വളരെ കുറച്ച് ചിത്രങ്ങൾകൊണ്ട് തന്നെ നിരവധി ആരാധകരുടെ മനസ്സ് കീഴടക്കിയ മലയാളികളുടെ പ്രിയപ്പെട്ട നായികയാണ് ഐശ്വര്യ ലക്ഷ്മി. മായാനദിയിലെ അപ്പുവെന്ന ഒറ്റകഥാപാത്രത്തിലൂടെ തന്നെ മലയാളികൾക്ക് പ്രിയങ്കരിയായി മാറി ഐശ്വര്യ ലക്ഷ്മി. ടൊവിനോ തോമസിന്റെ നായികയായിട്ടായിരുന്നു മായാ നദിയിൽ ഐശ്വര്യ ലക്ഷ്മി അഭിനയിച്ചത്.
പിന്നീട് ഫഹദ് ഫാസിലിന് ഒപ്പം വരത്തനിലും ആസിഫലിക്ക് ഒപ്പം പൗർണമിയും വിജയ് സൂപ്പറും തുടങ്ങി ഒരുപിടി നല്ലസിനിമകളിൽ ഐശ്വര്യ ലക്ഷ്മി വേഷമിട്ടു. അതേ സമയം പലപ്പോഴും ഇഷ്ടതാരങ്ങളുടെ സൗന്ദര്യ രഹസ്യങ്ങളും മറ്റും അറിയാൻ ആരാധകർക്ക് വളരെ അധികം താത്പര്യമാണ്.
താരങ്ങൾ ഉപയോഗിക്കുന്ന സൗന്ദര്യ വർദ്ധക വസ്തുക്കൾ, അവയുടെ ബ്രാന്റ് ഏതൊക്കെയാണ് എന്നൊക്കെയാണ് ആരാധകർക്ക് ഇപ്പോഴും അറിയേണ്ടത്. ഇപ്പോഴിതാ തന്റെ സൗന്ദര്യ രഹസ്യത്തെക്കുറിച്ച് വെളിപ്പെടുത്തിയിരിക്കുകയാണ് നടി ഐശ്വര്യ ലക്ഷ്മി.
പുരികം വളരെ ഇഷ്ടമാണ്, അതിനാൽ ത്രെഡ് ചെയ്യാറില്ല, ഐബ്രോസ് ഷെയ്പ്പ് ചെയ്യുന്ന ഉപകരണമുണ്ട്, അതുവച്ചാണ് ചെയ്യാറ്. ചർമ്മത്തിന് അനുസരിച്ച് സൺ സ്‌ക്രീൻ ഉപയോഗിക്കുകയെന്നു ഐശ്വര്യ പറയുന്നു. മുഖക്കുരു അധികം വരാറില്ലെന്നും നെറ്റിയിൽ വല്ലപ്പോഴും ചെറിയ കുരുക്കൾ മാത്രമാണ് വരാറുള്ളുവെന്നും അത് ഭക്ഷണം നിയന്ത്രിച്ച് മാറ്റാൻ ശ്രമിക്കും.
അതോടൊപ്പം കണ്ണിനടിയിൽ ചുളിവുകൾ വരുന്നത് പ്രായം കൂടുന്നതിന്റെ ലക്ഷണമാണെന്നും അത് വൃത്തികേടല്ലെന്നും താരം കൂട്ടിച്ചേർത്തു. ഇൻസ്റ്റഗ്രാമിൽ തനിക്ക് അശ്ലീല സന്ദേശമയച്ചവർക്ക് ഗംഭീര തിരിച്ചടി നൽകി നടി ഐശ്വര്യ ലക്ഷ്മി രംഗത്തെത്തിയിരുന്നു.
തന്നെ ശല്യം ചെയ്യുന്ന പ്രൊഫൈലിന്റെ സ്‌ക്രീൻ ഷോട്ട് ഉൾപ്പെടുത്തിയാണ് ഐശ്വര്യയുടെ പോസ്റ്റ്. സ്വകാര്യ സന്ദേശങ്ങൾ അയച്ച് തന്നെ ലൈംഗികമായി ശല്യം ചെയ്യുന്നു എന്ന് കുറിച്ചാണ് ഐശ്വര്യ സ്‌ക്രീൻഷോട്ട് പുറത്തുവിട്ടത്. ഇത്തരം മോശം കാര്യങ്ങൾ സംഭവിക്കുമ്പോൾ വഴി മാറി നടക്കാനുള്ള പക്വത തനിക്കുണ്ടെന്നും ഐശ്വര്യ പറഞ്ഞു.
പക്ഷെ പ്രൊഫൈലിൽ കണ്ട ആൺകുട്ടികളുടെ ചിത്രമാണ് താരത്തെ അത്ഭുതപ്പെടുത്തിയത്. സ്‌കൂൾ യൂണീഫോം ധരിച്ചുനിൽക്കുന്ന നാല് ആൺകുട്ടികളാണ് ചിത്രത്തിലുള്ളത്. ‘ഈ അക്കൗണ്ട് സ്വകാര്യ സന്ദേശങ്ങൾ അയച്ച് എന്നെ ലൈംഗീകമായി ശല്യം ചെയ്യുകയാണ്.
ഇത്തരം വൃത്തികേടുകൾ കാണുമ്പോൾ വഴി മാറി നടക്കാനുള്ള പ്രായം എനിക്ക് ഉണ്ട്. പക്ഷെ ഈ ചിത്രത്തിൽ കാണുന്ന ആൺകുട്ടികളെ നോക്കൂ, ഐശ്വര്യ കുറിച്ചു. ദി ഡാഡ് ഓഫ് ഡെവിൽസ് എന്ന പേരിലുള്ള ഇൻസ്റ്റഗ്രാം പ്രൊഫൈലാണ് നടിയുടെ സ്‌ക്രീൻഷോട്ടിലുള്ളത്. ഫ്രണ്ട്സ് എന്ന ഹാഷ്ടാഗോടെ സ്‌കൂൾ യൂണീഫോമിലുള്ള നാല് ആൺകുട്ടികളെ ചിത്രത്തിൽ കാണാം.
