ഇന്ന് തെന്നിന്ത്യൻ സിനിമാ ലോകത്ത് ഏറ്റവും കൂടുതൽ താരമൂല്യമുള്ള നായിക നടിയാണ് മലയാളി കൂടിയായ തെന്നിന്ത്യൻ ലേഡി സൂപ്പർസ്റ്റാർ നയൻതാര. സിനിമയിലെത്തി 20 ഓളം വർഷങ്ങൾ പിന്നിട്ട് കഴിഞ്ഞ നടി 2013 മുതൽ ഇങ്ങോട്ട് ലേഡി സൂപ്പർസ്റ്റാർ ആയി തമിഴ് ചിത്രങ്ങളിൽ നിറഞ്ഞ് നിൽക്കുകയാണ്.
ജയറാം നായകനായ മനസ്സിനക്കരെ എന്ന സത്യൻ അന്തിക്കാട് സംവിധാനം ചെയ്ത മലയാള ചിത്രത്തിലൂടെ ആണ് നയൻതാര അഭിനയ രംഗത്തേക്ക് എത്തുന്നത്. പിന്നീട് മലയാളത്തിൽ കുറച്ച് ചിത്രങ്ങളിൽ അഭിനയിച്ചെങ്കിലും കൂടുതൽ ശ്രദ്ധിക്കപ്പെട്ടില്ല. ഇതോടെ തമിഴ് സിനിമയിേക്ക് ചേക്കേറിയ താരം ശരത് കുമാറിന്റെ അയ്യയിൽ നായികയായി.
അയ്യയുടെ തകർപ്പൻ വിജയത്തിന് പിന്നാലെ സാക്ഷാൽ സ്റ്റൈൽ മന്നൻ സൂപ്പർസ്റ്റാർ രജനീകാന്തിന്റെ നായികയായി ചന്ദ്രമുഖി എന്ന വമ്പൻ ഹിറ്റിൽ താരമെത്തി. ഇതോടെ തെന്നിന്ത്യൻ ചിത്രങ്ങളിലേ ഗ്ലാമർ ഐക്കൺ ആയി താരം പിന്നീട് മാറി. ഗജിനി, രാജാ റാണി, വില്ല്, തനി ഒരുവൻ, ഇരുമുഖൻ, മായ, നാനും റൗഡി താൻ, ബിഗില്ഡതുടങ്ങി തുടരെ വമ്പൻ ഹിറ്റുകൾ നയൻസിനെ തേടി വന്നു.
Also Read
23ാം വയസ്സില്‍ ചേച്ചിയാവുന്നു, അമ്മ വീണ്ടും ഗര്‍ഭിണിയായ സന്തോഷത്തില്‍ നടി ആര്യ പാര്‍വതി
സിനിമാ പാരമ്പര്യമൊന്നും ഇല്ലാത്ത പത്തനംതിട്ട തിരുവല്ലയിലെ ഒരു സാധാകുടുംബത്തിൽ നിന്നും എത്തിയ താരം ഇതിനോടകം കരിയറിൽ നേടിയെടുത്തത് സിനിമാ ലോകത്തെ തന്നെ അമ്പരിപ്പിക്കുന്ന വലിയ വിജയങ്ങളും ഖ്യാതികളും ആണ്. നയൻതാരയുടെ പല നേട്ടങ്ങളും ഇപ്പോഴും മറ്റ് പല നായികമാർക്കും അപ്രാപ്യമായി തന്നെ തുടരുകയാണ്.
തെന്നിന്ത്യയിൽ തന്നെ ഇന്ന് ഏറ്റവും കൂടുതൽ പ്രതിഫലം കൈ പറ്റുന്ന നായികയാണ് നയൻതാര. സ്ത്രീ കേന്ദ്രീകൃത ചിത്രങ്ങളിലും ബിഗ് ബജറ്റ് സൂപ്പർ സ്റ്റാർ ചിത്രങ്ങളിലും ഒരുപോലെ തന്നെ പരിഗണിക്കുന്ന നായിക. രണ്ട് പതിറ്റാണ്ടിൽ ഏറെയായി മുൻനിര നായികയായി തന്നെ തുടരുന്ന നായിക അങ്ങനെ തുടങ്ങി ലേഡി സൂപ്പർ സ്റ്റാറിന്റെ കരിയർ ഗ്രാഫിന് പ്രത്യേകതകൾ ഒരുപാടാണ്.
അതേ സമയം തകർപ്പൻ വിജയങ്ങളുടെ കൊടുമുടിയിൽ നിൽക്കുന്ന താരത്തിന്റെ കരിയർ ഗ്രാഫ് 2013 ന് ശേഷമാണ് നയൻ പാടെ മാറി മറിഞ്ഞത്. എന്നാൽ ഈ അടുത്ത കാലത്തായി നയൻസിന് തന്റെ കരിയറിൽ തിരിച്ചടികളാണ് നേരിടേണ്ടി വരുന്നത്. നടിയുടെ തുടരെയുള്ള നിരവധി ചിത്രങ്ങൾ ശ്രദ്ധിക്കപ്പെടാതെ പോയി.
മിക്കതും ഒടിടിക്ക് കൊടുത്തതിനാൽ വലിയ രീതിയിലുള്ള സാമ്പത്തിക നഷ്ടം ഇല്ലാതെ രക്ഷപെട്ടു. നടിക്ക് സിനിമകൾ തെരഞ്ഞെടുക്കുന്നതിൽ തുടരെ വീഴ്ചകൾ സംഭവിക്കുക ആണെന്ന് ആയിരുന്നു സിനിമാ ലോകത്തെ പലരും പറഞ്ഞിരുന്നത്. പൊതുവെ താരം സിനിമയുടെ പ്രൊമോഷണൽ പരിപാടികളിൽ അങ്ങനെ പങ്കെടുക്കാറില്ല.
പ്രൊമോഷനിൽ വരുന്ന പാളിച്ചകളാണ് താരത്തിന്റെ സിനിമകൾക്ക് വേണ്ട വിധം സ്വീകാര്യത ലഭിക്കാത്തത് എന്നാണ് പൊതുവെയുള്ള വിലയിരുത്തൽ. എന്നാൽ തുടരെ തുടരെയുള്ള പരാജയങ്ങൾ വന്നതോടെ സ്വന്തം പണം വരെ പോവുമെന്ന സ്ഥിതിയിൽ ആയതോടെ ഒടുവിൽ ആ വാശി ഉപേക്ഷിക്കാൻ നയൻതാര തയ്യാറായി. ഇപ്പോൾ തന്റെ എല്ലാ പുതിയ സിനിമകളുടെയും പ്രൊമോഷന് താരം പങ്കെടുക്കുന്നുണ്ട്.
അതേ സമയം കുറെ നാളുകൾക്ക് ശേഷം മലയാള സിനിമയിലും നയൻതാര അഭിനയിച്ചിരുന്നു. പൃഥ്വിരാജ് അൽഫോൺസ് പുത്രൻ ടീമിന്റെ ഗോൾഡ് എന്ന ചിത്രത്തിൽ നയൻതാര ഭാഗമായിരുന്നു എങ്കിലും താരത്തിന് കാര്യമായൊന്നും തന്നെ ചെയ്യാൻ ഇണ്ടായിരുന്നില്ല. മാത്രമല്ല ഈ ചിത്രം വലിയ പരാജയവും ആയിരുന്നു. ഇപ്പോൾ ബോളവുഡിലേക്കും അരങ്ങേറ്റം കുറിക്കുകയാണ് നടി.
