വളരെ ചുരുങ്ങിയ സമയം കൊണ്ട് തെന്നിന്ത്യൻ സിനിമയിൽ ശ്രദ്ധിക്കപ്പെട്ട നടിയായിരുന്നു റെബ മോണിക്ക ജോൺ. ജേക്കബിന്റെ സ്വർഗരാജ്യം എന്ന ചിത്രത്തിലൂടെ നിവിൻ പോളിയുടെ നായികയായി ആണ് റെബ മലയാളത്തിൽ അരങ്ങേറ്റം കുറിച്ചത്. നായികയായി അഭിനയിച്ച ആദ്യ സിനിമയിൽ വളരെ ചുരുക്കം ചില സീനുകളിൽ മാത്രമേ ഉണ്ടായിരുന്നുള്ളു എങ്കിലും നടി വളരെയധികം ശ്രദ്ധിക്കപ്പെട്ടു.
പിന്നീട് പൈപ്പിൻ ചുവട്ടിലെ പ്രണയം എന്ന സിനിമയിൽ നീരജ് മാധവന്റെ നായികയായും റെബ എത്തി. പരസ്യ ചിത്രങ്ങളിലും തിളങ്ങിയിട്ടുള്ള റെബ മലയാളത്തിന് പുറമേ തമിഴിലും വേഷമിട്ടുണ്ട്. ദളപതി വിജയ് നായകനായ ബിഗിലിലെ കഥാപാത്രം താരത്തിന് ഏറെ ആരാധകരെ നേടിക്കൊടുത്തു. സർവ്വകാല വിജയമായി ബിഗിൽ മാറിയതോടെ നടിക്ക് തെന്നിന്ത്യ മുഴുവൻ ആരാധകരുണ്ടായി.
ആദ്യം മോഡലിംഗ് രംഗത്ത് ആയിരുന്നു ബാംഗ്ലൂരിൽ ജനിച്ചുവളർന്ന റെബ മോണിക്ക സജീവമായിരുന്നത്. നിരവധി പരസ്യ ചിത്രങ്ങളിൽ അഭിനയിച്ച താരം പിന്നീട് സിനിമയിലേക്ക് എത്തുകയായിരുന്നു. ആദ്യ ചിത്രത്തിന് ശേഷം നീരജ് മാധവ് നായകനായ പൈപ്പിൻ ചുവട്ടിലെ പ്രണയം എന്ന സിനിമയിൽ നായികയായി റെബ അഭിനയിച്ചു.
അതിന് ശേഷം തമിഴിലും തെലുങ്കിലും കന്നഡയിലും എല്ലാം താരം അഭിനയിച്ചു. ടോവിനോ നായകനായ ഫോറൻസിക് ആണ് റെബ മോണിക്കയുടെ അവസാന റിലീസ് ചിത്രം. ആസിഫ് അലിയും ജിസ് ജോയും വീണ്ടും ഒന്നിക്കുന്ന പേരിട്ടില്ലാത്ത ചിത്രത്തിലാണ് ഇനി റെബ മലയാളത്തിൽ അഭിനയിക്കുക.
ഇത് കൂടാതെ തമിഴ്, കന്നഡ, തെലുങ്ക് ചിത്രങ്ങളുടെ ഷൂട്ടിങ്ങും നടക്കുന്നുണ്ട്. ബാംഗ്ലൂരിൽ ജനിച്ച് വളർന്നതുകൊണ്ട് തന്നെ മോഡേൺ വേഷങ്ങളിലാണ് താരത്തിനെ കൂടുതൽ ആരാധകർ കാണാറുള്ളത്. ഇപ്പോഴിതാ റെബയുടെ ഗ്ലാമറസ് വേഷത്തിലുള്ള ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്.
പ്രഷുൻ പ്രശാന്ത് ശ്രീധറാണ് റെബയുടെ ഈ പുതിയ ഫോട്ടോസ് എടുത്തിരിക്കുന്നത്. ചൈതന്യ റാവുവിന്റെ കോസ്റ്റിയൂമിൽ സാമന്ത ജഗനാണ് മേക്കപ്പ് ചെയ്തിരിക്കുന്നത്.അതേ സമയം അടുത്തിടെ റെബ മോണിക്ക ജോൺ വിവാഹിതയാകുന്നു എന്ന വാർത്ത പുറത്തു വന്നിരുന്നു.
Also Read
താരരാജാവിന്റെ എലോൺ ഒരുക്കാൻ ഷാജി കൈലാസ് ഒറ്റയ്ക്കല്ല, കട്ടയ്ക്ക് കൂട്ടിന് സഹ സംവിധായകനായി മകൻ ജഗനും
ദുബായിൽ താമസിക്കുന്ന ജോയ് മോൻ ജോസഫ് ആണ് വരൻ. താരത്തെ പ്രപ്പോസ് ചെയ്ത വിവരം ജോയ് മോനാണ് വെളിപ്പെടുത്തിയത്. റെബയുടെ ജന്മദിന ആഘോഷങ്ങളുടെ ഇടയിലായിരുന്നു ഇരുവരും വിവാഹക്കാര്യം പങ്കുവച്ചത്.
