മലയാളത്തിന്റെ താരരാജാവ് മോഹൻലാൽ ജോഷി കൂട്ടുകെട്ടിൽ ഇറങ്ങി ബ്ലോക്ക്ബസ്റ്റർ വിജയം നേടിയ ചിത്രമായിരുന്നു നരൻ. മുളളൻകൊല്ലി വേലായുധനായി മോഹൻലാൽ തകർത്തുവാരിയ സിനിമ കൂടിയാണ് നരൻ. രഞ്ജൻ പ്രമോദ് തിരക്കഥ ഒരുക്കിയ നരൻ സംവിധാനം ചെയ്തത് ജോഷി ആയിരുന്നു.
തകർപ്പൻ വിജയം നേടിയ സിനിമ നൂറിലധികം ദിവസങ്ങളാണ് തിയ്യേറ്റുകളിൽ പ്രദർശിപ്പിച്ചത്. മഹൻലാലിന്
പുറമെ സിനിമയിൽ അഭിനയിച്ച മറ്റു താരങ്ങളും ശ്രദ്ധേയ പ്രകടനമാണ് കാഴ്ചവെച്ചത്. സിദ്ധിഖ്, ഭാവന, ഇന്നസെന്റ്, മധു, ജഗതി ശ്രീകുമാർ, ദേവയാനി ഉൾപ്പെടെയുളളവരാണ് ചിത്രത്തിൽ പ്രധാന വേഷങ്ങളിലെത്തിയത്.
ഇവർക്കൊപ്പം നടി സോനാ നായരും ഈ മോഹൻലാൽ ചിത്രത്തിൽ ഒരു പ്രധാന വേഷമിട്ടിരുന്നു. കുന്നുമ്മേൽ ശാന്ത എന്ന കഥാപാത്രത്തെയാണ് നടി അവതരിപ്പിച്ചത്. നടിയുടെ കരിയറിൽ ഏറെ ശ്രദ്ധിക്കപ്പെട്ട കഥാപാത്രം കൂടിയായിരുന്നു സിനിമയിലേത്.
ഇപ്പോഴിതാ ഇതുവരെ അഭിനയച്ചതിൽ ഇഷ്ടം ചിത്രം ഏതാണെന്ന് വെളിപ്പെടുത്തുകയാണ് സോനാ നായർ.
അമൃത ടിവിയിലെ പറയാം നേടാം പരിപാടിയിൽ ആയിരുന്നു സോനാ നായരുടെ തുറന്നു പറച്ചിൽ. പരിപായിൽ ഇഷ്ട ചിത്രം ഏതാണന്ന എംജി ശ്രീകുമാറിന്റെ ചോദ്യത്തിന് ആയിരുന്നു നരൻ തന്നെയാണെന്ന് സാനാ നായർ മറുപടി റഞ്ഞത്
സോനാ നായരുടെ വാക്കുകൾ ഇങ്ങനെ:
നരൻ ആണ് ഇപ്പോഴും എനിക്ക് കൈയ്യടി കിട്ടാറുളള ചിത്രമാണ് അതെന്ന് നടി പറയുന്നു. എവിടെ പോയാലും കുന്നുമ്മേൽ ശാന്തയെ നെഞ്ചോട ചേർത്തിട്ടുണ്ട് പ്രേക്ഷകർ. ഇന്നലെയും കൂടെ കുറച്ചാൾക്കാര് നരനെ കുറിച്ച് പറഞ്ഞതാണ്.
നരൻ എന്തുക്കൊണ്ടും എന്റെ ജീവിതത്തിലെ, പ്രൊഫഷണൽ കരിയറിലെ ഒരു നാഴിക കല്ലാണ്. അപ്പോ ആ സിനിമയും അതിലെ കഥാപാത്രവുമാണ് ഇന്നും മനസിൽ തങ്ങിനിൽക്കുന്നത്. പ്രത്യേകിച്ച് ജോഷി സാറിനെ പോലൊരു പ്രഗൽഭനായ ഡയറക്ടർ. പ്ലസ് ലാലേട്ടൻ നമ്മുടെ എല്ലാവരുടെയും മുത്ത്.
അദ്ദേഹത്തിന്റെ കൂടെയൊക്കെ വർക്ക് ചെയ്യാനും ഒരു സ്‌ക്രീൻ സ്പേസ് ഷെയർ ചെയ്യാനുമൊക്കെ പറ്റുന്നത് എന്റെ മഹാഭാഗ്യം. ഒരുപാട് പടങ്ങൾ അതിന് മുന്നേ ചെയ്തിട്ടുണ്ട്. ലാലേട്ടനുമായിട്ട് ഒരു അഞ്ചാറ് സിനിമകളെ ചെയ്തുളളൂ.
മമ്മൂക്കയുമായി കുറച്ചധികം ചെയ്തിട്ടുണ്ട്. പിന്നെ സുരേഷേട്ടൻ, ജയറാമേട്ടൻ അങ്ങനെ എല്ലാ പഴയ ആർട്ടിസ്റ്റുകളുടെയും ഒപ്പം വർക്ക് ചെയ്തിട്ടുണ്ട്. കൂടാതെ പുതിയ ആൾക്കാരൊപ്പവും എന്ന് സോനാ നായർ പറയു.
അതേസമയം 30 വർഷമായിട്ട് അഭിനയ രംഗത്ത് സജീവമായിട്ട് നിൽക്കുന്ന വ്യക്തിയാണ് സോന നായർ. ഇപ്പോൾ സീരിയൽ രംഗത്താണ് നടി അഭിനയിച്ചുകൊണ്ടിരിക്കുന്നത്. മലയാളത്തിന് പുറമെ തമിഴിലും അഭിനയിച്ചിരുന്നു താരം. കൂടാതെ പുതിയ വിശേഷങ്ങൾ പങ്കുവെച്ച് സോഷ്യൽ മീഡിയയിലും ആക്ടീവാകാറുണ്ട് സോന നായർ.
സോന നായരുടെതായി വരാറുളള പോസ്റ്റുകളെല്ലാം സമുഹ മാധ്യമങ്ങളിൽ വൈറലാകാറുണ്ട്. ക്യാരക്ടർ റോളുകളിലൂടെയാണ് നടി മലയാള സിനിമയിൽ തിളങ്ങിയത്.
Also Read
കിലുക്കത്തിൽ നായിക ആവേണ്ടിയിരുന്നത് അമല, ഒടുവിൽ രേവതി എത്തിയത് ഇങ്ങനെ
