മലയാളം സിനിമകളിലും സീരിയലുകളിലുമായി പ്രേക്ഷകരുടെ സുപരിചിതനായ താരമാണ് ഷാജു ശ്രീധർ. ഒരുപിടി നല്ല സിനിമകളിൽ അഭിനയിച്ച് പ്രേക്ഷകരുടെ പ്രിയങ്കരനായി മാറി ഷാജു ശ്രീധർ. നിരവധി ചിത്രങ്ങളിലൂടെയും സീരിയലുകളിലൂടെയും തിളങ്ങി നിൽക്കുകയാണ് താരം.
നടി ചാന്ദിനിയെ ആയിരുന്നു താരം വിവാഹം കഴിച്ചത്. മക്കൾക്ക് ഒപ്പമുള്ള ഷാജുവിന്റെ ടിക് ടോക്ക് വീഡിയോകൾ ഏറെ വൈറലായിരുന്നു. നന്ദന,നീലാഞ്ജന എന്നിങ്ങനെ രണ്ട് പെൺമക്കളാണ് ഷാജുവിനും ചാന്ദിനിക്കും.
ഇപ്പോൾ ഇവരുടെ മൂത്ത മകൾ നന്ദന സിനിമ അഭിനയത്തിലേക്ക് കാലെടുത്ത് വെയ്ക്കുകയാണ്. നന്ദന നായികയാവുന്ന ചിത്രത്തിന്റെ പൂജയിൽ മുഖ്യാതിഥിയായി എത്തിയത് ദിലീപ് ആയിരുന്നു. ജോഷി ജോൺ സംവിധാനം ചെയ്യുന്ന സ്റ്റാൻഡേർഡ് ടെൻ ഇ 99 ബാച്ച് എന്നാണ് ചിത്രത്തിന്റെ പേര്.
എടപ്പള്ളി അഞ്ചുമന ദേവി ക്ഷേത്രത്തിൽ വച്ച് ആയിരുന്നു ചിത്രത്തിന്റെ പൂജ നടന്നത്. ദിലീപ് തന്നെ ആയിരുന്നു സിനിമയുടെ സ്വിച്ചോൺ കർമം നിർവഹിച്ചത്. ജോഷി ജോൺ തിരക്കഥയെഴുതി സംവിധാനം ചെയ്യുന്ന ചിത്രമാണ്. മിനി മാത്യു പ്രൊഡക്ഷൻസ് ബാനറിലാണ് ചിത്രം ഒരുങ്ങുന്നത്. മിനി മാത്യു, ഡേവിഡ് ജോൺ എന്നിവർ ചേർന്നാണ് ചിത്രം നിർമ്മിക്കുന്നത്.
വലിയ ഒരു ഇടവേളയ്ക്ക് ശേഷമാണ് ദിലീപ് ഒരു പൊതു പരിപാടിയിൽ പങ്കെടുക്കുന്നത്. ദിലീപ് പങ്കെടുത്ത ചിത്രങ്ങൾ എല്ലാം തന്നെ സമൂഹ മാധ്യമങ്ങളിൽ വലിയ തരംഗം ആണ് സൃഷ്ടിച്ചു കൊണ്ടിരിക്കുന്നത്. സാക്ഷാൽ ദിലീപിൻറെ അനുഗ്രഹത്തോടെ സിനിമയിൽ അരങ്ങേറാൻ സാധിച്ചതിന്റെ സന്തോഷത്തിലാണ് നന്ദന ഷാജു. അടുത്തവർഷം ആയിരിക്കും ചിത്രം തിയേറ്ററുകളിലെത്തുന്നത്.
പാലക്കാട് മേഴ്സി കോളേജിൽ ബി എസ് സി ബയോ ടെക്‌നോളജി അവസാന വർഷ വിദ്യാർത്ഥിയാണ് നന്ദന. ചിത്രത്തിൽ പ്ലസ് വണ്ണിന് പഠിക്കുന്ന വിദ്യാർത്ഥിയുടെ വേഷത്തിലാണ് നന്ദന ചിത്രത്തിൽ എത്തുന്നത്. നന്ദനയുടെ അനുജത്തി നിരഞ്ജന അയ്യപ്പനും കോശിയും, ബ്രദേഴ്സ് ഡേ, കിംഗ് ഫിഷ് എന്നീ ചിത്രങ്ങളിൽ അഭിനയിച്ചിട്ടുണ്ട്.
