മലയാളികൾക്ക് ഏറെ പ്രിയങ്കരിയായ താരമാണ് അഭിരാമി സുരേഷ്. ഐഡി സ്റ്റാർസിംഗറിലൂടെ എത്തി പ്രേക്ഷകരുടെ പ്രിയ ഗായികയായി മാറിയ അമൃത സുരേഷിന്റെ സഹോദരിയാണ് അഭിരാമി. യൂട്യൂബ് വ്ലോഗിങ്ങും സ്റ്റേജ് ഷോകളും ഒക്കെയായി സജീവമാണ് സഹോദരിമാരായ അമൃത സുരേഷും അഭിരാമി സുരേഷും.
അവതാരകയും അഭിനേത്രിയുമൊക്കെയായി മാറിയ അഭിരാമി പ്രേക്ഷരുടെ ഇഷ്ട താരമാണ്. അമൃതയ്ക്ക് ഒപ്പം ചേർന്ന് അമൃതം ഗമയ എന്ന മ്യൂസിക് ബാൻഡ് നടത്തുകയാണ് അഭിരാമി. സംഗീതത്തിനപ്പുറം ഫാഷൻ ലോകത്തും സജീവമാണ് ഈ സഹോദരിമാർ. ഒരേ സമയം പാട്ടിലും അഭിനയത്തിലും തിളങ്ങുന്ന അഭിരാമി ഇപ്പോൾ മോഡലിംഗിലും ശ്രദ്ധ നേടുകയാണ്.
ബിഗ് ബോസ് സീസൺ രണ്ടിലും താരം പങ്കെടുത്തിരുന്നു. അതിലൂടെ ധരാളം ആരാധകരെയും വിമർശകരെയും ലഭിച്ചു. അഭിരാമി അതിഥിയായി പങ്കെടുത്ത ഒരു പരിപാടിയിൽ നടന്ന ചില സംഭവങ്ങളുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
Also Read
14 വർഷത്തെ കാത്തിരിപ്പിന് ശേഷം നിത്യാ ദാസ് വീണ്ടും മലയാള സിനിമയിൽ, പള്ളി മണി ഒരുങ്ങുന്നു
എറണാകുളം ലോ കോളജ് വിദ്യാർഥികളുടെ ആരംഭ എന്ന പരിപാടിയിൽ നടന്ന ചില സംഭവങ്ങളുടെ വീഡിയോ അഭിരാമി തന്നെയാണ് സോഷ്യൽ മീഡിയയിൽ പങ്കുവെച്ചത്. എറണാകുളം ലോ കോളജിലെ സീനിയർ വിദ്യാർഥികൾ നവാഗതരായ വിദ്യാർഥികൾക്ക് വേണ്ടി ഒരുക്കിയ ആരംഭ എന്ന പരിപാടി ഉദ്ഘാടനം ചെയ്തത് അഭിരാമിയായിരുന്നു.
പരിപാടി ഉദ്ഘാടനം ചെയ്ത് പ്രസംഗിക്കുന്നതിനിടെ വിദ്യാർഥികൾ കൂവിയപ്പോൾ എല്ലാവരും ഒന്നിച്ച് കൂടുതൽ ഉച്ചത്തിൽ കൂവാൻ ആവശ്യപ്പെട്ടു. ന്യൂജെൻ കൈയ്യടിയായിട്ടാണ് കൂവലുകളെ താൻ കാണുന്നതെന്ന് അഭിരാമി പറഞ്ഞു.
Also Read
നിതിൻ രഞ്ജി പണിക്കറുടെ അടുത്ത ചിത്രത്തിൽ നായകൻ മോഹൻലാൽ, വെളിപ്പെടുത്തലുമായി കാവൽ നായകൻ സുരേഷ് ഗോപി
എന്നാൽ വിദ്യാർഥികളിൽ ചിലരുടെ മുഖം കാണുമ്പോൾ പ്രോത്സാഹിപ്പിച്ച് കൊണ്ട് കൂവന്നതായിട്ടല്ല തോന്നിയതെന്നും ചെറുചിരിയോടെ പ്രസംഗത്തിനിടെ അഭിരാമി വ്യക്തമാക്കി.
