മിനിസ്‌ക്രീനിലെ വലിയ റിയാലിറ്റി ഷോയായ ഏഷ്യാനെറ്റ് ചാനലിലെ ബിഗ് ബോസ് മലയാളം സീസൺ 3 ലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് സൂര്യ ജെ മേനോൻ . ഷോയിൽ എത്തുന്നതിന് മുൻപ് തന്നെ സൂര്യ മലയാളി പ്രേക്ഷകരുടെ ഇടയിൽ ചർച്ചയായിരുന്നു. നടി ഐശ്വര്യ റായിയുമായുള്ള രൂപ സാദ്യശ്യമായിരുന്നു താരത്തെ പ്രേക്ഷകരുടെ ഇടയിൽ ആദ്യം ശ്രദ്ധേയയാക്കിയത്.
ബിഗ് ബോസ് സീസൺ 3 ൽ ഏറ്റവും കൂടുതൽ ആരാധകരുണ്ടായിരുന്ന മത്സരാർഥി കൂടിയായിരുന്നു സൂര്യ.
90ാം ദിവസമായിരുന്നു ഷോയിൽ നിന്ന് പുറത്ത് പോകുന്നത്. താരത്തിന്റെ പുറത്ത് പോക്ക് പ്രേക്ഷകരേയും മത്സരാർഥികളേയും ഞെട്ടിച്ചിരുന്നു. രമ്യ പണിക്കരും സൂര്യയ്ക്കൊപ്പം ഷോയിൽ നിന്ന് പുറത്തായിരുന്നു.
ഇരുവരും പുറത്ത് പോയി ദിവസങ്ങൾ കഴിഞ്ഞപ്പോൾ ഷോ നിർത്തി വയ്ക്കുകയായിരുന്നു. രമ്യപണിക്കർ മണിക്കുട്ടനൊപ്പവും സൂര്യ മറ്റ് മത്സരാർഥികൾക്കൊപ്പവുമാണ് നാട്ടിലെത്തിയത്. ഗെയിമിന്റെ ഭാഗമായി രുന്നപ്പോൾ തന്നെ സമൂഹ മാധ്യമങ്ങളിലൂടെ ഒത്തിരിയേറെ അധിക്ഷേപങ്ങൾക്കും പരിഹാസങ്ങൾക്കും ഇരയാകേണ്ടി വന്ന മത്സരാർഥിയാണ് സൂര്യ.
ബിഗ് ബോസ് വീടിനുള്ളിലെ സൂര്യയുടെ പല പ്രവൃത്തികളും ഇത്തരം വിമർശനങ്ങൾക്ക് കാരണമായി. എന്നാൽ പുറത്തെത്തിയതിന് ശേഷവും ഗെയിമിൽ നിന്ന് പുറത്തായിട്ടും തനിക്കെതിരായ സൈബർ ആക്രമണങ്ങൾ തുടർന്നിരുന്നു. ഇത്തരം ആക്രമണങ്ങളോട് വൈകാരികമായി പ്രതികരിച്ച സൂര്യ ഇൻസ്റ്റഗ്രാം സ്റ്റോറിയിലൂടെ മറ്റ് താരങ്ങളുടെ ഫാൻസ് ആർമിക്കെതിരെ പരാതി നൽകുമെന്നും പറഞ്ഞിരുന്നു. ‘
മറ്റ് ആർമികളിൽ നിന്ന് ഞാനും എന്റെ കുടുംബവും ഇപ്പോഴും സൈബർ ആക്രമണം നേരിട്ടു കൊണ്ടിരിക്കുകയാണ്. ഇനി നിങ്ങൾക്ക് കാണേണ്ടത് എന്റെ മരണമാണോ എന്നായിരുന്നു സൂര്യയുടെ വാക്കുകൾ. മറ്റൊരു സ്റ്റോറിയിൽ ദയവു ചെയ്ത് തന്നെ സ്നേഹിക്കുന്നവർ ആരുടെയും അക്കൗണ്ടിലും പോയി ചീത്ത വിളിക്കരുതെന്നും അവർ അറിയാത്ത കാര്യമായിരിക്കുമെന്നും സൂര്യ പറഞ്ഞു.
ഇതിനു പിന്നാലെ താൻ സൈബർ ഇടങ്ങളിൽ നിന്ന് ചെറിയ ഇടവേളകൾ എടുക്കുകയാണെന്നും സൂര്യ വ്യക്തമാക്കിയിരുന്നു. ഇൻസ്റ്റഗ്രാം സ്റ്റോറിയിലൂടെയാണ് സൂര്യ ഇക്കാര്യം വ്യക്തമാക്കിയത്. ഇപ്പോഴിതാ, ദിവസങ്ങൾക്കു ശേഷം സൂര്യ ഒരു കിടിലം വാർത്തയുമായി ഇൻസ്റ്റഗ്രാമിൽ മടങ്ങിയെത്തിയിരിക്കുകയാണ്.
തമിഴിലും തെലുങ്കിലുമായി നാലു സിനിമകൾ തനിക്ക് ലഭിച്ചുവെന്ന സന്തോഷ വാർത്തയാണ് സൂര്യ ഇൻസ്റ്റഗ്രാം സ്റ്റോറിയായി പങ്കുവച്ചിരിക്കുന്നത്. ആരോഗ്യകാരണങ്ങളെ തുടർന്നാണ് താൻ സോഷ്യൽ മീഡിയയിൽ നിന്നും കുറച്ച് നാളത്തേക്ക് പിന്മാറുന്നതായി സൂര്യ പറഞ്ഞത്. എന്തായാലും താരത്തിന്റെ തിരിച്ചുവരവിൽ ആരാധകർ സന്തുഷ്ടരാണ്. നിരവധി പേരാണ് കമന്റുകളിലൂടെ തങ്ങളുടെ പിന്തുണ അറിയിച്ച് എത്തിയിരിക്കുന്നത്.