നടൻ ആന്റണി വർഗീസ്,സംവിധായകരായ മാർത്താണ്ഠൻ, ബോബൻ സാമുവേൽ, സന്ദീപ് സേനൻ, ബിസി നൗഫൽ, ബിജുക്കുട്ടൻ, മജീജ് ഷാജു ശ്രീധർ, ചാന്ദ്നി തുടങ്ങിയവരും സിനിമയുടെ പൂജ ചടങ്ങിൽ പങ്കെടുക്കാൻ എത്തിയിരുന്നു.
ചിത്രം നിർമ്മിക്കുന്നത് ജോഷി കളർ ഫിലിംസാണ്.ഒരു സ്‌കൂളും അവിടത്തെ വിദ്യാർത്ഥികളും അവരുടെ ലോകവുമാണ് സ്റ്റാൻഡേഡ് ടെൻ ഇ 99 ബാച്ച് എന്ന ചിത്രത്തിന്റെ പ്രമേയം.സലിം കുമാർ,ചിന്നു കുരുവിള എന്നിവരാണ് മറ്റു താരങ്ങൾ.സിനിമയുടെ ചിത്രീകരണം നവംബർ 26ന് കോട്ടയത്ത് ആരംഭിക്കും.
മലയാള സിനിമയിൽ സിനിമയിൽ എത്തിയിട്ട് വർഷങ്ങളോളം ആയെങ്കിലും ഷാജുവിനെ തേടി നല്ല കഥാപാത്രങ്ങൾ എത്തി തുടങ്ങിയിട്ട് ചുരുക്കം ചില വർഷങ്ങൾ മാത്രമേ ആയിട്ടുള്ളൂ. കിട്ടിയ റോളുകൾ എല്ലാം ഗംഭീരമായി അഭിനയിക്കുന്ന ഒരാളാണ് ഷാജു.
തീയേറ്ററിൽ ഈ രണ്ട് കൊല്ലത്തിന് ഇടയിൽ ഇറങ്ങിയ ഒരുപാട് സൂപ്പർഹിറ്റ് സിനിമകളിൽ ഷാജു ഭാഗമായിട്ടുണ്ട്. പഴയനടി ചാന്ദിനിയെയാണ് ഷാജു വിവാഹം ചെയ്തിരിക്കുന്നത്. അന്നത്തെ ചില സിനിമകളിൽ ഇരുവരും ഒരുമിച്ച് അഭിനയിക്കുകയും പ്രണയത്തിൽ ആവുകയും പിന്നീട് ജീവിതസഖിയായി മാറുകയും ചെയ്തു. ഇരുവർക്കും രണ്ട് പെൺകുട്ടികളാണ് ഉളളത്.
അതിൽ ഇളയമകൾ നീലാഞ്ജന രണ്ട് സിനിമകളിൽ ചെറിയ വേഷങ്ങളിൽ ബാലതാരമായി അഭിനയിച്ചു കഴിഞ്ഞു. ഷാജുവിന്റെ മൂത്തമകളും സിനിമയിലേക്ക് ആദ്യമായി ചുവടുവെക്കുന്നതിന്റെ വാർത്തയാണ് ഇപ്പോൾ പുറത്തുവരുന്നത്. മൂത്തമകൾ നന്ദന ആദ്യമായി നായികയായി അഭിനയിക്കുന്ന കാര്യം ഷാജു തന്നെയാണ് സോഷ്യൽ മീഡിയയിലൂടെ പങ്കുവച്ചത്.
നേരത്തെ തന്നെ ഷാജുവിനൊപ്പമുള്ള ടിക് ടോക് വീഡിയോസിൽ നന്ദന അഭിനയിക്കുന്നത് കണ്ട് പ്രേക്ഷകർ നന്ദനയുടെ സിനിമയിലേക്കുള്ള വരവ് പ്രതീക്ഷിച്ചിരുന്നു. ഷാജുവിനൊപ്പം അല്ലാതെയും നിരവധി വീഡിയോസ് നന്ദന ചെയ്തത് സോഷ്യൽ മീഡിയയിൽ വൈറലായിരുന്നു. കുട്ടികാലം മുതൽ ക്ലാസിക്കൽ ഡാൻസ് പഠിക്കുന്ന ഒരാളുകൂടിയാണ് നന്ദന.
