മലയാളത്തിന്റെ പ്രിയപ്പെട്ട ജനപ്രിയ നായകൻ ആണ് നടൻ ദിലീപ്. മിമിക്രിയിലൂടെ എത്തി മലയാള സിമിയിലെ സൂപ്പർ താരമായി മാറി ദിലീപ് വലിയ ഒരു ഈശ്വര വിശ്വാസി കൂടിയാണ്. ഇപ്പോഴിതാ പ്രശസ്തമായ മാവേലിക്കര ചെട്ടികുളങ്ങര ദേവി ക്ഷേത്രത്തിൽ വഴിപാട് നടത്താൻ എത്തിയിരിക്കികയാണ് ദിലീപ്.
ചെട്ടികുളങ്ങര ദേവീക്ഷേത്രത്തിൽ ഭഗവതിയുടെ ഇഷ്ട വഴിപാട് ആയ ചാന്താട്ടം ആണ് ദിലീപ് കഴിഞ്ഞ ദിവസം നടത്തിയത്. രണ്ടുദിവസം മുൻപേ രാവിലെയാണ് ദിലീപ് ക്ഷേത്രത്തിൽ എത്തിയത്. ഒപ്പം സുഹൃത്തുക്കളും ഉണ്ടായിരുന്നു. ക്ഷേത്ര ദർശനം നടത്തിയ ശേഷം ഉണ്ട ശർക്കര കൊണ്ട് തുലാഭാരവും നടത്തിയാണ് താരം മടങ്ങിയത്.
ഭദ്രകാളീ ക്ഷേത്രങ്ങളിൽ ദേവീപ്രീതിക്കായി നടത്തുന്ന ഒരു ചടങ്ങാണു ചാന്താട്ടം. അതേ സമയം അടുത്തിടെ തന്റെ സമയദോഷത്തെ കുറിച്ച് ദിലീപ് തുറന്നു പറഞ്ഞിരുന്നു. എന്തിനാണ് പലർക്കും തന്നോട് ഇത്ര ശത്രുത എന്ന് അറിയില്ലെന്നാണ് ദിലീപ് കുറച്ചു നാൾ മുൻപ് പറഞ്ഞത്. അവരുടെ ഭാവി എന്റെ കൈയ്യിൽ ആണെന്ന് ഉള്ളതുകൊണ്ടാണ് ഞാനീ യുദ്ധം ചെയ്യുന്നത്.
എന്റെ കുടുംബത്തിന് വേണ്ടിയാണിത് ഈ കാലം കടന്നുപോകും ഉറപ്പ്. നൂറു ശതമാനം ദൈവവിശ്വാസിയാണ് ഞാൻ. സമയദോഷം എന്ന് വിശ്വസിച്ചു സമാധാനിക്കുന്നു. എനിക്കൊപ്പം ഒരുപാട് പേരുടെ പ്രാർത്ഥനകളുണ്ട്. എനിക്ക് വേണ്ടി വഴിപാട് ചെയ്തു പ്രാർത്ഥിക്കുന്ന, ഞാൻ പോലും അറിയാത്ത എത്രയോ പേരെന്നും ദിലീപ് പറഞ്ഞു.
അതേ സമയം അരുൺ ഗോപി സംവിധാനം ചെയ്യുന്ന ബാന്ദ്രയാണ് ദിലീപിന്റെ പുതിയ ചിത്രം. തെന്നിന്ത്യൻ സുന്ദരി തമന്ന മലയാളത്തിലേക്ക് എത്തുന്ന ചിത്രം കൂടിയാണ് ബാന്ദ്ര. രാമലീലയ്ക്ക് ശേഷം ദിലീപിനെ നായകനാക്കി അരുൺ ഗോപി സംവിധാനം ചെയ്യുന്ന ചിത്രമാണ് ബാന്ദ്ര.
ദിലീപിന്റെ പിറന്നാൾ ദിനത്തിലാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തത്. ഉദയകൃഷ്ണ തിരക്കഥ ഒരുക്കിയ ബിഗ് ബജറ്റ് ചിത്രത്തിന്റെ നിർമാണം വിനായക അജിത്ത് ആണ്. ചിത്രത്തിൽ മാസ് ലുക്കിലാണ് ദിലീപ് എത്തുന്നത്.
ചിത്രീകരണത്തിനിടെ തമന്ന സംവിധായകൻ അരുൺ ഗോപിക്കൊപ്പം ഗുരുവായൂർ ക്ഷേത്രത്തിലെത്തി ദർശനം നടത്തിയിരുന്നു. ഷാഫി സംവിധാനം ചെയ്യുന്ന വോയ്‌സ് ഓഫ് സത്യനാഥൻ ആണ് ദിലീപിന്റെ റീലിസ് കാത്തിരിക്കുന്ന മറ്റൊരു ചിത്രം. ജോജു ജോർജും പ്രധാന വേഷത്തിൽ എത്തുന്ന സിനിമയിൽ വീണാ നന്ദകുമാർ ആണ് നായികയായി എത്തുന്നത്.
