അടുത്ത കാലത്ത് വാർത്താ മാധ്യമങ്ങളിലും സോഷ്യൽ മീഡിയയിലും ഏറെ ചർച്ചയായ ഒന്നായിരുന്നു പ്രമുഖ സംവിധായകൻ സനൽ കുമാർ ശശിധരനും മലയാളികളുടെ പ്രിയങ്കരിയായ നടി ലേഡി സൂപ്പർതാരം മഞ്ജു വാര്യരും തമ്മിലുള്ള പ്രശ്‌നങ്ങളും ഇരുവരുടേയും വാഗ്വാദങ്ങളും. തന്നെ പിറകേ നടന്നു ശല്യപ്പെടുത്തുന്നു എന്ന മഞ്ജു വാര്യരുടെ പരാതിയെ തുടർന്ന് സനൽ കുമാർ ശശിധരനെ പോലിസ് അറസ്റ്റ് ചെയ്തിരുന്നു.
സനൽ കുമാർ ശശിധരൻ സംവിധാനം ചെയ്ത കയറ്റം എന്ന സിനിമയിൽ നായികയായി എത്തിയത് മഞ്ജു വാര്യർ. അതേ സമയം മഞ്ജു വാര്യരുമായി ഉണ്ടായ പ്രശ്നം എന്താണെന്ന് വെളിപ്പെടുത്തി രംഗത്ത് എത്തിയരിക്കുക ആണ് സനൽകുമാർ ശശിധരൻ ഇപ്പോൾ. തന്റെ സിനിമയിലേക്ക് മഞ്ജു വാര്യർ എത്തിയത് എങ്ങനെ ആണെന്നും തനിക്ക് അവരോട് തോന്നിയ പ്രണയം തുറന്ന് പറഞ്ഞിട്ടുണ്ടെന്നും സനൽ കുമാർ ശശിധരൻ വ്യക്തമാക്കുന്നു.
ഒരു മാധ്യമത്തിന് നൽകിയ അഭിമുഖത്തിൽ ആയിരുന്നു സനൽ കുമാർ ശശിധരന്റെ വെളിപ്പെടുത്തൽ. മഞ്ജു വാര്യർ കാരണമാണ് കയറ്റം എന്ന സിനിമ സംഭവിക്കുന്നത്. സെ ക് സി ദുർഗ എന്ന ചിത്രത്തിന്റെ ലിങ്ക് നൽകാമോ എന്ന് ചോദിച്ച് മഞ്ജു വാര്യർ ആണ് മെസേജ് അയക്കുന്നതെന്നും ആദ്യം എനിക്ക് വിശ്വാസമായില്ലെന്നും സംവിധായകൻ പറയുന്നു.
ആ ചിത്രം കണ്ടിട്ട് അവർ ഇഷ്ടപ്പെട്ടെന്ന് പറഞ്ഞുവെന്നും തന്നോട് ഒപ്പം വർക്ക് ചെയ്യാൻ താൽപര്യമുണ്ടെന്ന് മഞ്ജു പറഞ്ഞു എന്നും സൻകുമാർ ശശിധരൻ പറയുന്നു. കുറേ കഥകൾ തന്റ കയ്യിൽ ഉണ്ടെന്നും നിങ്ങളെ പോലെ ഉള്ള ആളുകൾക്ക് വർക്ക് ചെയ്യാൻ പറ്റുമോ എന്നും കയറ്റം ചിത്രീകരിക്കാൻ ഹിമാലയത്തിൽ പോകേണ്ടിവരുമെന്നും ചിലപ്പോൾ അപകടം സംഭവിച്ചെന്നു വരമെന്ന് താൻ പറഞ്ഞു എന്നും സനൽകുമാർ വെളിപ്പെടുത്തുന്നു.
അതൊന്നും പ്രശ്നമല്ലെന്നാണ് അവർ പറഞ്ഞതെന്നും തനിക്ക് മഞ്ജു വാര്യരെ കുറിച്ചുള്ള കാഴ്ചപ്പാട് മാറിത്തുടങ്ങിയത് ആ സമയത്താണെന്നും സംവിധായകൻ വ്യക്തമാക്കുന്നു. ആഗസ്റ്റിൽ ചിത്രം ഷൂട്ട് ചെയ്യണമെന്നാണ് പറഞ്ഞത്. അവരുടെ പ്രോജക്ടും മാറ്റിവച്ച് ആഗസ്റ്റിൽ ഷൂട്ട് ചെയ്യാൻ അവർ തയ്യാറായി എന്നും 20 ദിവസം ഹിമാലയത്തിൽ വച്ചായിരുന്നു ഷൂട്ടെന്നും സൻകുമാർ പുറയുന്നു.
