സിനിമാ രംഗത്തേക്ക് ബാലതാരമായി എത്തി പിന്നീട് നായികയായും തിളങ്ങിയ താരസുന്ദരിയാണ് സനൂഷ. സിനിമകളിലൂടെ വന്ന് പ്രേക്ഷക പ്രീതി നേടിയ താരമാണ് സനുഷ. ബേബി സനൂഷയായി നിരവധി സിനിമകളിൽ അരുമയായ വേഷങ്ങൾ ചെയ്ത സനുഷ പിന്നീട് നായികനിരയിലേക്ക് ഉയരുകയായിരുന്നു.
1998 ൽ പുറത്തിറങ്ങിയ കല്ലുകൊണ്ടൊരു പെണ്ണ് എന്ന സിനിമയിലാണ് ആദ്യമായി അഭിനയിച്ചത്. ശേഷം 2011 വരെ ബാലതാരമായും നായകന്റെ സഹോദരിയായും മറ്റുമൊക്കെ അഭിനയിച്ചു. മലയാളത്തിന് പുറമേ തമിഴ്, തെലുങ്ക് ഭാഷകളിൽ നിരവധി സിനിമകളുടെയും ഭാഗമായി സനൂഷ.
കാഴ്ച, സൗമ്യം എന്നീ സിനിമകളിലൂടെ മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്‌കാരവും സക്കറിയായുടെ ഗർഭിണികളിലെ പ്രകടനത്തിലൂടെ മികച്ച സഹനടിക്കുള്ള പ്രത്യേക പരാമർശവും ഫിലിം ഫെയർ പുരസ്‌കാരവും സൈമ പുരസ്‌കാരവും സനുഷ നേടുകയുണ്ടായി. പിന്നീട് അഭിനയത്തിൽ നിന്നും മാറി നിന്ന നടിയുടെ തിരിച്ച് വരവിനെ കുറിച്ച് ആരാധകർ അന്വേഷിച്ചിരുന്നു.
ഇപ്പോൾ സിനിമയിൽ അത്ര സജീവമല്ലെങ്കിലും താരം ഇടക്കിടെ തന്റെ സോഷ്യൻ മീഡിയയിൽ കൂടി ആരാധകർക്ക് മുന്നിൽ പ്രത്യക്ഷപ്പെടാറുണ്ട്. തന്റെ ചില വിശേഷങ്ങളും താരം ആരാധകരുമായി പങ്കുവെയ്ക്കാറുണ്ട്. അടുത്തിടെ ടീ ഷർട്ട് ബ്ലൗസ് ആക്കികൊണ്ട് അമ്മയുടെ സാരി ധരിച്ചെത്തി ആരാധകരെ ഞെട്ടിച്ചിരുന്നു.
എന്നാൽ തന്റെ സിനിമയിലേക്കുള്ള വരവിന്റെ ഒരു സൂചന പോലും നടി നൽകിയിരുന്നില്ല. ഇതിനിടെ പല ചിത്രങ്ങൾ പങ്കുവെച്ചും സനുഷ ആരാധകർക്കിടെ സജീവമായി കൊണ്ടിരുന്നു. ഇപ്പോഴിതാ താരത്തെ കുറിച്ച് സന്തോഷകരമായ ഒരു വാർത്തയാണ് പുറത്തുവരുന്നത്.
അഞ്ച് വർഷത്തെ ഇടവേളയ്ക്ക് ശേഷം വീണ്ടും സിനിമയിലേക്ക് തിരിച്ച് വരുകയാണ് സനുഷ. നടി തന്നെയാണ് ഇത് പുറത്തുവിട്ടത്. സ്റ്റാർ മാജിക്ക് വേദിയിൽ വെച്ചാണ് നടി ഈ കാര്യം പറഞ്ഞത്. എന്നാൽ ഇത് സംബന്ധിച്ച കൂടുതൽ വിവരങ്ങളൊന്നും പുറത്തുവന്നിട്ടില്ല.
ഈ അടുത്ത് കശ്മീരിൽ പോയത് അതിന്റെ ഭാഗമായാണെന്ന് പറഞ്ഞാണ് നടി ഈ കാര്യം പറഞ്ഞത്.
മാർച്ച് മാസത്തിലാണ് താരം കാശ്മീരിൽ പോയിരുന്നത്. ഇൻസ്റ്റയിൽ കാശ്മീരിൽ നിന്നുള്ള ചിത്രങ്ങൾ ഇടയ്ക്കിടെ താരം പങ്കുവയ്ക്കുമായിരുന്നു.
കശ്മീരിൽ നിന്ന് കിളിയേ കിളിയേ എന്ന പാട്ട് പാടുന്ന വീഡിയോയും താരം ഒരിക്കൽ പങ്കുവെച്ചിരുന്നു.
അതേസമയം ബാലതാരമായി മലയാള ചിത്രത്തിൽ എത്തി പിന്നീട് നായിക വേഷം ചെയ്ത്, ശേഷം മറ്റു ഭാഷയിലാണ് നടി കൂടുതലും തിളങ്ങിയത്.
അതേ സമയം വിനയൻ സംവിധാനം ചെയ്ത നാളൈ നമതൈ എന്ന തമിഴ് ചലച്ചിത്രത്തിലാണ് സനുഷ നായികയായി തുടക്കം കുറിച്ചത്. 2012ലാണ് മിസ്റ്റർ മരുമകൻ എന്ന സിനിമയിലാണ് സനുഷ മലയാളത്തിൽ നായികയായത്.
തെലുങ്കിൽ അടുത്തിടെ പുറത്തിറങ്ങിയ ജെഴ്‌സിയാണ് സനുഷ അഭിനയിച്ച് പുറത്തിറങ്ങിയ അവസാനത്തെ ചിത്രം. കഴിഞ്ഞ രണ്ട് വർഷമായി നടി സിനിമയിൽ അതേര സജീവമല്ല. മലയാളത്തിൽ സനൂഷ അവസാനം അഭിനയിച്ച ചിത്രം 2016ൽ റിലീസ് ചെയ്ത ഒരു മുറൈ വന്ത് പാർത്തായ ആണ്.
മാമ്പഴക്കാലം, ദാദാ സാഹിബ്, കരുമാടിക്കുട്ടൻ, കാഴ്ച്ച, കീർത്തിചക്ര, കാശി(തമിഴ്) എന്നിവയുൾപ്പെടെ നിരവധി സിനിമകളിൽ ബാലതാരമായി അഭിനയിച്ചു.
