അനിയത്തി പ്രാവ് എന്ന സിനിമയിലൂടെ എത്തി പിന്നീട് മലയാളികളുടെ പ്രിയങ്കരനായ നടനായി മാറിയ താരമാണ് കുഞ്ചാക്കോ ബോബൻ. ആദ്യകാലത്ത് ചോക്ലേറ്റ് നായകനായി അറിയപ്പെട്ടിരുന്ന ചാക്കോച്ചൻ ഇപ്പോൾ ശക്തമായ ക്യാരക്ടർ വേഷങ്ങളിലും സീരിയസ് വേഷങ്ങളിലും ആണ് തിളങ്ങുന്നത്.
അതേ സമയം മലയാളത്തിലെ ഒട്ടുമിക്ക യുവ നായികമാരുടേയും ഒപ്പം ചാക്കോച്ചൻ ഇതിനോടകം അഭിനയിച്ച് കഴിഞ്ഞിട്ടുണ്ട്. മലയാളത്തിന്റെ ലേഡി സുപ്പർസ്റ്റാർ മഞ്ജു വാര്യരുടെ നായകനായും ചാക്കോച്ചൻ എത്തിയിരുന്നു. 14 വർഷത്തെ ഇടവേളയ്ക്ക് ശേഷം നടൻ ദിലീപും ആയുള്ള വിവാഹ ബന്ധം വേർപെടുത്തി മഞ്ജു വാര്യർ വീണ്ടും അഭിനയ രംഗത്തേക്ക് എത്തിയ ഹൗ ഓൾഡ് ആർ യു എന്ന സിനിമയിൽ ആയിരുന്നു ചാക്കോച്ചൻ ലേഡി സൂപ്പർസ്റ്റാറിന്റെ നായികയായി എത്തിയത്.
പക്ഷെ അന്ന് മഞ്ജുവിന്റെ തിരിച്ചു വരവ് തടയാനും ചാക്കച്ചൻ മഞ്ജുവിന്റെ നായകനായി എത്തുന്നത് തടയാനും ദിലീപ് ശ്രമിച്ചിരുന്നു എന്ന പല വാർത്തകളും പുറത്തുവന്നിരുന്നു. കുഞ്ചാക്കോ ബോബൻ അത്തരത്തിൽ തനിക്കുണ്ടായ ഒരു അനുഭവം അന്ന് തുറന്ന് പറഞ്ഞിരുന്നു.
ദിലീപ് തന്റെ സുഹൃത്ത് ആണെന്നും ആ സമയത്ത് ദിലീപ് സിനിമ സംഘടനയുടെ തലപ്പത്ത് ഉള്ള ഒരു വ്യക്തിയും ആയിരുന്നു എന്നും ചാക്കോച്ചൻ പറഞ്ഞിരുന്നു. ദിലീപിന്റെ ഭാര്യ ആയിരുന്ന മഞ്ജുവാര്യർ വിവാഹ മോചിത ആയതിനുശേഷം ആയിരുന്നു അഭിനയത്തിലേക്ക് തിരിച്ചു വന്നത്. മഞ്ജുവിന്റെ രണ്ടാം വരവിലെ ആദ്യത്തെ സിനിമയിൽ ഞാൻ ആയിരുന്നു നായകൻ.
സിനിമയിലെ നായികയെ തീരുമാനിക്കുന്നത് സംവിധായകൻ ആണ്. ആ സിനിമ തീരുമാനിച്ചതിനു ശേഷം ഒരു ദിവസം രാത്രി ദിലീപ് എന്നെ വിളിച്ചു. ഹൗ ഓൾഡ് ആർ യു എന്ന ചിത്രത്തെപ്പറ്റി ഉള്ള കാര്യങ്ങളൊക്കെ തന്നോട് ചോദിച്ച് അറിയുകയും ചെയ്തു. അതിന് ശേഷം ഈ സിനിമയിൽ അഭിനയിക്കരുത് എന്ന ധ്വനി വരുന്ന രീതിയിൽ ഒക്കെ സംസാരിക്കുകയും ചെയ്തിരുന്നു എന്നായിരുന്നു കുഞ്ചാക്കൊ ബോബൻ പറഞ്ഞത്.
അന്നുതന്നെ അതിനുള്ള മറുപടിയായി ഞാൻ ദിലീപിനോട് പറഞ്ഞിരുന്നു. ഞാൻ ഡേറ്റ് കൊടുത്തത് സംവിധായകൻ റോഷൻ ആൻഡ്രൂസിന് ആണ് പറഞ്ഞ വാക്ക് ഞാൻ മാറ്റാറില്ല എന്നായിരുന്നു. അല്ലാതെ മഞ്ജു വാര്യരുടെ പടമാണെന്ന് ഉദ്ദേശിച്ചല്ല എന്നും താൻ പറഞ്ഞിരുന്നു. പുള്ളിയുടെ സംസാരത്തിൽ നിന്ന് തനിക്ക് മനസ്സിലായത് താൻ അതിൽ നിന്നും സ്വയം പിൻമാറണമെന്ന് ആയിരുന്നു.
പക്ഷേ അദ്ദേഹം ഈ കാര്യം നേരിട്ട് എന്നോട് ആവശ്യപ്പെട്ടില്ല. അതേസമയം കസിൻസ് എന്ന സിനിമയിൽ നിന്നും നായികയെ മാറ്റണം എന്ന് ദിലീപ് പറഞ്ഞതായും ഞാൻ കേട്ടിട്ടുണ്ട് എന്ന് ചാക്കോച്ചൻ പറയുന്നു. അതേ സമയം ഹൗ ഓൾഡ് ആർ യുവിന് ശേഷം വേട്ട എന്ന ചിത്രത്തിലും മഞ്ജുവും ചാക്കോച്ചനും ഒരുമിച്ച് അഭിനയിച്ചിരുന്നു.
