ഏഷ്യാ നെറ്റിൽ സംപ്രേഷണം ചെയ്ത സൂപ്പർഹിറ്റ് പരമ്പരയായിരുന്നു വാനമ്പാടി എന്ന സീരിയൽ. അടുത്തിടെയാണ് ഈ പരമ്പര അവസാനിച്ചത്. നിരവധി ആരാധകരായിരുന്നു വാനമ്പാടിക്ക് ഉണ്ടായിരുന്നത്.
മിനി സ്‌ക്രീൻ പ്രേക്ഷകരുടെ പ്രിയപ്പെട്ടവരായിരുന്നു വാനമ്പാടിയിലെ കഥാപാത്രങ്ങളെല്ലാം.
സീരിയലിലെ പ്രധാന കഥാപാത്രമായ മോഹൻ കുമാറിനെ അവതരിപ്പിച്ചത് തെലുങ്ക് നടൻ സായ് കിരൺ ആയിരുന്നു. തെലുങ്ക് സിനിമകളിൽ സജീവ സാനിധ്യമായിരുന്ന സായ് കിരൺ ഇപ്പോൾ മലയാളത്തിലും തമിഴിലും മിനി സ്‌ക്രീനിൽ നിറഞ്ഞുനിൽക്കുകയാണ്.
അതേസമയം ഒരുകാലത്ത് മലയാളത്തിൽ നിറഞ്ഞുനിന്ന ഗായിക പി സുശീലയുടെ കൊച്ചുമോനാണ് സായ് കിരൺ എന്ന് അധികം ആർക്കുമറിയാത്ത കാര്യമാണ്. സീരിയലിലെ രണ്ട് മക്കളും തനിക്കു സ്വന്തം മക്കളെ പോലെയാണെന്നും അനുമോളെയാണ് കൂടുതൽ ഇഷ്ടമെന്നും സായി കിരൺ നേരത്തെ ചില അഭിമുഖങ്ങളിൽ പറഞ്ഞിരുന്നു.
ഇപ്പോഴിതാ സീരിയലിൽ അനുമോളായി വേഷമിട്ട ഗൗരി സുചിത്രയ്‌ക്കൊപ്പം നിൽക്കുന്ന ഒരു ഫോട്ടോ സായ് കിരൺ പങ്കുവെച്ചത് വൈറലായിരിക്കുകയാണ്. മിസ്സ് യു കുമ്മ എന്ന ക്യാപ്ഷൻ ഇട്ടുകൊണ്ടാണ് ഫോട്ടോ പങ്കുവെച്ചിരിക്കുന്നത്. കുമ്മ എന്നാണ് സുചിത്രയെ ഗൗരി വിളിക്കുന്നത്. നിരവധി കമന്റുകളാണ് ഈ ഫോട്ടോയ്ക്ക് വന്നുകൊണ്ടിരിക്കുന്നത്.
ചിത്രത്തിന് ഓ മൈ ബേബി ലവ് എന്നാണ് സായി കിരൺ കമന്റ് ചെയ്തത്. മറുപടിയായി മിസ്സ് യു അങ്കിൾ എന്നാണ് ഗൗരി കമന്റ് ചെയ്തത്. നിങ്ങൾ എത്രത്തോളം ഗൗരിയെ മിസ്സ് ചെയ്യുന്നുണ്ട് എന്ന ഒരു ആരാധകന്റെ ചോദ്യത്തിന് അവൾ ഇല്ലാതെയുള്ള ജീവിതം വളരെ ബുദ്ധിമുട്ടാണ് എന്നാണ് സായ് മറുപടി നൽകിയത്.
ഉടനെ കാണാം എന്ന് സുചിത്രയും ഗൗരിക് കമന്റ് നൽകിയിട്ടുണ്ട് തെലുങ്ക് സീരിയലായ കൊയിലമ്മയുടെ റീമേക്കാണ് വാനമ്പാടി. കൊയിലമ്മയിലെ നായകനെയും സായ്കിരൺ തന്നെയാണ് അവതരിപ്പിച്ചത്. ഇതാണ് വാനമ്പാാടിയിലും അതേ കഥാപാത്രമായി സായ്കിരൺ എത്താൻ കാരണം.
35ഓളം തെലുങ്ക് സിനിമകളിൽ അഭിനയിച്ചിട്ടുള്ള സായ്കിരൺ ഭക്ത സീരിയലുകളിൽ കൃഷ്ണനും വിഷ്ണുവുമായി എല്ലാം തിളങ്ങിയിട്ടുണ്ട്.വിവാഹമോചിതൻ കൂടിയാണ് സായ്കിരൺ. 2010ൽ വൈഷ്ണവിയെ വിവാഹം കഴിച്ചെങ്കിലും അധികം വൈകാതെ ബന്ധം വേർപിരിഞ്ഞു. ഇപ്പോൾ അമ്മയ്ക്കും സഹോദരിക്കും ഒപ്പമാണ് സായ്കിരൺ താമസിക്കുന്നത്.