വേണ്ടത്ര സൗകര്യം പോലുമില്ലാത്ത സ്ഥലത്തായിരുന്നു ചിത്രം ഷൂട്ട് ചെയ്തത്. ഒരു കുഴിവെട്ടിയ സ്ഥലമാണ് ടോയ്ലറ്റായി ഉപയോഗിച്ചത് എന്നും പറഞ്ഞ സംവിധായകൻ മഞ്ജു വാര്യർക്ക് താനുമായി എന്തെങ്കിലും അലോസരമുണ്ടെന്ന് താൻ ഇപ്പോഴും വിശ്വസിക്കുന്നില്ലെന്നും താരം പറയുന്നു.
അതിന് ശേഷം സിനിമയെ കുറിച്ചുള്ള അഭിമുഖങ്ങളിൽ താൻ മഞ്ജു വാര്യരുമായി എത്തിയിട്ടുണ്ട്. അതിലൊക്കെ അവർ എന്നെപറ്റിയും സിനിമയെ പറ്റിയും വളരെ മാന്യമായിട്ടാണ് സംസാരിച്ചിട്ടുള്ളത്. താൻ മഞ്ജു വാര്യരോട് പ്രണയാഭ്യർത്ഥന നടത്തിയെന്ന കാര്യം സത്യമാണ്. ഒരിക്കലും ഏകപക്ഷീയമായ പ്രണയാഭ്യർത്ഥനയല്ല പല കാര്യത്തിലും അവർക്ക് എന്നോട് ആകർഷണമുണ്ടെന്ന് തോന്നുന്ന തരത്തിൽ പെരുമാറിയെന്നും അദ്ദേഹം വ്യക്തമാക്കുന്നു.
എന്നാൽ അഭിപ്രായ വ്യത്യാസങ്ങൾ ഉണ്ടാകുന്ന സമയത്ത് താൻ മിണ്ടാതിരിക്കുമെന്നും അപ്പോൾ അവർ തന്നെ ഇങ്ങോട്ട് കാര്യങ്ങൾ സംസാരിക്കുകയും മേസേജ് അയക്കുകയും ചെയ്യുമെന്നു ഒരു സന്ദർഭത്തിൽ ഞാൻ അവരോട് പറഞ്ഞു എനിക്ക് നിങ്ങളോട് സ്പിരിച്ച്വൽ അട്രാക്ഷൻ തോന്നുന്നു എന്നാണെന്നും അപ്പോൾ അവർ പറഞ്ഞത് നിങ്ങൾ നല്ലൊരു മനുഷ്യനാണ് എന്നെ പോലൊരാൾ എന്ന് പറഞ്ഞ് നിർത്തിയെന്നും സനൽ കുമാർ വ്യക്തമാക്കുന്നു.
മഞ്ജു വാര്യരും ആയുണ്ടായ പ്രശ്നങ്ങളല്ല തന്റെ വിവാഹ ജീവിതത്തിലെ പ്രശ്നം ആരംഭിച്ചത്. മഞ്ജു വാര്യരോട് നടത്തിയത് പ്രണയ അഭ്യർത്ഥന എന്നൊന്നും പറയാൻ പറ്റില്ല. അത് ഞാൻ പറയുന്നത് കമ്പാനിയൻഷിപ്പിനെ പറ്റി മാത്രമാണ്. ആ സമയത്ത് ഞാനും എന്റെ വൈഫും ഒരു വീട്ടിൽ രണ്ട് മുറികളിൽ താമസിക്കുകയാണ്.
ഞങ്ങൾ രണ്ട് തരത്തിലുള്ള മനുഷ്യരാണ്. അവരുടെ കാഴ്ചപ്പാട് വേറെയാണെന്നും എന്റെ കാഴ്ചപ്പാട് വേറെയാണെന്നും എനിക്ക് അവരുമായി ഒരു തരത്തിലും കമ്പാനിയൻഷിപ്പുണ്ടായി വരുന്നില്ലെന്നും ഞാൻ പറയുന്നൊന്നും അതിന്റേതായ രീതിയിൽ എടുക്കില്ലെന്നും ഞങ്ങൾ സൗഹൃദത്തോടെയാണ് പിരിഞ്ഞതെന്നും സനൽകുമാർ ശശിധരൻ വെളിപ്പെടുത്തുന്നു.
