ഏഷ്യാനെറ്റിലെ മ്യൂസിക് റിയാലിറ്റി ഷോ ആയിരുന്ന ഐഡിയ സാറ്റാർ സിംഗറിലൂടെ എത്തി പിന്നീട് മലയാളികളുടെ പ്രിയ ഗായികയായി മാറിയ താരമാണ് അമൃതാ സുരേഷ്. പിന്നീട് സിനിമാതാരം ബാലയുമായുള്ള പ്രണയ വിവാഹവും വിവാഹമോചനവുമെല്ലാം അമൃതയെ വാർത്തകളിൽ നിറച്ചു നിർത്തിയിരുന്നു.
അതേസമയം തിരക്കുകൾക്കിടെയിലും പുതിയ വിശേഷങ്ങൾ സോഷ്യൽ മീഡിയയിൽ പങ്കുവെക്കാറുളള താരമാണ് അമൃതാ സുരേഷ്. ഗായികയുടെതായി വരാറുളള മിക്ക പോസ്റ്റുകളും ആരാധകർ ഏറ്റെടുക്കാറുണ്ട്. ഇത്തവണ അമൃത സുരേഷിന്റേതായി വന്ന പുതിയ ഇൻസ്റ്റഗ്രാം പോസ്റ്റും സമൂഹ മാധ്യമങ്ങളിൽ വൈറലായിരിക്കുകയാണ്.
ജീവിതത്തിലെ പുതിയ തുടക്കത്തെ കുറിച്ച് ആരാധകരെ അറിയിച്ചുകൊണ്ടാണ് ഗായിക എത്തിയിരിക്കുന്നത്.
അമൃതംഗമയ പ്രൊഡക്ഷൻസ് എന്ന പുതിയ ബാനർ ആരംഭിച്ചിരിക്കുകയാണ് നടി. ഇതിന്റെ ഒരു വീഡിയോ പങ്കുവെച്ചുകൊണ്ടായിരുന്നു അമൃത എത്തിയത്. ഒപ്പം ഇതുവരെ പിന്തുണച്ച പ്രേക്ഷകർക്ക് നന്ദി അറിയിക്കുന്നുമുണ്ട് താരം.
നിങ്ങളുടെ സ്നേഹത്തിനും പിന്തുണയ്ക്കും എന്റെ ഹൃദയത്തിന്റെ അടിത്തട്ടിൽ നിന്നുള്ള നന്ദി. മാൃൗമോഴമാമ്യീളളശരശമഹ അതിന്റെ പുതിയ ചുവടുവെപ്പ് നടത്തുന്നു. അതോടൊപ്പം, എന്റെ പ്രൊഫഷണൽ ജീവിതത്തെ അടുത്ത ഘട്ടത്തിലേക്ക് കൊണ്ടുപോകുന്നു. ഈ യാത്രയിൽ എന്നോടൊപ്പം ഉണ്ടായിരുന്ന എല്ലാവർക്കും നന്ദി. എന്നാണ് അമൃതാ സുരേഷ് ഇൻസ്റ്റഗ്രാമിൽ കുറിച്ചിരിക്കുന്നത്.
ഏഷ്യാനെറ്റിലെ ബിഗ് ബോസ് റിയാലിറ്റി ഷോ മലയാളം രണ്ടാം സീസണിലൂടെ കഴിഞ്ഞ വർഷവും താരം വാർത്തകളിൽ നിറഞ്ഞ നിന്നിരുന്നു. അനിയത്തി അഭിരാമി സുരേഷിനൊപ്പമായിരുന്നു അമൃത ബിഗ് ബോസിൽ പങ്കെടുക്കാൻ എത്തിയത്.
ഷോയിൽ മികച്ച പ്രകടനം കാഴ്ചവെച്ച താരങ്ങൾ ബിഗ് ബോസിന്റെ അവസാനം വരെ പിടിച്ചു നിന്നിരുന്നു. വൈൽഡ് കാർഡ് എൻട്രിയിലൂടെ ബിഗ് ബോസിലെത്തിയ താരങ്ങൾ അമ്പതാം ദിവസമാണ് ഹൗസിൽ പ്രവേശിച്ചത്.
ബിഗ് ബോസിന് മുൻപ് ഐഡിയ സ്റ്റാർ സിംഗറിലൂടെയാണ് അമൃത എല്ലാവർക്കും സുപരിചിതയായത്.
പിന്നാലെ പിന്നണി ഗായികയായും മലയാളത്തിൽ എത്തിയിരുന്നു താരം. അനിയത്തി അഭിരാമിക്കൊപ്പമുളള അമൃതംഗമയ മ്യൂസിക്ക് ബാൻഡും ഗായികയുടെതായി ശ്രദ്ധിക്കപ്പെട്ടു.
