ട്. അശ്വിൻ ചായയും കാപ്പിയും കുടിക്കുന്ന ശീലമില്ല. കുക്കിങ്ങൊന്നും ചെയ്ത് തുടങ്ങിയിട്ടില്ലെന്നും താരം വ്യക്തമാക്കിയിരുന്നു.
